ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ COVID – 19

ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ covid – 19 - iu - ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ COVID – 19
ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ covid – 19 - Untitled design - ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ COVID – 19

ປະຈຸບັນສະພາບການລະບາດ ຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ COVID – 19 ໃນຫຼາຍປະເທດໄດ້ຂະຫຍາຍເປັນວົງກວ້າງ , ສືບຕໍ່ມີກໍລະນີຕິດເຊື້ອ ແລະ ເສຍຊີວິດເພີ່ມຂື້ນໃນແຕ່ລະວັນ ແລະ ມາຮອດ ວັນທີ 30 ມີນາ 2020 ນີ້ ສປປລາວກໍ່ ພົບຜູ້ຕິດເຊື້ອພະຍາດ COVID – 19 ແລ້ວຢູ່ນະຄອນຫຼວງວຽງຈັນ ແລະ ຫຼວງພະບາງລວມ 9 ກໍລະນີ ປະຈຸບັນພວມໄດ້ຮັບການປິ່ນປົວ ແລະ ດູແລເບີ່ງແຍງຢ່າງໃກ້ຊິດຈາກແພດໝໍຜູ້ຊ່ຽວຊານແຕ່ເຖີງວ່າມາຮອດປະຈຸບັນເຮັດແຂວງຜົ້ງສາລີບໍ່ມີຜູ້ຕິດເຊື້ອCOVID – 19 ເທື່ອ ແຕ່ເນື່ອງຈາກວ່າ ທາງຄະນະນຳຂັ້ນຕ່າງໆ ແລະ ພາກສວ່ນທີ່ກ່ຽວຂ້ອງເຫັນໄດ້ຄວາມອັນຕະລາຍ ແລະ ເປັນຫວງເປັນໃຍປະຊາຊົນບັນດາເຜົ່າພີ່ນ້ອງຊາວແຂວງຜົ້ງສາລີ. ສະນັ້ນ, ຈຶ່ງໄດ້ຍົກລະດັບການປ້ອງກັນ ແລະ ຕອບໂຕ້ພະຍາດດັ່ງກ່າວຂື້ນຕື່ມ ໂດຍຄະນະສະເພະາກິດ ເພື່ອປ້ອງກັນ, ຄວມຄຸມ ແລະ ແກ້ໄຂການລະບາດຂອງພະຍາດ COVID – 19 ແຂວງຜົ້ງສາລີ ໄດ້ອອກຄໍຳສັ່ງເນະນໍຳເພີ່ມເຕີມ  ເລກທີ 0381/ຈຂ.ສພກ.ຜລ ລົງວັນທີ 26 ມີນາ 2020 ເພ່ມອີກຕື່ມ 9 ມາດຕະການສໍຳຄັນ ເພື່ອຕໍ່ສູກັບພະຍາດດັ່ງກ່າວ.

  ພ້ອມນີ້້, ຖ້າພົບກໍ່ລະນີສົງໄສ ແລະ ຜູ້ຕິດເຊື້ອພະຍາດ COVID – 19 ຢູ່ແຂວງຜົ້ງສາລີນັ້ນ, ຄະນະສະເພາະກິດ ເພື່ອປ້ອງກັນ, ຄວມຄຸມ ແລະ ແກ້ໄຂການລະບາດຂອງພະຍາດ COVID – 19 ແຂວງຜົ້ງສາລີ ແລະ ພະແນກສາທາລະນະສຸກແຂວງ ໄດ້ກຽມພ້ອມທາງດ້ານບຸກຄະລາກອນ, ອຸປະກອນ, ພາຫະນະ, ສະຖານທີ່ແຍກປ່ຽວ ແລະ ວິທີການມາດຕະການປິ່ນປົວໃນຂັ້ນພື້ນຖານໄວ້ແລ້ວ ເຊີງທ່ານ ດຣ ບຸນສາລີ ຈິດດາພອນ ຫົວໜ້າພະແນກສາທາລະນະສຸກແຂວງ, ຮອງຫົວໜ້າຄະນະສະເພະາກິດ ເພື່ອປ້ອງກັນ, ຄວມຄຸມ ແລະ ແກ້ໄຂການລະບາດຂອງພະຍາດ COVID – 19 ແຂວງຜົ້ງສາລີ ໃຫ້ສຳພາດແກ່ ສະຖານີວິທະຍຸ – ໂທລະພາບແຂວງຜົ້ງສາລີ ໃນວັນທີ 31 ມີນາ 2020ນີ້ວ່າ: ທັງແຂວງໄດ້ກະກຽມຫ້ອງແຍກປ່ຽວປິ່ນປົວຄົນເຈັບຢູ່ຕາມໂຮງໝໍແຫ່ງຕ່າງໆ ຖ້າຫາກວ່າພົບກໍ່ລະນີ້ຄົນເຈັບ ຫຼື ເປັນໄຂທີ່ເຂົ້້າຄ່າຍນິຍາມຂອງພະຍາດ COVID – 19 ໂດຍຢູ່ແຕ່ລະເມືອງໄດ້ກະກຽມສະຖານທີ່ຫ້ອງແຍກປ່ຽວ ແຕ່ວ່າຢູ່ຂັ້ນເມືອງມີຈຳນວນຈຳກັດ ຖ້າຫາກວ່າຜົນກວດອອກມາເປັນບວກທີ່ວ່າອາການບໍ່ຮ້າຍແຮງຕ້ອງໄດ້ມີການນຳສົ່ງປິ່ນປົວຢູ່ໂຮງໝໍແຂວງ ແຕ່ຖ້າອາການຮ້າຍແຮງແມ່ນຈະໄດ້ປະສານສົມທົບ ສົ່ງໄປປິ່ນປົວຢູ່ສູນກາງ ໂດຍຢູ່ໂຮງໝໍ່ແຂວງເທດສະບານໃໝ່ຂອງແຂວງທີ່ເມືອງບູນເໜືອ ແມ່ນໄດ້ກຳນົດເອົາຕຶກໜຶ່ງຕ່າງຫາກ ມີ 7 ຕຽງ ເພື່ອກຽມພ້ອມໄວ້ແຍກປ່ຽວປິ່ນປົວ. ສໍຳລັບຢູ່ໂຮງໝໍຊຸມຊົນເທດສະບານເກົ່າຂອງແຂວງ ທີ່ເມືອງຜົ້ງສາລີແມ່ນໄດ້ກະກຽມໄວ້ຫ້ອງໜຶ່ງຕ່າງຫາກ ມີ 4 ຕຽງ.    ສຳລັບດ້ານອຸປະກອນຕ່າງໆແມ່ນໄດ້ກະກຽມຕາມສະພາບເງືອນໄຂຂອງແຂວງ. ທາງດ້ານບຸກຄະລາກອນກໍ່ໄດ້ມີການແຕ່ງຕັ້ງທີມງານລົງປະຈຳກວດຢູ່ຈຸດຕ່າງໆ ໂດຍສະເພາະທີມງານທີ່ຈະປິ່ນປົວຄົນເຈັບທີ່ວ່າມີກໍລະນີສົງໄສນັ້ນ ແມ່ນໄດ້ຮັບການຝຶກຊ້ອມເປັນຢ່າງດີ ເປັນຕົ້ນແມ່ນວິທີການປ້ອງກັນຕົນເອງ, ການນໍຳໃຊ້ເຄື່ອງມືອຸປະກອນຮັບໃຊ້ກັບກໍ່ລະນີຕິດເຊື້ອ ພ້ອມກະກຽມລົດຮັບສົ່ງຄົນເຈັບ ເຊີງທຸກຢ່າງແມ່ນກຽມໄວ້ຕະຫຼອດ 24 ຊົ່ວໂມງ.

ປະຈຸບັນທາງແຂວງຜົ້ງສາລີແມ່ນເນັ້ນການການປ້ອງກັນເປັນຕົ້ນຕໍ່ ປ້ອງກັນເພື່ອບໍ່ໃຫ້ມັນເກີດມີຜູ້ຕິດເຊື້ອພະຍາດດັ່ງກ່າວຢູ່ແຂວງຜົ້ງສາລີ ເພາະຖ້າເກີດແລ້ວຈະແກ້ໄຂຍາກ ໂດຍເພີ່ມມາດຕະການຕັ້ງຈຸດກວດຕາມເສັ້ນທາງເຂົ້້າອອກຢູ່ແຕ່ລະເມືອງ ແຕ່ລະດ່ານ ທຸກຄົນທີ່ຜ່ານເຂົ້າອອກຕ້ອງໄດ້ຜ່ານການກວດ ເປັນຕົ້ນແມ່ນເສັ້ນທາງສາຍຫຼັກ ແຕ່ອຸດົມໄຊ ມາຫາ ຜົ້ງສາລີ ແມ່ນຕັ້ງຈຸດກວດຢູ່ຈຸດເຂດປາກນ້ຳນ້ອຍ ຖ້າມີກໍ່ລະນີສົງໄສແມ່ນສົ່ງໂຮງໝໍທັນທີ ແລະ ສໍຳລັບຜູ້ທີ່ເດີນທາງມາຈາກເຂດລະບາດຕ້ອງໄດ້ສົງໄປຢູ່ຈຸດກັກກັ້ນ 14 ວັນ ເຊີງແຕ່ລະເມືອງແມ່ນມີຈຸດກັກກັນໂດຍກໍຳນົດເອົາໂຮງຮຽນຈຳນວນໜຶ່ງ ເປັນຈຸດກັກກັນຂອງແຕ່ລະເມືອງ.

ໂອກາດນີ້ທ່ານ ດຣ ບຸນສາລີ ຈິດດາພອນ ຫົວໜ້າພະແນກສາທາລະນະສຸກແຂວງ, ຮອງຫົວໜ້າຄະນະສະເພາະກິດ ເພື່ອປ້ອງກັນ, ຄວມຄຸມ ແລະ ແກ້ໄຂການລະບາດຂອງພະຍາດ COVID – 19 ແຂວງຜົ້ງສາລີ ຍັງໄດ້ຮຽກຮ້ອງມາຍັງທຸກພາກສວ່ນ ແລະ ປະຊາຊົນບັນດາເຜົ່າຊາວແຂວງຜົ້ງສາລີ ເປັນເຈົ້້າການມີສວ່ນຮ່ວມຊ່ວຍກັນໃນການເຝົ້າລະວັງ ເພື່ອພ້ອມກັນແກ້ໄຂບັນຫາ ແລະ ຜ່ານວິກິດນີ້ໄປໄດ້ດ້ວຍດີ.

ເພື່ອຫຼີກລ້ຽງຈາກການຕິດເຊື້ອ COVID – 19  ທ່ານສາມາດປ້ອງກັນຕົນເອງໄດ້ດ້ວຍວິທີ່ການຄື:

1. ໝັ່ນລ້າງມືດ້ວຍສະບູ່ ແລະ ນ້ຳ ຫຼື ເຈວລ້າງມືທີ່ມີສ່ວນປະສົມຂອງເຫຼົ້າ ໃຫ້ທົ່ວ ແລະ ໃຫ້ຄົບ 20 ວິນາທີ.

2.  ຫຼີກລ່ຽງການສໍຳພັດຕາ, ດັງ ແລະ ປາກ.

ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ covid – 19 - Wave100S AD to Website 2020 0 - ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ COVID – 19

3. ຮັກສາໄລຍະຫ່າງ 1 – 2 ແມັດ.

4. ຫຼີກລ່ຽງການໄປບ່ອນທີ່ມີຄົນຫຼາຍ

ສ່ວນວິທີປ້ອງກັນຄົນທີທ່ານຮັກ ແລະ ຄົນອ້ອມຂ້າງທ່ານບໍ່ໃຫ້ຕິດພະຍາດ COVID – 19  ແມ່ນມີວິທີດັ່ງນີ້:

  1. ເວລາໄອ ຫຼື ຈາມຕ້ອງປິດປາກ ຫຼື ດັງດ້ວຍເຈ້ຍ ຫຼື ຫ່ວາງຂໍ້ສອກ.
  2. ຫຼີກລ່ຽງການສຳພັດ ຫຼື ໃກ້ຊິດກັບຄົນທີ່ມີອາການໄຂ້ ຫຼື ໄອ.
  3. ແຍກປ່ຽວຕົນເອງ 14 ມື້ ຫຼັງຈາກເດີນທາງມາແຕ່ຕ່າງປະເທດ ແລະ ຕ່າງແຂວງ

ໂດຍອາການຂອງຜູ້ທີ່ຕິດເຊື່ອ COVID – 19  ຈະມີອາການໄຂ້, ໄອ ແລະ ຫາຍໃຈຝືດ. ຖ້າທ່ານສົງໄສມີອາການໄຂ້, ໄອ ແລະ ຫາຍໃຈຝືດ ແມ່ນໃຫ້ໄປພົບກັບແພດໝໍເພື່ອກວດດ່ວນ ຫຼື ໂທຫາເບີ +85620 5406 6777 ຫຼື ສາຍດ່ວນ 166.

ເຊີງຕາມຕົວເລກການລາຍງານຂອງ ສູນຂ່າວສານການແພດສຸຂະສຶກສາ ກະຊວງສາທາລະນະສຸກ ໃນວັນທີ 30 ມີນາ 2020ນີ້ ແມ່ນມາປະຈຸບັນສະຖານະການຕິດເຊື້ອ COVID – 19 ທົ່ວໂລກ ແຜ່ລະບາດແລ້ວໃນຫຼາຍປະເທດ ແລະ ເຂດປົກຄອງ ມີຜູ້ຕິດເຊື້ອສະສົມລວມກວ່າ 723,328 ຄົນ, ປິ່ນປົວຫາຍດີ 151,991 ຄົນ ແລະ ເສຍຊີວິແລ້ວ 34,005 ຄົນ ແລະຢູ່ ສປປ ລາວໄດ້ກວດ ກໍລະນີສົງໄສ 364 ມີຜູ້ຕິເຊື້ອແລ້ວ 9 ຄົນ ແຕ່ຍັງບໍ່ທັນມີຜູ້ເສຍຊີວິດ.

ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ covid – 19 - WhatsApp Image 2020 05 27 at 5 - ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ COVID – 19
ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ covid – 19 - WhatsApp Image 2020 05 27 at 5 - ແຂວງຜົ້ງສາລີກຽມພ້ອມບຸກຄະລາກອນ, ອຸປະກອນ, ສະຖານທີ່ແຍກປ່ຽວ ແລະ ການປິ່ນປົວ ຖ້າພົບກໍລະນີສົງໄສ ຫຼື ຜູ້ຕິດເຊື້ອ COVID – 19
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!