ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ

ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ - 14 - ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ
ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ - Untitled design - ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ

     ແຫລ່ງຂ່າວແຂວງສາລະວັນ ໃຫ້ຮູ້ວ່າ: ເມື່ອບໍ່ດົນມານີ້, ທີມງານຄວບຄຸມພະຍາດຕິດຕໍ່ພະແນກສາທາລະນະສຸກແຂວງ ໄດ້ຮຽກຮ້ອງເຖິງພະນັກງານ, ທະຫານ, ຕໍາຫລວດ ແລະ ປະຊາຊົນບັນດາເຜົ່າໃນທົ່ວແຂວງສາລະວັນ ໃຫ້ເອົາໃຈໃສ່ປະຕິບັດຫລັກການ, ກັກກັນໂຕເອງ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ຕາມແຈ້ງການຕ່າງໆຂອງລັດຖະບານເຊັ່ນ: ໃຫ້ຫລີກເວັ້ນການຊຸມນຸມທີ່ມີຄົນຈໍານວນຫລາຍ, ປິດການບໍລິການຮ້ານອາຫານ, ຮ້ານບັນເທີງ, ຮ້ານກິນດື່ມ ແລະ ຈຸດທີ່ມີຄວາມສ່ຽງ, ແອອັດຕ່າງໆ ເພື່ອບໍ່ໃຫ້ເກີດມີການແຜ່ລະບາດຂອງພະຍາດນີ້.

      ສ່ວນແຮງງານທີ່ກັັບມາຈາກຕ່າງປະເທດ ແລະ ເຂດທີ່ມີຄວາມສ່ຽງແມ່ນໃຫ້ເອົາໃຈໃສ່ກັກກັນຕົນເອງໃນໄລຍະ 14 ວັນ, ບໍ່ໃຫ້ເດີນທາງໄປບ້ານອື່ນເຮືອນອື່ນ ຕ້ອງຢູ່ໃນສະຖານທີ່ປອດໂປ່ງ, ຈັດຫາ ແລະ ນຳໃຊ້ເຄື່ອງອຸປະກອນປ້ອງກັນຕົນເອງ ເປັນຕົ້ນຜ້າອັດປາກ, ເຈວລ້າງມື, ອັງໂກນ 70-95% ຫລື ໃຊ້ສະບູລ້າງມືທຸກຄັ້ງ, ພ້ອມນີ້ໃຫ້ນໍາໃຊ້ພາຊະນະຕ່າງໆເປັນຂອງຕົນເອງ ເປັນຕົ້ນເຄື່ອງໃຊ້ຄົວເຮືອນ, ວັດຖຸທີ່ໃຊ້ແລ້ວໃຫ້ນໍາໄປທໍາລາຍຖິ້ມ, ການສື່ສານກັບຄົນອື່ນໆແມ່ນໃຫ້ຫ່າງກັນປະມານ 2 ແມັດ, ເຂດໂຕເອງອາໄສຢູ່ແມ່ນໃຫ້ມີຄວາມສະອາດ, ປອດໂປ່ງ, ກິນອາຫານທີ່ສະອາດສຸກດີ.

      ຄະນະຄວບຄຸມພະຍາດຕິດຕໍ່ແຂວງ ໃຫ້ຮູ້ວ່າ: ຜ່ານມາ ແຂວງສາລະວັນໄດ້ເອົາໃຈໃສ່ຢ່າງຕັ້ງໜ້າໃນການເພີ່ມທະວີເຝົ້າລະວັງ ແລະ ປ້ອງກັນພະຍາດດັ່ງກ່າວ, ຕົ້ນຕໍແມ່ນໄດ້ປະຕິບັດຕາມ 10 ມາດຕະການໃນການຄວບຄຸມທີ່ກະຊວງສາທາລະນະສຸກໄດ້ກໍານົດໃຫ້ ແລະ ໄດ້ປະຕິບັດມາດຕະການຄວບຄຸມ 2 ດ່ານໃຫຍ່ທີ່ມີຄົນເຂົ້າ-ອອກຄື: ດ່ານປາກຕະພານ, ດ່ານສາກົນລະໄລ, ເພີ່ມທະວີການກວດກາຄົນເຂົ້າ-ອອກປະເທດຢ່າງເຂັ້ມງວດ ແລະ ມີທີມງານແພດຕອບໂຕ້ໂດຍກົງປະຈໍາຢູ່ແຕ່ລະດ່ານດັ່ງກ່າວ, ພ້ອມໄດ້ກໍານົດເອົາໂຮງຮຽນເປັນບ່ອນກັກກັນຊົ່ວຄາວແຮງງານທີ່ເດີນທາງມາຈາກປະເທດກຸ່ມສ່ຽງ, ໄດ້ມີການຝຶກອົບຮົມເຕັກນິກຕ່າງໆໃຫ້ທີມງານແພດຫມໍມີຄວາມເຂົ້າໃຈເລິກເຊິ່ງຕື່ມອີກກ່ຽວກັບວິທີການປ້ອງກັນ, ການນຳໃຊ້ອຸປະກອນການແພດ ແລະ ວິທີການນໍາສົ່ງຄົນເຈັບ ແລະ ອື່ນໆ, ປັດຈຸບັນແຂວງສາລະວັນຍັງບໍ່ພົບຜູ້ຕິດເຊື້ອພະຍາດໂຄວິດ-19, ແຕ່ຢ່າງໃດແຕ່ກໍຕ້ອງເຝົ້າລະວັງຢ່າງຈິງຈັງ.

ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ - Wave100S AD to Website 2020 0 - ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ
ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ - WhatsApp Image 2020 05 27 at 5 - ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ
ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ - WhatsApp Image 2020 05 27 at 5 - ສາທາລະນະສຸກແຂວງສາລະວັນ ຮຽກຮ້ອງສັງຄົມ ປະຕິບັດມາດຕະການປ້ອງກັນໂຄວິດ-19 ຢ່າງເຄັ່ງຂັດ
error: Alert: ເນື້ອຫາຂ່າວມີລິຂະສິດ !!