ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2.

ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2. - 6666 2 - ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2.
ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2. - Untitled design - ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2.

ໃນວັນທີ 30 ມີນາ ນີ້, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງ ການຕ່າງປະເທດ ໄດ້ຖະແຫລງຂ່າວຕໍ່ທູຕານຸທູດ ແລະ ອົງການຈັດຕັ້ງສາກົນວ່າ: ປັດຈຸບັນ, ສປປ ລາວ ມີຜູ້ຕິດເຊື້ອໂຄວິດ-19 ແລ້ວ 8 ຄົນ, ຊຶ່ງເຮັດໃຫ້ທາງລັດຖະບານໄດ້ມີການຍົກລະດັບມາດຕະການສະກັດກັ້ນ, ປ້ອງກັນ ແລະ ຄວບຄຸມ, ຈາກລະດັບຂັ້ນ 1 ທີ່ບໍ່ມີຜູ້ຕິດເຊື້ອ ມາເປັນຂັ້ນ 2 ທີ່ໄດ້ພົບຜູ້ຕິດເຊື້ອ ແລະ ມີການເພີ່ມມາດຕະການປ້ອງກັນຫລາຍຂື້ນ ຈາກມາດຕະການເກົ່າທີ່ເຄີຍປະຕິບັດກ່ອນແລ້ວ, ຊຶ່ງໃນວັນທີ 29 ມີນາ ນີ້, ທ່ານ ນາຍົກລະຖະມົນຕີ ໄດ້ອອກຄຳສັ່ງໃຫ້ທົ່ວສັງຄົມປະຕິບັດມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດໂຄວິດ-19 ຢ່າງເຂັ້ມງວດ, ໂດຍຄຳສັ່ງດັ່ງກ່າວລະບຸວ່າ: ໃຫ້ພະນັກງານ, ລັດຖະກອນ ຢຸດການເຮັດວຽກຢູ່ຫ້ອງການ ແຕ່ວັນທີ 1-11 ເມສາ ແລະ ສືບຕໍ່ພັກບຸນປີໃໝ່ລາວ ຮອດວັນທີ 19 ເມສາ ນີ້, ຍົກເວັ້ນທະຫານ, ຕຳຫລວດ, ເຈົ້າໜ້າທີ່ດັບເພີງ, ພະນັກງານຮັບຜິດຊອບລະບົບບໍລິການໄຟຟ້າ, ນ້ຳປະປາ ແລະ ການສື່ສານ, ແພດໝໍ, ອາສາສະໝັກ, ພະນັກງານລັດຖະກອນ ຜູ້ທີ່ໄດ້ຮັບມອບໝາຍໃຫ້ປະຈຳການ ແລະ ຜູ້ທີ່ເຮັດວຽກສະກັດກັ້ນ, ກັນການລະບາດ, ຄວບຄຸມ ແລະ ປິ່ນປົວຜູ້ຕິດເຊື້ອພະຍາດ, ໃຫ້ກະຊວງ, ອົງການຂັ້ນສູນກາງ ແລະ ອົງການປົກຄອງທ້ອງຖິ່ນ ໃນຂອບເຂດທົ່ວປະເທດ ຈັດຕັ້ງ ແລະ ແນະນຳພະນັກງານທີ່ຢູ່ໃນຄວາມຮັບຜິດຊອບຂອງຕົນ ເຮັດວຽກທາງລັດຖະການ ຢູ່ເຮືອນ ຫລື ທີ່ພັກອາໄສ ຜ່ານລະບົບການສື່ສານ, ອີເລັກໂຕຣນິກ ແລະ ເຄື່ອຂ່າຍອິນເຕີເນັດ, ຫ້າມປະຊາຊົນ, ພະນັກງານ, ລັດຖະກອນ, ທະຫານ, ຕຳຫລວດ, ກຳມະກອນ, ນັກຮຽນ, ນັກສຶກສາ, ຜູ້ປະກອບການ, ຊາວຕ່າງດ້າວ, ຜູ້ບໍ່ມີສັນຊາດ ລະ ຊາວຕ່າງປະເທດ ທີ່ຢູ່ ສປປ ລາວ ອອກຈາກເຮືອນ ຫລື ທີ່ພັກອາໃສຂອງຕົນ, ຍົກເວັ້ນກໍລະນີທີ່ຈຳເປັນເຊັ່ນ: ໄປຊື້ເຄື່ອງອຸປະໂພກ-ບໍລິໂພກ, ໄປໂຮງໝໍ, ຫ້າມບຸກຄົນເດີນທາງໄປທ້ອງຖິ່ນອື່ນ ຫລື ເຂດທີ່ມີການຕິດເຊື້ອ ຫລື ເຂດທີ່ມີຄວາມສ່ຽງ, ຍົກເວັ້ນຜູ້ທີ່ໄດ້ຮັບອະນຸຍາດຈາກອົງການປົກຄອງທ້ອງຖິ່ນກ່ຽວຂ້ອງຍ້ອນເຫດຜົນຈຳເປັນເຊັ່ນ: ຂົນສົ່ງສິນຄ້າ, ໄປໂຮງໝໍ ແຕ່ໃຫ້ຂະແຫນງສາທາລະນະສຸກ ແລະ ເຈົ້າໜ້າທີ່ກ່ຽວຂ້ອງຕັ້ງດ່ານກວດກາສຸຂະພາບ, ໃຫ້ສືບຕໍ່ປິດກິດຈະການຮ້ານບັນເທີງ, ຮ້ານຄາລາໂອເກະ, ຮ້ານເບຍ, ຮ້ານບໍລິການນວດ ແລະ ສະປາທຸກປະເພດ, ສະຖານທີ່ອອກກຳລັງກາຍ ແລະ ຫລີ້ນກິລາ, ຕະຫລາດກາງຄືນ, ພ້ອມກັນນີ້, ກໍໃຫ້ປິດໂຮງງານຕັດຫຍິບ, ໂຮງງານອື່ນໆ ແລະ ບັນດາໂຄງການໃຫຍ່ທີ່ມີຄວາມສ່ຽງໃນການລະບາດ, ຍົກເວັ້ນ ໂຮງງານຜະລິດສິນຄ້າບໍລິໂພກ, ຢາປົວພະຍາດ, ເຄື່ອງປ້ອງກັນການລະບາດ ແລະ ອຸປະກອນການແພດ, ໃຫ້ຜູ້ປະກອບການຂອງບັນດາໂຮງງານທີ່ປິດ ມີການຄຸ້ມຄອງແຮງງານໃຫ້ພັກຢູ່ ທີ່ພັກຂອງຕົນ ແລະ ປະຕິບັດນະໂຍບາຍສະຫວັດດີການ ໃຫ້ແກ່ໂຮງງານເຫລົ່ານນັ້ນໃນໄລຍະພັກວຽກ, ພ້ອມນີ້, ຍັງໃຫ້ສືບຕໍ່ປິດດ່ານປະເພນີ ແລະ ດ່ານທ້ອງຖິ່ນ ຢ່າງເຂັ້ມງວດເດັດຂາດ ແລະ ໃຫ້ປິດດ່ານສາກົນທັງໝົດ ສຳລັບການເຂົ້າອອກຂອງບຸກຄົນ ລວມທັງຜູ້ທີ່ໄດ້ຮັບອະນຸຍາດແລ້ວ ແຕ່ບໍ່ທັນໄດ້ອອກ ຫລື ເຂົ້າມາ, ໃຫ້ກະຊວງການຕ່າງປະເທດປະສານສົມທົບກັບພາກສ່ວນທີ່ກ່ຽວຂ້ອງ ອຳນວຍຄວາມສະດວກ ໃຫ້ແກ່ຊາວຕ່າງປະເທດ ທີ່ມີຈຸດປະສົງຢາກເດີນທາງກັບຄືນປະເທດຂອງຕົນ.

ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2. - WhatsApp Image 2020 05 27 at 5 - ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2.
ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2. - WhatsApp Image 2020 05 27 at 5 - ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2.
ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2. - Wave100S AD to Website 2020 0 - ລາວຍົກລະດັບສະຖານະການເຊື້ອໂຄວິດ-19 ເປັນຂັ້ນ 2.
error: Alert: ເນື້ອຫາຂ່າວມີລິຂະສິດ !!