ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ

ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ - ll - ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ
ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ - Untitled design - ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ

     ມີຄວາມແຕກຕ່າງຢູ່ຫລາຍຢ່າງລະຫ່ວາງຜູ້ຊະນະ (ຜູ້ທີ່ປະສົບຄວາມສຳເລັດ) ແລະ ຜູ້ແພ້ (ຜູ້ທີ່ລົ້ມເຫລວ), ແຕ່ໜຶ່ງຄວາມແຕກຕ່າງທີ່ເຫັນໄດ້ຈະແຈ້ງກໍແມ່ນ ທັດສະນະຄະຕິຂອງພວກເຂົາທີ່ມີຕໍ່ສິ່ງທີ່ພວກເຂົາມີ ແລະ ສິ່ງທີ່ພວກເຂົາບໍ່ມີ.

     ຜູ້ແພ້ ມັກຈະໂອດຄວນໃນສິ່ງທີ່ພວກເຂົາບໍ່ມີ, ແຕ່ຜູ້ຊະນະຈະໃຊ້ປະໂຫຍດຈາກສິ່ງທີ່ພວກເຂົາມີໃຫ້ເກີດປະໂຫຍດຫລາຍທີ່ສຸດ. ຟັງເບິ່ງອາດຈະເປັນເລື່ອງທຳມະດາໆ ແຕ່ຄວາມແຕກຕ່າງນີ້ສາມາດຕັດສິນໄດ້ເລີຍວ່າໃຜຈະເປັນ ຜູ້ຊະນະ ຫລື ຜູ້ແພ້.

     ມັນບໍ່ມີທາງເປັນໄປໄດ້ທີ່ຈະຄາດຫວັງໃຫ້ສະຖານະການເປັນໄປດັ່ງທີ່ທ່ານວາດຝັນໄວ້ຕະຫລອດເວລາ ເພາະໃນທີ່ສຸດຄົນເຮົາກໍຕ້ອງມີຂາດຫາຍກັນທັງໝົດ ຖ້າທ່ານລໍຖ້າຈົນກ່ວາທຸກໆຢ່າງພ້ອມ ທ່ານຈະບໍ່ມີມື້ໄດ້ເລີ່ມເຮັດຫຍັງເລີຍ. ດັ່ງນັ້ນ, ສິ່ງທີ່ທ່ານຄວນເຮັດກໍຄື ເລີ່ມຕົ້ນຈາກສິ່ງທີ່ທ່ານມີຢູ່.

     ເຮົາມາລອງຟັງເລື່ອງລາວຊີວິດຂອງຜູ້ພັນແຊນເດີ (ຜູ້ກໍ່ຕັ້ງ KFC) ກັນດີກ່ວາ ….

     ຄັ້ງໜຶ່ງລາວເຄີຍມີຮ້ານອາຫານທີ່ຈະເລີນຮຸ່ງເຮືອງ, ແຕ່ແລ້ວມື້ໜຶ່ງລາວກໍປະສົບກັບການລົ້ມລະລາຍ ແລະ ເກືອບຈະບໍ່ເຫລືອຫຍັງເລີຍ ທີ່ຮ້າຍແຮງໄປກ່ວານັ້ນ ລາວອາຍຸ 66 ປີແລ້ວ ແລະ ມີເຫດຜົນຫລວງຫລາຍທີ່ລາວຈະໂອດຄວນເຖິງສິ່ງຕ່າງໆທີ່ລາວບໍ່ມີ, ແຕ່ໂຊກດີທີ່ລາວບໍ່ໄດ້ເຮັດແບບນັ້ນ ສິ່ງທີ່ລາວເຮັດກໍຄື ການໃຊ້ສິ່ງທີ່ລາວມີຢູ່ ນັ້ນກໍແມ່ນ “ສູດຈືນໄກ່ຂອງລາວ”.

ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ - Wave100S AD to Website 2020 0 - ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ

     ຟັງເບິ່ງແລ້ວອາດເປັນເລື່ອງທຳມະດາແມ່ນບໍ່ ກໍພຽງແຕ່ສູດຈືນໄກ່, ແຕ່ຜູ້ພັນແຊນເດີ ປະສົບຄວາມສຳເລັດຈາກສິ່ງນີ້, ລາວເດີນທາງໄປຕາມຮ້ານອາຫານຕ່າງໆເພື່ອສະເໜີຂາຍຈືນໄກ່ສູດລັບຂອງລາວ ຖ້າມີຄົນມັກກໍຈະຂາຍຈືນໄກ່ໃຫ້ແກ່ຮ້ານເຫລົ່ານັ້ນ. ຜູ້ພັນແຊນເດີຕ້ອງພົບພໍ້ກັບການປະຕິເສດຫລາຍຄັ້ງຫລາຍເທື່ອ ລາວຕ້ອງນອນຫລັບພັກຜ່ອນໃນລົດຂອງໂຕເອງ, ແຕ່ລາວກໍໃຊ້ໃນສິ່ງທີ່ລາວມີຢູ່ແລ້ວ ຈົນສຸດທ້າຍລາວກັບມາປະສົບຄວາມສຳເລັດຢ່າງຍິ່ງໃຫຍ່ກ່ວາເກົ່າ ເຊັ່ນດຽວກັນ ທ່ານອາດຈະເປັນຄົນທີ່ມີໜ້ອຍ, ແຕ່ທ່ານສາມາດເອົາມັນໄປຕໍ່ຍອດໄດ້.

     ພວກເຮົາເຊື່ອວ່າທຸກຄົນທີ່ກຳລັງອ່ານບົດຄວາມນີ້ຢູ່ ມີ 2 ສິ່ງນີ້ຢູ່ແລ້ວ ເຊິ່ງ 2 ສິ່ງນີ້ກໍຄື “ການເຂົ້າເຖິງອິນເຕີເນັດ”ແລະ “ເວລາວ່າງ”.

  1. ການເຂົ້າເຖິງອິນເຕີເນັດ : ອິນເຕີເນັດແມ່ນແຫ່ລງຊັບພະຍາກອນທີ່ລຳ້ຄ່າຫລາຍໆໃນຍຸກປັດຈຸບັນ, ຄຳຖາມກໍຄື ແລ້ວທ່ານໃຊ້ມັນເພື່ອພັດທະນາຕົນເອງຫລືຍັງ ? ໃຊ້ມັນເພື່ອຮຽນຮູ້ສິ່ງໃໝ່ໆຫລືຍັງ ? ທ່ານເຄີຍທົດລອງຫຍັງໃໝ່ໆແດ່ບໍ່ ? ອິນເຕີເນັດເປີດໂອກາດໃຫ້ທ່ານຫລວງຫລາຍ ແມ່ນແຕ່ການເລີ່ມຕົ້ນທຸລະກິດຂອງໂຕເອງ, ແຕ່ເທິງອິນເຕີເນັດກໍມີສິ່ງລໍ້ຕາລໍ້ໃຈຫລວງຫລາຍ ຖ້າທ່ານໃຊ້ຢ່າງບໍ່ລະມັດລະວັງ ທ່ານກໍຈະໃຊ້ມັນພຽງແຕ່ຄວາມສຸກຊົ່ວຄາວ ແທນທີ່ຈະເປັນປະໂຫຍດໃນໄລຍະຍາວ.
  2. ເວລາວ່າງ : ເຖິງວ່າທ່ານຈະຫຍຸ້ງວຽກປານໃດ ແຕ່ທ່ານກໍຕ້ອງມີເວລາວ່າງແນ່ລະ ທ່ານຕ້ອງໃຊ້ເວລານີ້ໃຫ້ເກີດປະໂຫຍດ. ມີເລື່ອງຂອງພະນັກງານຂັບລົດຜູ້ໜຶ່ງທີ່ໜ້າຈະເປັນໂຕຢ່າງທີ່ດີ ພວກເຮົາຂໍເອົາມາເລົ່າໃຫ້ທຸກທ່ານເອົາເປັນແບບຢ່າງ ຄື : ລາວມີເວລາວ່າງຂະນະທີ່ກຳລັງລໍຖ້າລູກຄ້າມາໃຊ້ບໍລິການ, ແຕ່ລາວເຮັດຫຍັງແດ່ໃນຊ່ວງເວລາເຫລົ່ານັ້ນ ? ຄຳຕອບກໍຄື ລາວຊື້ໜັງສືມາອ່ານ, ອ່ານໜັງສືຊ່ວຍສອນສິ່ງໃໝ່ໆໃຫ້ກັບໂຕລາວ ຜົນທີ່ໄດ້ກໍຄື ລາວໃຊ້ຄວາມຮູ້ບ່ອນນັ້ນເພື່ອໄປກໍ່ຕັ້ງທຸລະກິດຂອງຕົນເອງ ແລະ ເຮັດໃຫ້ລາວກາຍເປັນມະຫາເສດຖີໃນທີ່ສຸດ, ຄົນຜູ້ນັ້ນກໍແມ່ນ ທ່ານ MJ Demarco ຜູ້ຮັ່ງມີຈາກການເຮັດທຸລະກິດກ່ຽວກັບອິນເຕີເນັດ. ແລ້ວສຳລັບທ່ານເດ້ ທ່ານໃຊ້ເວລາວ່າງໃຫ້ເກີດປະໂຫຍດແດ່ຫລືຍັງ ?
ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ - WhatsApp Image 2020 05 27 at 5 - ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ
ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ - WhatsApp Image 2020 05 27 at 5 - ຄວາມແຕກຕ່າງລະຫ່ວາງຜູ້ແພ້ກັບຜູ້ຊະນະ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!