7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ

7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ - 44 - 7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ
7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ - Untitled design - 7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ

     ແນ່ນອນວ່າໂຕທ່ານເອງຮູ້ຢູ່ແລ້ວວ່າການໃຊ້ເວລາເປັນຊົ່ວໂມງເພື່ອຕັດສິນໃຈວ່າຈະເລືອກກິນຫຍັງດີເປັນເຂົ້າສວາຍຂອງມື້ນີ້ ເປັນເລື່ອງໄຮ້ເຫດຜົນ ຄືກັນກັບການໃຊ້ເວລານັບອາທິດເພື່ອຕັດສິນໃຈວ່າຈະຮັບຂໍ້ສະເໜີວຽກອັນນີ້ດີບໍ່ ? ຫລື ໃຊ້ເວລາເປັນປີເພື່ອຄິດວ່າຈະແຕ່ງດອງກັບແຟນຄົນນີ້ດີບໍ່ ?

     ທ່ານອາດຈະຄິດວ່າ “ພໍໄດ້ແລ້ວ ຕັດສິນໃຈຈັກເທື່ອຖ້ອນ”, ແຕ່ເມື່ອຜ່ານໄປບໍ່ເທົ່າໃດນາທີ ຄວາມລັງເລ ແລະ ຄວາມຫວັ່ນວິຕົກກໍເລີ່ມໂຈມຕີເຂົ້າມາເລື້ອຍໆ ເຖິງວ່າທ່ານຈະພະຍາຍາມສ້າງພູມຕ້ານທານກັບຄວາມຮູ້ສຶກເຫລົ່ານີ້ແນ່ແລ້ວກໍຕາມ. ທຸກຄົນອາດເຄີຍຜ່ານສະຖານະການແບບນີ້ມາແລ້ວ ແລະ ມີວິທີຮັບມືທີ່ແຕກຕ່າງກັນອອກໄປ ໂດຍເວັບໄຊ Quora ໄດ້ມີຄົນໄປຕັ້ງຄຳຖາມວ່າ : “ຂ້ອຍຄວນແກ້ນິໄສຄິດຫລາຍນີ້ແນວໃດດີ ?” ເຊິ່ງກໍມີຜູ້ຄົນຫລວງຫລາຍທີ່ມາແບ່ງປັນວິທີຂອງໂຕເອງ ພ້ອມກັບຮ່ວມໂຫວດຄຳຕອບທີ່ສ້າງສັນທີ່ສຸດ ແລະ ສາມາດສະຫລຸບໄດ້ເປັນ 7 ວິທີຫລັກໆທີ່ຈະຊ່ວຍໃຫ້ທ່ານເຊົາເປັນຄົນຄິດຫລາຍ, ລັງເລ ແລະ ວິຕົກກັງວົນ ໄດ້ດັ່ງນີ້ :

7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ - Wave100S AD to Website 2020 0 - 7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ
  1. ສັງເກດຄວາມຄິດຂອງໂຕເອງ : ສ່ວນສຳຄັນທີ່ສຸດຂອງການເຮັດສະມາທິກໍແມ່ນການປ່ອຍໃຫ້ຄວາມຄິດຂອງທ່ານລອຍຜ່ານໄປ ແທນການຈະໄປຍຶດຕິດຢູ່ກັບມັນ ຫລື ພະຍາຍາມທີ່ຈະຢຸດຄິດມັນ. ການຝຶກສະມາທິແບບຈະເລີນສະຕິ (Mindfulness Meditation) ເປັນສິ່ງທີ່ຊ່ວຍໃຫ້ທ່ານຢຸດໝົກໝຸ້ນກັບເລື່ອງໃນອະດີດໄດ້ ໂດຍໃຫ້ທ່ານລອງສັງເກດການຄວາມຄິດຂອງໂຕເອງ ແທນການຈະລົງໄປໝົກໝຸ້ນຢູ່ກັບມັນ.

     ທ່ານ ສະຕີຟ ຈ໊ອບ ເອງກໍເຄີຍອະທິບາຍກ່ຽວກັບວິທີການແບບນີ້ໃຫ້ ທ່ານ ວໍເຕີ ໄອແຊັກຊັນ ຜູ້ຂຽນຊີວະປະຫວັດຂອງລາວຟັງ ດັ່ງນີ້ : “ລອງນັ່ງຢູ່ນິ້ງໆ ແລ້ວສັງເກດຄວາມຄິດຂອງໂຕເອງເບິ່ງ ທ່ານຈະຮູ້ວ່າຄວາມຄິດມັນໄຮ້ຂອບເຂດແທ້ໆ ແລະ ເວລາທີ່ເຈົ້າພະຍາຍາມເຮັດໃຫ້ມັນນິ້ງ ກໍມີແຕ່ຈະຮ້າຍແຮງຂຶ້ນຕື່ມເທົ່ານັ້ນ ແຕ່ຈິດໃຈຂອງເຈົ້າຈະສະຫງົບລົງເອງເມື່ອເວລາຜ່ານໄປຈັກໄລຍະໜຶ່ງ ແລະ ເມື່ອຈິດໃຈຂອງເຈົ້າສະຫງົບແລ້ວ ມັນກໍຈະມີບ່ອນວ່າງໃນການຮັບຟັງສິ່ງທີ່ລະອຽດອ່ອນຍິ່ງຂຶ້ນ”.

  • ຂຽນຄວາມຄິດຂອງໂຕເອງລົງໄປ : ອີກວິທີໜຶ່ງທີ່ຈະຊ່ວຍຢຸດຄວາມຄິດວິຕົກກັງວົນຂອງທ່ານ ກໍແມ່ນ ການລະບາຍໃຫ້ກັບຄົນທີ່ມີທັດສະນະຄະຕິວິທີຄິດແຕກຕ່າງໄປຈາກທ່ານໄດ້ຟັງ ຫລື ຈະໃຊ້ວິທີຂຽນລະບາຍຄວາມຄິດຂອງໂຕເອງລົງໄປໃນເຈ້ຍແທນກໍໄດ້ ເພາະການຂຽນເຮັດໃຫ້ເຮົາຄິດຢ່າງເປັນລະບົບຫລາຍຂຶ້ນ ຖ້າທ່ານເກັບຄວາມຄິດເຫລົ່ານັ້ນໄວ້ແຕ່ໃນຫົວ ນອກຈາກມັນຈະສຸມກັນຈົນເປັນພູເຂົາເລົ່າກໍ ມັນຍັງເຮັດໃຫ້ທ່ານກັບມາຄິດເລື່ອງເກົ່າຊຳ້ໆຢູ່ແບບນັ້ນບໍ່ຈົບສິ້ນ.
  • ກຳນົດຊ່ວງເວລາສຳລັບການຢຸດໃຊ້ຄວາມຄິດ : ການກຳນົດຂອບເຂດຢຸດໃຊ້ຄວາມຄິດ ຊ່ວຍຫ້າມບໍ່ໃຫ້ທ່ານໝົກໝຸ້ນກັບບັນຫາຢ່າງໃດຢ່າງໜຶ່ງຫລາຍເກີນໄປ ເຊັ່ນ : ການບໍ່ຄິດກ່ຽວກັບເລື່ອງຍາກໆຫລັງເວລາ 20:00 ໂມງ ເພື່ອບໍ່ໃຫ້ມັນມາລົບກວນເວລານອນຫລັບຂອງທ່ານ ເປັນຕົ້ນ. Amy Morin ເຊິ່ງເປັນທັງນັກສັງຄົມສົງເຄາະ ແລະ ນັກຂຽນ ໄດ້ແນະນຳວິທີທີ່ໃກ້ຄຽງກັນໄວ້ໃນຄໍລໍ່າໜຶ່ງຂອງ Psychology Today ວ່າ : ໃຫ້ແບ່ງເວລາໄວ້ປະມານ 20 ນາທີຕໍ່ມື້ ສຳລັບການສະທ້ອນຄວາມຄິດຂອງໂຕເອງ. “ພາຍໃນ 20 ນາທີນີ້ ປ່ອຍໃຫ້ໂຕເອງວິຕົກກັງວົນ, ຄົ້ນຄິດ, ສັບສົນກະວົນກະວາຍໄດ້ເຕັມທີ່ຕາມຕ້ອງການ ແລ້ວເມື່ອໝົດເວລາ ກໍໃຫ້ປ່ຽນໄປເຮັດສິ່ງອື່ນທີ່ມີປະໂຫຍດກ່ວາ ຖ້າທ່ານເລີ່ມຄິດຫລາຍນອກຊ່ວງເວລາທີ່ກຳນົດໄວ້ຍາມໃດ ກໍໃຫ້ເຕືອນໂຕເອງວ່າ ແລ້ວຈຶ່ງເອົາເກັບໄປຄິດໃນຊ່ວງເວລາທີ່ກຳນົດໄວ້ດີກ່ວາ”.
  • ຫັກເຫຄວາມຄິດຂອງໂຕເອງ : ຟັງເບິ່ງງ່າຍໆ ແຕ່ຄວາມຈິງແລ້ວການຈົດຈໍ່ກັບສອງສິ່ງໄປພ້ອມກັນນີ້ມັນຍາກ,  ລອງອອກກຳລັງກາຍ ຫລື ຫລິ້ນເກມເບິ່ງ ເມື່ອຮູ້ໂຕວ່າຕົນເອງກຳລັງຄິດຫລາຍ ເພື່ອສ້າງຄວາມດຸ່ນດ່ຽງລະຫ່ວາງອາລົມ ແລະ ຮ່າງກາຍ. ຜູ້ຊ່ຽວຊານຫລາຍທ່ານກໍເຫັນດີກັບວິທີນີ້ Stepher S. Ilardi ຜູ້ຂຽນໜັງສືເລື່ອງ The Depression Cure ກ່າວກັບ Fox News ວ່າ : ວິທີແກ້ການຄິດຫລາຍ ແມ່ນໃຫ້ຫາກິດຈະກຳທີ່ຫັກເຫຄວາມສົນໃຈຂອງທ່ານ ເຊິ່ງຄວນເປັນກິດຈະກຳທີ່ໃຊ້ທັງຮ່າງກາຍ, ຄວາມຄິດ ແລະ ການຮ່ວມຫລິ້ນກັບຜູ້ອື່ນ ເຊັ່ນ : ເຕັນນິສ ຫລື ການຍ່າງທ່ອງທ່ຽວກັບໝູ່ຈັກຄົນ.
  • ເນັ້ນໃສ່ສິ່ງທີ່ເຮັດໄດ້ໃນປັດຈຸບັນ : ອີກໜຶ່ງວິທີແກ້ນິໄສຄິດຫລາຍກໍແມ່ນ ເຊົາຄິດແລ້ວລົງມືເຮັດ ຢ່າໄປຈົດຈໍ່ໃນສິ່ງທີ່ທ່ານຕ້ອງເຮັດ ສິ່ງທີ່ຍັງເຮັດບໍ່ໄດ້ ຫລື ແມ່ນແຕ່ສິ່ງທີ່ເກີດຂຶ້ນອ້ອມໂຕ, ແຕ່ໃຫ້ເນັ້ນຄວາມສົນໃຈໄປໃສ່ສິ່ງທີ່ສາມາດເຮັດໄດ້ໃນປັດຈຸບັນກໍພໍ ບໍ່ວ່າຈະໃຫ່ຍ ຫລື ນ້ອຍປານໃດກໍຕາມ ແລ້ວກໍລົງມືເຮັດມັນທັນທີ.
  • ເຄົາລົບຄວາມຄິດເຫັນຂອງໂຕເອງ : ສາເຫດທີ່ຍັງຄົງຄິດຫລາຍຈົນບໍ່ຍອມຕັດສິນໃຈ ສ່ວນໜຶ່ງອາດເປັນຍ້ອນທ່ານບໍ່ເຊື່ອວ່າໂຕເອງຈະຕັດສິນໃຈເລືອກສິ່ງທີ່ຖືກຕ້ອງ ຈົ່ງຮຽນຮູ້ທີ່ຈະເຄົາລົບຄວາມຄິດເຫັນຂອງໂຕເອງ ຍິ່ງຄິດຫລາຍເທົ່າໃດ ທ່ານກໍຈະຍິ່ງລັງເລໃນຄວາມຄິດຂອງໂຕເອງຫລາຍເທົ່ານັ້ນ.
  • ທ່ານສາມາດປ່ຽນແປງການຕັດສິນໃຈທີ່ຜິດພາດໄດ້ : ເປັນເລື່ອງປົກກະຕິທີ່ຈະກັງວົນວ່າທ່ານເລືອກວຽກຜິດ, ແຕ່ງດອງກັບຄົນທີ່ບໍ່ແມ່ນສຳລັບໂຕເອງ ຫລື ແມ່ນແຕ່ຂັບລົດກັບເຮືອນຜິດທາງ, ແຕ່ຄວາມຜິດພາດກໍບໍ່ໄດ້ນຳໄປສູ່ຫາຍະນະສະເໝີໄປ ທັງຍັງເປັນໂອກາດໃຫ້ໄດ້ຮຽນຮູ້ ແລະ ເຕີບໃຫຍ່ຂຶ້ນນຳ. ການຄຳນຶງວ່າໂຕເອງເຮັດຫຍັງຜິດພາດ ແລ້ວປັບທັດສະນະຄະຕິການເບິ່ງໂລກໃໝ່ໄດ້ ຈະເປັນຈຸດເລີ່ມຕົ້ນຂອງຄວາມຄິດສ້າງສັນ ແລະ ນະວັດຕະກຳໃໝ່ໆ. ການຄິດຫລາຍເປັນຍ້ອນທ່ານຄິດວ່າມັນເປັນການຕັດສິນໃຈຄັ້ງສຸດທ້າຍຂອງທ່ານ, ປ່ຽນແປງບໍ່ໄດ້ ແລະ ຕ້ອງຖືກຕ້ອງເທົ່ານັ້ນ ເຊິ່ງຄວາມຈິງແລ້ວ ທ່ານບໍ່ຕ້ອງກັງວົນກັບຄວາມຜິດພາດເລີຍ ແລະ ໃຫ້ເຂົ້າໃຈໄວ້ວ່າຄວາມຄິດເຫັນ ຫລື ຄວາມຮູ້ຂອງທ່ານນັ້ນມັນປ່ຽນແປງໄດ້ສະເໝີຕາມການເວລາ ແລ້ວທ່ານຈະຮູ້ສຶກສະຫງົບ ແລະ ເປັນອິດສະລະຈາກພາຍໃນຢ່າງແທ້ຈິງ.
7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ - WhatsApp Image 2020 05 27 at 5 - 7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ
7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ - WhatsApp Image 2020 05 27 at 5 - 7 ວິທີທີ່ຈະເຮັດໃຫ້ທ່ານເຊົາເປັນຄົນວິຕົກກັງວົນ ແລະ ຄິດຫລາຍ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!