ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19

ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19 - dd - ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19
ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19 - Untitled design - ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19

ລູກເມືອງພວນ

ຊ່ຽວຊານດ້ານໄວຣັສວິທະຍາ Rishi Desai ຜູ້ອຳນວຍການໃຫ່ຍແພດສາດ Osmosis ໃຫ້ຮູ້ວ່າ ອະໄວຍະວະທີ່ຈະຕິດເຊື້ອໄວຣັສທຳອິດຂອງຮ່າງກາຍແມ່ນດັງ ແລະ ຫຼັງຈາກນັ້ນແມ່ນຮູຄໍ.

ທ່ານ Rishi Desai ໃຫ້ຮູ້ວ່າ: ກ່ອນອື່ນໝົດໄວຣັສຈະເຂົ້າໄປທາງດັງ ແລະ ຫຼັງຈາກນັ້ນແມ່ນຮູຄໍ. ເບຶື້ອງຕົ້ນຈະມີອາການຄືກັບໄຂ້ຫວັດທຳມະດາ, ຊຶ່ງມີອາການຕັນດັງ, ຂີ້ມູກອອກ ແລະ ເຈັບຄໍ ນັ້ນຄືອາການທີ່ສະແດງອອກໃນເບື້ອງຕົ້ນ ແລະ ໃນເວລານັ້ນຜູ້ຕິດເຊື້ອຈະບໍ່ມີຄວາມຮູ້ສຶກທາງກິ່ນ ແລະ ລົດຊາດ.

ອາການດັ່ງກ່າວຈະສະແດງອອກໃນເມື່ອໄດ້ແຕ່ 2-14 ວັນ ພາຍຫຼັງຕິດເຊື້ອ, ຫຼັງຈານັ້ນ ໄວຣັສຈະເຂົ້າໄປສູ່ປອດ. ຜູ້ຕິດເຊື້ອຈະເລີ່ມມີໄອ, ຫາຍໃຈຝືດ ແລະ ແໜ້ນໜ້າເອິກ, ຖ້າເຊື້ອໄວຣັສຫາກເຂົ້າໄປໃນເສັ້ນເລືອດ ກໍຈະມີອາການໄອ, ອອກເຫື່ອຍາມກາງຄືນ, ຫົນຫວາຍຢູ່ຍາກ ແລະ ອິດເມື່ອຍ.

ຍ້ອນແຕ່ລະຄົນມີປະຕິກິລິຍາຕໍ່ກັບເຊື້ອໄວຣັສແຕກຕ່າງກັນ ຈຶ່ງເຮັດໃຫ້ອາການສະແດງອອກຈຶ່ງບໍ່ຄືກັນ. ບາງຄົນກໍສະແດງອອກຢູ່ໃນພາກສ່ວນໃດພາກສ່ວນໜຶ່ງຂອງຮ່າງກາຍເທົ່ານັ້ນ, ມີບາງຄົນກໍສະແດງອອກຢູ່ໃນຫຼາຍສ່ວນຂອງຮ່າງກາຍ ຫຼື ມີບາງຄົນມີປະຕິກິລິຍາຕອບໂຕ້ແຮງຕໍ່ເຊື້ອໄວຣັສໂຄວິດ-19 ແລະ ມີບາງຄົນກໍບໍ່ໄດ້ສະແດງອາການຫຍັງອອກເລີຍ.

ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19 - Wave100S AD to Website 2020 0 - ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19

ທ່ານ Desai ໃຫ້ຮູ້ອີກວ່າ: ອາການຕິດເຊື້ອມັກຈະສະແດງອອກຢູ່ຫຼາຍສ່ວນຂອງອະໄວຍະວະໃນຮ່າງກາຍເຊັ່ນ: ບໍ່ມີຄວາມຮູ້ສຶກດ້ານລົດຊາດ ແລະ ກິ່ນ, ປວດຮາກ, ເຈັບທ້ອງ ແລະ ປວດຕາມກ້າມຊີ້ນ.

ທ່ານ David Hirschwerk ຊ່ຽວຊານດ້ານພະຍາດຕິດຕໍ່ຢູ່ທີ່ Northwell Health ຜູ້ບໍລິການດູແລສຸຂະພາບທີ່ໃຫ່ຍທີ່ສຸດໃນ New York ເວົ້າດ້ວຍປະສົບການວ່າ: 10% ຂອງຜູ້ຕິດເຊື້ອຈະມີອາການທາງດ້ານລະບົບລະລາຍ ເຊັ່ນ: ປວດຮາກ,ລົງທ້ອງ ແລະ ຮາກ .

ສູນກາງປ້ອງກັນ ແລະ ສະກັດກັ້ນ ພະຍາດ(CDC) ຂອງສະຫະລັດໃຫ້ຮູ້ວ່າ: ໄວຣັສໂຄໂຣນາ ມີຫຼາຍຊະນິດແຕກຕ່າງກັນ, ບາງຊະນິດກໍເບົາບາງ ແຕ່ສຳລັບ ໂຄວິດ-19 ແມ່ນໄວຣັສໂຄໂຣນາສາຍພັນໃໝ່ທີ່ບໍ່ເຄີຍພົບເຫັນມາກ່ອນທີ່ເກີດຂຶ້ນກັບຄົນ. ຊຶ່ງເຊື້ອໄວຣັສດັ່ງກ່າວສາມາດຕິດຕໍ່ຄົນສູ່ຄົນໄດ້ໂດຍຜ່ານເມັດນໍ້າລາຍທີ່ໄອ, ຈາມຟົ້ງອອກໄປໃນເສັ້ນລັດສະໝີ 2 ແມັດ./.

ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19 - WhatsApp Image 2020 05 27 at 5 - ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19
ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19 - WhatsApp Image 2020 05 27 at 5 - ອາການທຳອິດສະແດງອອກເວລາຕິດເຊື້ອໄວຣັສໂຄວິດ-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!