ໂລກ ແລະ ໂຣກລະບາດ

ໂລກ ແລະ ໂຣກລະບາດ - 2 - ໂລກ ແລະ ໂຣກລະບາດ
ໂລກ ແລະ ໂຣກລະບາດ - AGL banner - ໂລກ ແລະ ໂຣກລະບາດ

ໂດຍ:​ມຶກບໍ່ແຫ້ງ

ໂລກພວກເຮົາເຄີຍພົບພໍ້ກັບ ໂຣກລະບາດມາຫຼາຍໂຣກ ເຊິ່ງເລີ່ມແຕ່ ເມື່ອ ເກືອບ 2000 ປີ ກ່ອນ ເທົ່າທີມີການບັນທຶກ, ສະນັ້ນ ໂຣກລະບາດບໍ່ແມ່ນເລື່ອງໃໝ່ສຳລັບໂລກພວກເຮົາເລີຍ.

ໂຣກລະບາດ ແມ່ນໄພຄຸຄາມທີ່ສຳຄັນຂອງຊີວິດມະນຸດເຮົາມາໂດຍຕະຫຼອດ, ເລີ່ມແຕ່ປີ ຊວງໄລຍະ ຄສ 165-180 ເກີດມີໂຣກລະບາດຊື່ວ່າ ແອນໂທນິນ ແພຣກ (Antonine Plague) ເຊິ່ງເກີດຂຶ້ນໃນຂົງເຂດ ທະເລ ເມດີເຕຣານຽນ (Mediterranean) ເຊິ່ງເຮັດໃຫ້ ມີຄົນລົ້ມຕາຍຮອດ 5 ລ້ານຄົນ.

ຈົນມາຮອດ ໄລຍະ ຄສ 1347-1351 ເກີດໂຣກດຳ (Black death) ທີ່ເຮັດໃຫ້ຄົນເສຍຊີວິດຫຼາຍ ທີ່ສຸດໃນປະຫວັດສາດ ຂອງມວນມະນຸດ ຄື 200 ລ້ານຄົນ ເຮັດໃຫ້ ຈຳນວນປະກອນຂອງ ເອີຣົບໃນສະໄໝນັ້ນ  ສູນເສຍໄປ ເກືອບ 50% ເຊິ່ງໃຊ້ເວລາ 200 ປີ ຈຳນວນປະຊາກອນ ຂອງທະວີບດັ່ງກ່າວຈຶ່ງກັບມາສໍ່າເກົ່າ.

ນອກນັ້ນ, ມາຮອດປີ 1918-1919 ໂລກພວກເຮົາກໍປະເຊີນກັບ ໄຂ້ຫວັດໃຫຍ່ ແອັດສະປາຍ (Spanish Flu) ທີ່ເຮັດໃຫ້ຄົນລົ້ມຕາຍຮອດ 40-50 ​ລ້ານຄົນ ແລະ ມີຄົນຕິດເຊື້ອຮອດ 500 ລ້ານຄົນ ເຊິ່ງກວມເອົາ ¼ ຂອງປະຊາກອນໂລກ ໃນສະໄໝນັ້ນ, ການແຜ່ລະບາດຫຼາຍທີ່ສຸດແມ່ນຢູ່ ທະວີບ ເອີຣົບ ແລະ ອາເມລິກາເໜືອ.

ແຕ່ທຸກຄັ້ງທີ່ເກີດໂຣກລະບາດ, ມະນຸດພວກເຮົາ ກໍເອົາຊະນະທຸກເທື່ອຕ່າງແຕ່ວ່າ ພວກເຮົາສູນເສຍຊີວິດໜ້ອຍຫຼາຍຕ່າງກັນ. ສາມ ເຫດການທີ່ກ່າວມາຂ້າງເທີງນັ້ນ ເປັນສ່ວນໜຶ່ງເທົ່ານັ້ນ ຂອງໂຣກລະບາດ ທີ່ມະນຸດເຮົາພົບພໍ້ ເຊິ່ງກໍຍັງມີ ໂຣກອື່ນໆເຊັ່ນ ເຊື້ອເຮສໄອວີ ເອສ໌, ອີໂບລາ, ຊາຣສ໌, ເມີສ໌ ແລະ ອື່ນໆ.

ມາຮອດປັດຈຸບັນ ໂລກຂອງພວກເຮົາກ້າວເຂົ້າສູ່ຄວາມສີວິໄລ, ປະຊາກອນເພີ່ມຂຶ້ນຢ່າງໄວວາ, ການຂະຫຍາຍຕົວເມືອງ ກໍກວ້າງຂວາງ ແລະ ໜາແໜ້ນ, ການເຊື່ອມຕໍ່ກັນລະຫວ່າງມະນຸດ ກໍງ່າຍດາຍ ເຊິ່ງປັດໄຈເຫຼົ່ານີ້ ເຮັດໃຫ້ຄວາມສ່ຽງໃນການລະບາດນັ້ນ ຍິ່ງເພີ່ມທະວີ.

ໂລກ ແລະ ໂຣກລະບາດ - Wave100S AD to Website 2020 0 - ໂລກ ແລະ ໂຣກລະບາດ

ແຕ່ຍັງດີຢູ່ວ່າ ມາຮອດປັດຈຸບັນຄວາມກ້າວໜ້າຂອງ ການແພດ ໄດ້ເພີ່ມຄວາມໝັ້ນໃຈແກ່ມະນຸດ ໃນການເຮັດສົງຄາມ ກັບໄວຣັສ ຫຼື ໂຣກລະບາດ ທີ່ອາດເກີດຂຶ້ນໃນໂລກນີ້.

ໂຄວິດ 19 ເກີດຂຶ້ນທ່າມກາງຄວາມເຄັ່ງຕືງທາງດ້ານການເມືອງໂລກ ຄ້າຍຄືກັນກັບ ເວລາເກີດການລະບາດ ຂອງໄຂ້ຫວັດໃຫຍ່ ແອັດສະປາຍ ທີ່ໂລກພວກເຮົາກຳລັງປະເຊີນກັບສົງຄາມໂລກຄັ້ງທີ I, ດ້ວຍພະຍາດລະບາດ ເຮັດໃຫ້ມະນຸດວາງອາວຸດປືນ ຫັນມາສູ້ກັບ ພະຍາດ ແລ້ວກໍນຳໄປສູ່ຄວາມສາມັກຄີກັນໃນການ ຕໍ່ສູ້ກັບພະຍາດແທນ ການຂ້າກັນເອງ.

ເພາະສະນັ້ນ, ມີນັກວິທະຍາສາດ, ປັນຍາຊົນ ທັງຫຼາຍພະຍາຍາມ ເວົ້າວ່າ ໄພພິບັດອັນຮ້າຍແຮງທີ່ສຸດຂອງມະນຸດ ອາດແມ່ນ ໂຣກລະບາດ ເພາະສະນັ້ນ ໂລກພວກເຮົາຕ້ອງສ້າງຄວາມກຽມພ້ອມຮັບມື ໂດຍການລົງທຶນໃສ່ ການຄົ້ນຄວ້າ ແລະ ສ້າງຄວາມເຂັ້ມແຂງທາງການແພດ ຫຼາຍກວ່າ ການແຂ່ງຂັນກັນຊື້ອາວຸດຍຸດໂທປະກອນ ແຕ່ປານນັ້ນ ພວກເຮົາ ຍັງບໍ່ໄດ້ພາຫັນເອົາໃສ່ໃຈຊາພໍເທົ່າໃດ.

ວິທີ ທີ່ມະນຸດຈະຊະນະ ກັບໂຣກລະບາດໄດ້ດີທີ່ສຸດ ແມ່ນການພັດທະນາ ວັກຊິນ ແຕ່ວັກຊິນ ບໍ່ແມ່ນຈະສາມາດ ຜະລິດໄດ້ ມື້ໜຶ່ງຍາມດຽວ, ຢ່າງໄວສຸດກໍໃຊ້ເວລາ 8-12 ເດືອນ ດັ່ງເຊັ່ນ ໂຄວິດ 19 ນັກວິທະຍາສາດ ຂອງອັງກິດ ແລະ ເຢຍລະມັນກໍ ຄາດວ່າ ຈະບໍ່ສາມາດ ຜະລິດວັກຊິນໄດ້ ຈົນກວ່າ ທ້າຍປີ 2020​ ຫາຕົ້ນ 2021.

ເພາະສະນັ້ນ, ການເພີ່ມການລົງທຶນໃສ່ການຄົ້ນຄວ້າ ອາດເຮັດໃຫ້ມະນຸດສາມາດຜະລິດວັກຊິນ ໄວຂຶ້ນກວ່າເກົ່າ ເມື່ອມີໂຣກລະບາດຂຶ້ນໃນປັດຈຸບັນ ແລະ ອະນາຄົດ.

ໂລກ ແລະ ໂຣກລະບາດ - lattana 1 - ໂລກ ແລະ ໂຣກລະບາດ
error: Alert: Content is protected !!