5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ

5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ - op - 5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ
5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ - Untitled design - 5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ

     ທ່ານອາດຈະພົບແຮງບັນດານໃຈໄດ້ທົ່ວໄປໃນຊີວິດປະຈຳວັນ ບໍ່ວ່າຈະແມ່ນຈາກການເບິ່ງຮູບເງົາ, ອ່ານໜັງສື, ຟັງເພງ ຫລື ລົມກັບໃຜຈັກຄົນ ແຕ່ແຮງບັນດານໃຈນັ້ນບໍ່ໄດ້ມາຫາເຮົາຕະຫລອດເວລາສະເໝີໄປ ບາງເທື່ອທ່ານອາດຈະຮູ້ສຶກວ່າຕອນນີ້ບໍ່ມີຈິດໃຈຈະເຮັດຫຍັງເລີຍ ມັນເຮັດໃຫ້ຊີວິດຂອງທ່ານເຊື່ອງຊ້າລົງກ່ວາທີ່ຄວນຈະເປັນ ເພາະແຮງບັນດານໃຈນັ້ນເປັນສິ່ງສຳຄັນທີ່ຈະຊ່ວຍໃຫ້ເຮົາເລີ່ມຕົ້ນສິ່ງໃໝ່ໆ ແລະ ກ້າວໄປຂ້າງໜ້າໄດ້. ຖ້າທ່ານຮູ້ສຶກວ່າໂຕເອງກຳລັງຂາດແຮງບັນດານໃຈ ພວກເຮົາມີວິທີງ່າຍໆມາແນະນຳທ່ານ ສຳລັບເອີ້ນແຮງບັນດານໃຈກັບມາອີກຄັ້ງ ດັ່ງນີ້ :

1. ເຮັດສະມາທິ : ການເຮັດສະມາທິນັ້ນມີຜົນຕໍ່ສະພາບທາງຈິດ ມັນຊ່ວຍໃຫ້ເຮົາສາມາດທົບທວນອາລົມຕ່າງໆໄດ້ ເຊັ່ນ : ຄວາມໃຈຮ້າຍ, ຄວາມຄຽດຊັງ ຫລື ແມ່ນແຕ່ຄວາມຮັກ. ໃນທາງຈິດຕະວິທະຍາແລ້ວ ມີການຄົ້ນພົບວ່າການເຮັດສະມາທິຈະຊ່ວຍຫລຸດຄວາມວິຕົກກັງວົນ ແລະ ເຮັດໃຫ້ອາລົມຂອງເຮົາໝັ້ນຄົງຂຶ້ນ. ເຖິງວ່າການເຮັດສະມາທິຈະບໍ່ໄດ້ເປັນບໍ່ເກີດຂອງແຮງບັນດານໃຈໂດຍກົງ, ແຕ່ມັນຈະຊ່ວຍໃຫ້ຮ່າງກາຍ ແລະ ຈິດໃຈຂອງທ່ານພ້ອມ ແລະ ແຂງແຮງ ເພາະທຸກມື້ນີ້ຜູ້ຄົນມັກຈະຕ້ອງພົບພໍ້ກັບອາການທາງຈິດທີ່ຈອບລົບກວນພວກເຮົາຢູ່ຕະຫລອດເວລາ ແລະ ເມື່ອຕ້ອງພົບກັບສະຖານະການແບບນັ້ນ ມັນກໍຍາກທີ່ຈະຫາແຮງບັນດານໃຈ. ທ່ານສາມາດເລີ່ມຝຶກສະມາທິໄດ້ເລີຍທັນທີ ເຖິງວ່າທ່ານຈະເປັນພຽງຜູ້ເລີ່ມຕົ້ນ ແຕ່ມັນຈະເຫັນຜົນໄດ້ໃນທັນທີ, ທ່ານຈະຮູ້ສຶກສະຫງົບ ແລະ ຜ່ອນຄາຍຫລາຍຂຶ້ນ ແລະ ບໍ່ແນ່ວ່າແຮງບັນດານໃຈທີ່ຫາຍໄປກໍອາດຈະກັບຄືນມາອີກຄັ້ງ .

2. ຢຸດໃຊ້ ໂຊຊ່ຽວ ມີເດຍ ຫລື ໂລກອອນລາຍລົງແນ່ : ຫລຸດຜ່ອນການໃຊ້ໂລກອອນລາຍທຸກປະເພດລົງແນ່ ບໍ່ວ່າຈະແມ່ນໃນໂທລະສັບ ຫລື ຄອມພິວເຕີ ທັງນີ້ກໍເພື່ອທີ່ຈະໃຫ້ໂຕທ່ານເອງໄດ້ພັກຜ່ອນແນ່, ຈື່ໄວ້ວ່າແຕ່ກ່ອນເຮົາບໍ່ມີໂທລະສັບມືຖື ຜູ້ຄົນກໍຍັງມີວິທີການຢ່າງຫລວງຫລາຍໃນການຜ່ອນຄາຍໄດ້. ມີຜົນວິໄຈພົບວ່າ ຄົນທີ່ໃຊ້ອຸປະກອນເທົ່າທີ່ຈຳເປັນນັ້ນສາມາດເຮັດວຽກໄດ້ມີປະສິດທິພາບຫລາຍຂຶ້ນ ທຸກມື້ນີ້ສື່ດິຈິຕອລນັ້ນມີຜົນຕໍ່ເຮົາຫລາຍເກີນໄປ ແລະ ສ່ວນຫລາຍກໍຈະເປັນໃນທາງລົບ, ການຢຸດໃຊ້ຈັກໄລຍະຈະຊ່ວຍໃຫ້ທ່ານຄິດ ຫລື ຫາແຮງບັນດານໃຈໃໝ່ໆໄດ້ງ່າຍຂຶ້ນ.

3. ເຮັດຊີວິດໃຫ້ຊ້າລົງແນ່ : ທຸກມື້ນີ້ເປັນເລື່ອງປົກກະຕິໄປແລ້ວທີ່ຜູ້ຄົນຈະຟ້າວຟັ່ງເຮັດສິ່ງຕ່າງໆໃຫ້ແລ້ວ ຈົນພວກເຂົາບໍ່ມີເວລາໃຫ້ແກ່ຮ່າງກາຍ ແລະ ສະໝອງໄດ້ພັກຜ່ອນ. ໃນທາງສຸຂະພາບແລ້ວ ຄົນເຮົາຄວນມີເວລາພັກຜ່ອນຈາກວຽກທີ່ເໝາະສົມ ເພື່ອເປັນການຟື້ນຟູສະໝອງນັ້ນເອງ. ເຮົາມັກຈະຄິດຫຍັງບໍ່ອອກເວລາທີ່ອິດເມື່ອຍຫລາຍໆ ແລະ ນັ້ນເປັນສັນຍານວ່າທ່ານຄວນຈະຢຸດພັກຈັກໄລຍະໜຶ່ງ.ຕ້ອງຄຳນຶງໄວ້ສະເໝີວ່າ ຖ້າເຮົາບໍ່ຍອມພັກ ຮ່າງກາຍ ແລະ ຈິດໃຈກໍຈະບໍ່ມີເວລາໃນການຟື້ນຟູ ແລະ ນັ້ນໝາຍຄວາມວ່າເຮົາຈະບໍ່ສາມາດຫາແຮງບັນດານໃຈໄດ້ເລີຍ.

5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ - Wave100S AD to Website 2020 0 - 5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ

4. ປະຕິຫານແຫ່ງດົນຕີ : ດົນຕີນັ້ນມີຜົນຕໍ່ທັງສະໝອງ ແລະ ຫົວໃຈ ເພາະເວລາທ່ານຟັງດົນຕີ ໂດຍສະເພາະເພງທີ່ທ່ານມັກ ມັນຈະເປັນສິ່ງທີ່ຊ່ວຍໃຫ້ທ່ານຜ່ອນຄາຍທາງອາລົມ ແລະ ເຊື່ອມຕໍ່ສະໝອງກັບຈິດຈຳນຶກຂອງທ່ານເຂົ້າກັນ ບາງເທື່ອທ່ານອາດຈະຟັງເພງແຈ໊ສເບົາໆ ເພື່ອເປັນການຜ່ອນຄາຍຈາກເລື່ອງເຄັ່ງຄຽດຕ່າງໆ. ນອກຈາກນີ້, ດົນຕີຍັງມີຜົນຕໍ່ອາລົມຂອງທ່ານຢ່າງຫລາຍ ຖ້າທ່ານໄດ້ຟັງດົນຕີມ່ວນໆໃນມື້ທີ່ທ່ານຮູ້ສຶກບໍ່ດີ ເຊື່ອໄດ້ເລີຍວ່າທ່ານຈະອາລົມດີຂຶ້ນ ແລະ ສາມາດຄົ້ນຫາແຮງບັນດານໃຈໃໝ່ໆໄດ້ງ່າຍຂຶ້ນນຳ.

5. ຮ້ອງອອກມາດັງໆ : ຈິດໃຈຂອງຄົນເຮົາປຽບໄດ້ກັບບ່ອນເກັບມ້ຽນຂີ້ເຫຍື້ອ ຖ້າທ່ານບໍ່ລະບາຍສິ່ງເຫລົ່ານັ້ນທີ່ຢູ່ໃນໃຈອອກມາແນ່ ທ່ານກໍຈະຮູ້ສຶກອິດເມື່ອຍອ່ອນເພຍ ແລະ ເຄັ່ງຄຽດຫລາຍເກີນໄປ, ແຕ່ຫາກທ່ານໄດ້ຮ້ອງອອກມາດັງໆ ຂີ້ເຫຍື້ອທີ່ຢູ່ໃນໃຈກໍຈະຖືກທຳລາຍໃຫ້ຫາຍໄປໄດ້ ເວລາທີ່ທ່ານຮູ້ສຶກຂາດແຮງບັນດານໃຈ ຢາກໃຫ້ທ່ານລອງເຮັດວິທີນີ້ເບິ່ງ (ຢ່າລືມວ່າຕ້ອງບໍ່ມີຄົນຢູ່ໃກ້ໆທ່ານໃນຕອນນີ້) ແລ້ວທ່ານຈະຮູ້ສຶກແປກໃຈເຖິງຜົນທີ່ອອກມາ ຄວາມຈິງແລ້ວມະນຸດກໍເປັນສິ່ງທີ່ມີຄູ່ມືຕິດມານຳ ພຽງແຕ່ທ່ານຕ້ອງຮູ້ວິທີອ່ານຄູ່ມືເຫລົ່ານັ້ນໃຫ້ເປັນ.

5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ - WhatsApp Image 2020 05 27 at 5 - 5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ
5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ - WhatsApp Image 2020 05 27 at 5 - 5 ສິ່ງທີ່ທ່ານຄວນເຮັດ ເມື່ອຂາດແຮງບັນດານໃຈ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!