ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ

ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ - wr - ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ
ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ - Untitled design - ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ

ລູກເມືອງພວນ

ໜັງສືພິມ Guardian ໃຫ້ຮູ້ວ່າ ບັນດານັກຄົ້ນຄ້ວາທີ່ມະຫາວິທະຍາໄລ Minnesota ຂອງສະຫະລັດອາເມລິກາ ຫວ່າງບໍ່ດົນມານີ້ ໄດ້ສ້າງແຜ່ນພາບ 3 ມິຕິ (3D ) ຂອງບັນດາ ປໂຣເຕອີນ (protein) ຊຶ່ງມີຮູບຮ່າງຄ້າຍຄືກັນກັບເຊື້ອໄວຣັສ ໂຄໂຣນາ ແລະ ຖືກນຳເອົາໄປປ່ອຍໃສ່ກັບຈຸລັງຂອງຮ່າງກາຍຄົນ.

ການຄົ້ນຄວ້າດັ່ງກ່າວໄດ້ຄົ້ນພົບກົນໄກທາງດ້ານຊີວະວິທະຍາທີ່ສຳຄັນ ແລະ ໃຫ້ຮູ້ເຫດຜົນວ່າ ຍ້ອນຫຍັງໄວຣັສໂຄໂຣນາ ຈຶ່ງສາມາດສົ່ງເຊື້ອຈາກຄົນນີ້ໄປຫາຄົນນັ້ນໄດ້ຢ່າງໄວວາແທ້?

ຜົນງານການຄົ້ນຄວ້າດັ່ງກ່າວໃຫ້ຮູ້ວ່າ ກຸ່ມ protein ທີ່ມີຮູບຮ່າງເປັນໜາມຂອງເຊື້ອໄວຣັສໂຄໂຣນາສາຍພັນໃໝ່ນັ້ນ ມີຄວາມຮຸນແຮງທົບ 4 ເທົ່າເມື່ອທຽບໃສ່ໄວຣັສໂຄໂຣນາໃນພະຍາດ ຊາ (SARS) ໃນປີ 2002.

ໝາຍຄວາມວ່າ ເມັດນໍ້າລາຍທີ່ມີເຊື້ອໄວຣັສໂຄໂຣນາ ທີ່ຄົນເຮົາສູບເຂົ້າໄປໃນຮ່າງການໂດຍຜ່ານດັງ ແລະ ປາກນັ້ນ ອາດຈະເຂົ້າໄປຕິດເກາະຢູ່ກັບຈຸລັງຂອງຂວັ້ນປອດເບື້ອງເທິງ, ເມື່ອມີປະລິມານພຽງພໍມັນກໍສາມາດແຜ່ເຊື້ອໄດ້.

ເພື່ອພິສູດໃຫ້ເຫັນກົນໄກດັ່ງກ່າວວ່າເປັນໄປຄືແນວນັ້ນແທ້ບໍ?  ບັນດານັກວິທະຍາສາດໄດ້ນຳໃຊ້ລະບົບແສງເລເຊີ X ເພື່ອສ້າງແຜ່ນພາບ 3 ມິຕິ(3D) ໂດຍມີສັດສ່ວນ ໂມເລກຸນຂອງ protein ທີ່ມີຮູບຮ່າງເປັນຮູບໜາມຂອງ ເຊື້ອໄວຣັສໂຄໂຣນາ ຕິດເກາະກັບຈຸລັງຂອງຮ່າງກາຍຄົນ, ຊຶ່ງເອີ້ນກັນວ່າ ຮ່າງປະສົມພັນໃໝ່ ACE-2.

ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ - Wave100S AD to Website 2020 0 - ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ

ໃນເມື່ອເຊື້ອໄວຣັສພົບກັບຈຸລັງຂອງຮ່າງກາຍຄົນ , ບັນດາ protein ຂອງເຊື້ອໄວຣັສຈະຕິດເກາະເຂົ້າກັບຮ່າງປະສົມພັນໃໝ່ ACE-2, ເວລານີ້ີ ຖ້າຫາກຈຸລັງຂອງຄົນເຮົາຕ້ານທານກັບມັນບໍ່ໄຫວ, ຈຸລັງຂອງຄົນເຮົາກໍຈະກາຍເປັນເຊື້ອໄວຣັສສູງຂຶ້ນທົບເທົ່າ.

ບັນດາ Protein ທີ່ມີຮູບຮ່າງເປັນໜາມຂອງເຊື້ອໄວຣັສ ໂຄໂຣນາ ສາຍພັນໃໝ່ນັ້ນ ຈະເສື່ອມຕົວເຂົ້າກັບ Protein ຂອງຮ່າງປະສົມພັນໃໝ່ ACE-2 ໃນຈຸລັງຂອງຮ່າງກາຍຄົນເຮົາ.

ທ່ານປະລິນຍາເອກ Fang Li ໃຫ້ຮູ້ວ່າ ໂຄງສ້າງ 3 ມິຕິ (3D) ທີ່ສ້າງຂຶ້ນມານັ້ນໃຫ້ເຫັນວ່າ: ຖ້າທຽບໃສ່ສາຍພັນຂອງໄວຣັສໂຄໂຣນາທີ່ພາໃຫ້ເກີດພະຍາດ ຊາ ນັ້ນ, ໄວຣັສໂຄໂຣນາສາຍພັນໃໝ່ນີ້ແມ່ນມີການພັດທະນາໃນຮູບແບບໃໝ່ ACE-2, ໝາຍຄວາມວ່າ ມັນສາມາດສຳພັນກັບຮ່າງປະສົມພັນໃໝ່ນັ້ນ ຢູ່ໃນຮ່າງກາຍຂອງຄົນໄດ້ດີກວ່າ.

ການສຳພັນທີ່ດີກັບຮ່າງປະສົມພັນໃໝ່ນັ້ນ ເປັນຕົ້ນເຫດເຮັດໃຫ້ ໄວຣັສໂຄໂຣນາ ສາຍພັນໃໝ່ນີ້ສາມາດເຂົ້າໄປໃນຈຸລັງຂອງຄົນ ແລະ ຕິດຕໍ່ຄົນໃສ່ຄົນຮູນແຮງຂຶ້ນກວ່າເວລາໃດໝົດ.

ເມື່ອຄົ້ນພົບກົນໄກດັ່ງກ່າວ ໄດ້ກາຍເປັນຄວາມຫວັງໃຫ້ບັນດານັກວິທະຍາສາດສາມາດຄົ້ນຫາຢາຊະນິດໃໝ່ທີ່ມີຄວາມສາມາດປາບພວກມັນໄດ້ ແລະ ບໍ່ໃຫ້ຕິດຕໍ່ໄປໃສ່ຄົນອື່ນ./.

ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ - WhatsApp Image 2020 05 27 at 5 - ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ
ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ - WhatsApp Image 2020 05 27 at 5 - ສະຫະລັດຄົ້ນພົບກົນໄກໃໝ່ການແຜ່ລະບາດຂອງເຊື້ອໄວຣັສ ໂຄໂຣນາ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!