ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ

ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ - we - ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ
ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ - Untitled design - ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ
  • ການກິນພິດຊ່າ ຮ່າງກາຍຈະໄດ້ຮັບຫຍັງແນ່ ?

     ຫລາຍທ່ານອາດຮູ້ວ່າ ພິດຊ່າ ຖືເປັນໜຶ່ງໃນອາຫານທີ່ບໍ່ຄ່ອຍຈະດີຕໍ່ສຸຂະພາບປານໃດ ຫາກກິນຫລາຍໆຈະເຮັດໃຫ້ຕຸ້ຍໄດ້, ແຕ່ເຖິງຈະເປັນແນວນັ້ນຄົນກໍຍັງມັກກິນພິດຊ່າ. ດັ່ງນັ້ນ, ມື້ນີ້ພວກເຮົາຈະມາວິເຄາະຂໍ້ດີ – ຂໍ້ເສຍຂອງການກິນພິດຊ່າມານຳສະເໜີທ່ານເພື່ອເສີມຄວາມຮູ້ ດັ່ງນີ້ :

  • ພິດຊ່າກັບຄໍເລສເຕີໂຣນ : ຄວາມຈິງແລ້ວ ພິດຊ່າ ແມ່ນໜຶ່ງໃນອາຫານທີ່ທັງສາມາດກິນເພື່ອຮັກສາສຸຂະພາບ ແລະ ທຳລາຍສຸຂະພາບໄດ້ໃນເກືອບທຸກຕຳລາ ຫາກທ່ານຊື້ພິດຊ່າຈາກຮ້ານທີ່ເປັນສາຂາດັງໆ ທ່ານອາດບໍລິໂພກໄຂມັນເກີນຄວາມຕ້ອງການຕໍ່ມື້ຂອງຮ່າງກາຍ ລວມໄປເຖິງໄຂມັນອີ່ມໂຕ, ໂຊດຽມ ແລະ ກາລໍຣີ. ພິດຊ່າຖາດກາງທົ່ວໄປຈະມີໄຂມັນຫລາຍກ່ວາ 65% ທີ່ຮ່າງກາຍຄວນໄດ້ຮັບ ແລະ ມີໄຂມັນອີ່ມໂຕ 116% ແລະ ໂຊດຽມອີກ 70% (ຕໍ່ມື້), ແຕ່ຄວາມຈິງແລ້ວເຮົາກໍບໍ່ຈຳເປັນຕ້ອງປ່ອຍໃຫ້ເປັນແບບນັ້ນດອກ ຫາກທ່ານຢາກຈະໄດ້ປະໂຫຍດຈາກການກິນພິດຊ່າ ທ່ານກໍຄວນກິນບໍ່ໃຫ້ເກີນ 2 ປ່ຽງຕໍ່ມື້ ຫລື ທ່ານອາດຈະເສີມດ້ວຍສະຫລັດຜັກຄຽງຄູ່ກັນໄປ. ໂຕຢ່າງເຊັ່ນ : ໃນເທື່ອຕໍ່ໄປ ລອງສັ່ງພິດຊ່າທີ່ປາສະຈາກຊິສ, ໄສ້ກອກ, ເປບເປໂຣນີ ໃນປະລິມານຫລາຍໆ ແທນໂດຍການໃສ່ຜັກ ເຊັ່ນ : ຜັກກະລໍ່າດອກ, ເຫັດ, ຫົວຜັກບົ່ວໃຫຍ່ ແລະ ໝາກເຜັດຢວກ ພຽງເທົ່ານີ້ກໍຈະໄດ້ພິດຊ່າທີ່ເປັນມິດກັບສຸຂະພາບຫລາຍກ່ວາແລ້ວ.
  • ໜ້າພິດຊ່າທີ່ແນະນຳ : ບໍ່ມັກຜັກລ້ວນໆ ຮູ້ສຶກຝືນໃຈຄົນຮັກພິດຊ່າຫລາຍເກີນໄປ ຂໍແນະນຳລອງໄປຫາໄອເດຍໜ້າພິດຊ່າທີ່ເປັນມິດກັບສຸຂະພາບຫລາກຫລາຍໜ້າ ເຊິ່ງຂໍໃຫ້ມີສ່ວນປະສົມຂອງຜັກ ຫລື ໝາກໄມ້ນຳ ຈະດີຕໍ່ສຸຂະພາບຕື່ມ.
  • ພິດຊ່າໜ້າກຸ້ງ ໄຂມັນຕໍ່າ : ໃຊ້ກຸ້ງ ແລະ ແປ້ງໂຮຫວີດ ມີໂປຣຕິນຈາກກຸ້ງ, ໂຮຍດ້ວຍຜັກຊານາລີ່, ໝາກເຜັດຢວກຫລາກຫລາຍສີ ແລະ ຜັກກະລໍ່າດອກ ເພື່ອໃຫ້ໄດ້ຮັບວິຕາມິນ.
  • ພິດຊ່າໄຂ່ : ເລືອກໜ້າທີ່ມີສ່ວນປະສົມຈາກໄຂ່ ທ່ານຈະໄດ້ຮັບໂປຣຕິນທີ່ດີຕໍ່ສຸຂະພາບ.

     ເຖິງວ່າພິດຊ່າຈະເປັນອາຫານທີ່ເຮັດໃຫ້ຕຸ້ຍໄດ້, ແຕ່ຫາກທ່ານຮູ້ຈັກເລືອກປະສົມປະສານສ່ວນປະກອບໃນການປຸງແຕ່ງດີໆ ໂດຍສະເພາະແມ່ນວັດຖຸດິບໃນການເຮັດພິດຊ່າ ຫາກພິຈາລະນາດີໆແລ້ວ ສິ່ງສຳຄັນຢູ່ນຳວັດຖຸດິບ ແລະ ສ່ວນປະກອບນີ້ ເຊິ່ງທ່ານສາມາດເລືອກກິນພິດຊ່າທີ່ຫລຸດອັດຕາສ່ວນຂອງອາຫານທີ່ບໍ່ດີອອກ ແລ້ວແທນບ່ອນດ້ວຍອາຫານສຸຂະພາບ ເຊັ່ນ : ຜັກ, ຊີ້ນສັດທີ່ມີໂປຣຕິນ, ໄຂ່, ປາ ຫລື ແມ່ນແຕ່ຜັກ – ໝາກໄມ້ ເພື່ອເສີມລົດຊາດຂອງພິດຊ່າໃຫ້ແຊບຫລາຍຂຶ້ນ. ປັດຈຸບັນນອກເໜືອຈາກຮ້ານສາຂາຊື່ດັງ, ຮ້ານອາຫານຕາເວັນຕົກທົ່ວໄປ ມັກມີລາຍການພິດຊ່າຫລາກຫລາຍໜ້າ ແລະ ຍິ່ງເປັນພິດຊ່າແບບເອີຣົບແທ້ໆ ຈະອ່າວມີແປ້ງບາງ ແລະ ເຮົາຈະໄດ້ເຫັນສ່ວນປະກອບເພື່ອສຸຂະພາບຫລວງຫລາຍ ເຊັ່ນ : ປາແຊວມັອນ, ໝາກເລັ່ນ, ໝາກກອກ, ຜັກ ແລະ ໝາກໄມ້ຊະນິດຕ່າງໆ  ໃຫ້ທ່ານເລືອກໜ້າພິດຊ່າແບບແປ້ງບາງ ຈະໄດ້ບໍ່ຮັບແປ້ງຫລາຍເກີນໄປ, ຖ້າເລືອກໄດ້ຄວນເລືອກໜ້າເຈ ຫລື ເນັ້ນຜັກ, ເນັ້ນເຫັດ, ເນັ້ນໝາກໄມ້, ອໍຣິກາໂນ ມີກົດ Rosmarinic Acid ຫລາຍ ປ້ອງກັນປະຕິກິລິຍາການສະຫລາຍໂຕຂອງໄຂມັນທີ່ຈະເຮັດໃຫ້ເກີດອະນຸມູນອິດສະລະ ຊ່ວຍກຳຈັດໄຂມັນໃນເລືອດ ແລະ ຕໍ່ຕ້ານແຊນມະເຮັງ, ກິນພິດຊ່າຄູ່ກັບຊ໊ອດໝາກເລັ່ນ ຈະໄດ້ຮັບສານໄລໂຄປີນ ທີ່ດີຕໍ່ສຸຂະພາບ.

     ໃນຄວາມເປັນຈິງແລ້ວ, ການກິນພິດຊ່ານັ້ນບໍ່ແມ່ນເລື່ອງທີ່ຜິດ ແລະ ບໍ່ສາມາດກິນໄດ້ເລີຍ, ແຕ່ການກິນນັ້ນຄວນຢູ່ໃນປະລິມານທີ່ເໝາະສົມ, ມີການຄວບຄຸມ ແລະ ບໍ່ຄວນກິນເກີນ 2 ປ່ຽງຕໍ່ມື້ ໂດຍໃນບາງຄົນສາມາດເສີມໂພຊະນາການທາງອາຫານດ້ວຍການກິນຄູ່ກັບຍຳສະຫລັດ, ອົບຜັກ, ນຳ້ປັ່ນໝາກໄມ້ ເຊິ່ງໃນສະຫະລັດອາເມລິກາກໍເລີ່ມທີ່ຈະສົ່ງເສີມເລື່ອງນີ້ຢ່າງໜັກ ໂດຍມີການແນະນຳໃຫ້ຜູ້ຜະລິດປ່ຽນສ່ວນປະສົມຂອງພິດຊ່າທີ່ເນັ້ນແປ້ງ, ເນີຍ, ນຳ້ຕານ ແລະ ໄຂມັນ ປ່ຽນໄປໃຫ້ຄວາມສຳຄັນກັບການເພີ່ມປະລິມານທັນຍາພືດ,  ຫລຸດຊີ້ນ ແລະ ເພີ່ມສ່ວນປະສົມທີ່ມີກາລໍຣີຕໍ່າ ຫາກເຮັດໄດ້ ພິດຊ່າກໍມີປະລິມານກາລໍຣີບໍ່ເຖິງ 200 ກາລໍຣີ ເຊິ່ງເລື່ອງນີ້ໄດ້ຮັບສຽງຕອບຮັບຈາກຜູ້ຜະລິດ ແລະ ຜູ້ຜະລິດເອງກໍເລີ່ມທີ່ຈະເຮັດພິດຊ່າທີ່ກິນແລ້ວສົ່ງຜົນດີ ແລະ ຮ່າງກາຍໄດ້ຮັບປະໂຫຍດມາໃຫ້ທ່ານເລືອກຫລາກຫລາຍຍິ່ງຂຶ້ນ.

ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ - Wave100S AD to Website 2020 0 - ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ
ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ - WhatsApp Image 2020 05 27 at 5 - ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ
ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ - WhatsApp Image 2020 05 27 at 5 - ໂພຊະນາການໜ້າຮູ້ ຊວນໃຫ້ອ່ານ ກ່ອນກິນພິດຊ່າ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!