ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)

- 12 5 - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)
- AGL banner - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)

ລູກເມືອງພວນ

ພະນັກງານການແພດ ອີຕາລີ 61 ຄົນເສຍຊີວິດຍ້ອນເຊື້ອພະຍາດ ໂຄວິດ(nCoV), ໃນຂະນະທີ່ມີພະນັກງານແພດໝໍຫຼາຍພັນຄົນອາສາສະໝັກໄປບ່ອນທີ່ມີພະຍາດລະບາດໜັກ.

ສະມາຄົມແພດໝໍອີຕາລີ, ມື້ວານນີ້ 30 ມີນາ ລາຍງານວ່າມີພະນັກງານແພດໝໍຕິດເຊື້ອ ຢູ່ ອີຕາລີທັງໝົດ 8.358 ຄົນ, ເຄິ່ງໜຶ່ງຂອງຈຳນວນນີ້ ແມ່ນພະຍາບານ ແລະ 61 ຄົນເສຍຊີວິດ. ສ່ວນຫຼາຍແມ່ນຢູ່ໃນເຂດ Lombardy ຊຶ່ງເປັນເຂດລະບາດໜັກທີ່ສຸດໃນ ອີຕາລີ.

ເຖິງຢ່າງໃດກໍດີ, ຍັງມີຫຼາຍຄົນອາສາສະໝັກໄປທີ່ Lombardy ແລະ ເຂດອື່ນໆທີ່ມີການລະບາດຂອງພະຍາດ. ອົງການພິທັກປະຊາຊົນຂອງ ອີຕາລີ ໄດ້ຮັບໃບຄຳຮ້ອງຈົດທະບຽນອາສາສະໝັກຂອງພະຍາບານແພດເຖິງ 500 ສະບັບ, ພາຍຫຼັງມີການປະກາດຮັບອາສາສະໝັກພະຍາບານແພດພຽງ 48 ຊົ່ວໂມງ. ວົງການການແພດ ອີຕາລີ, ໃນອາທິດທີ່ຜ່ານມາກໍໄດ້ຮັບໃບອາສາສະໝັກຈາກແພດໝໍທົ່ວປະເທດເຖິງ 8.000 ສະບັບ, ແຕ່ຈະຮັບເອົາພຽງແຕ່ 300 ຄົນເທົ່ານັ້ນ ເພື່ອໄປຊ່ວຍ Lombardy.

- Wave100S AD to Website 2020 0 - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)

ໃນຂະນະນີ້ຢູ່ ອີຕາລີ ມີຜູ້ຕິດເຊື້ອ 97.689 ຄົນ ແລະ ເສຍຊີວິດ 10.779 ຄົນ, ອັດຕາການເສຍຊີວິດກວມ 11% ຖືວ່າເປັນອັດຕາເສຍຊີວິດສູງສຸດໃນໂລກ ແລະ ສູງທົບເຄິ່ງອັດຕາການເສຍຊີວິດໃນທົ່ວໂລກ. ອີຕາລີ ໄດ້ກາຍເປັນປະເທດທີສອງຂອງຜູ້ຕິດເຊື້ອສູງສຸດ 100.000 ຄົນ, ຖັດຈາກສະຫະລັດອາເມລິກາ.

ກະຊວງສາທາລະນະສຸກ ອີຕາລີ ໃຫ້ຮູ້ວ່າ ອາຍຸສະເລ່ຍຂອງຜູ້ເສຍຊີວິດໃນລະຫວ່າງ 78,5 ປີ ແລະ ມີຜູ້ອາຍຸຕໍ່ສຸດແມ່ນ 31 ປີ ແລະ ອາຍຸສູງສຸດແມ່ນ 103 ປີ. ມີປະມານ 41% ຂອງຈຳນວນຜູ້ເສຍຊີວິດແມ່ນຢູ່ໃນລະຫວ່າງອາຍຸແຕ່ 80-89 ປີ, ສ່ວນອາຍຸລະຫວ່າງ 70-79 ປີກວມ 35%. ຈຳນວນຜູ້ອາຍຸສູງມີຫຼາຍ ແລະ ຄົນປ່ວຍລົ້ນໂຮງໝໍ ຊຶ່ງເປັນສອງໃນຫຼາຍສາເຫດທີ່ພາໃຫ້ເສຍຊີວິດສູງໃນ ອີຕາລີ.

- WhatsApp Image 2020 05 27 at 5 - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)
- WhatsApp Image 2020 05 27 at 5 - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)
- WhatsApp Image 2020 05 27 at 5 - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)
- WhatsApp Image 2020 05 27 at 5 - ທ່ານໝໍ ອີຕາລີຫຼາຍກວ່າ 60 ຄົນເສຍຊີວິດຍ້ອນໂຄວິດ (nCoV)
error: Alert: Content is protected !!