ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ

ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ - Untitled design - ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ
ກົດເພື່ອຟັງຂ່າວ

     ໂດຍ: ລູກເມືອງພວນ

ຂ່າວຈາກຫວຽດນາມໃຫ້ຮູ້ວ່າ, ວັນທີ 31 ມີນາຜ່ານມານີ້, ອົງການແນວລາວສ້າງຊາດເມືອງ ເຮື້ອງຮວ້າ ແຂວງ ກວາງຈິ ຂອງຫວຽດນາມ ພ້ອມກັບພະນັກງານທີ່ດິນ ໄດ້ລົງກວດວັດແທກທີ່ດິນຂອງຊາວນາຄົນໜຶ່ງຊື່ ລຸງ ຮ່າຄວາ, ອາຍຸ 58 ປີ ທີ່ໄດ້ເສຍສະຫຼະຍົກທີ່ດິນທຳກິນຂອງຕົນໃຫ້ແກ່ລັດຖະບານເພື່ອເປັນການປະກອບສ່ວນປ້ອງກັນພະຍາດໂຄວິດ-19.

ເນື້ອທີ່ດິນ ທີ່ລຸງ ຄວາ ຍົກໃຫ້ລັດຖະບານນັ້ນ ມີຄວາມກວ້າງ 15 ແມັດ ແລະ ຍາວ 45 ແມັດ, ຖ້າຂາຍໃນລາຄາປັດຈຸບັນຈະຢູ່ທີ່ປະມານ 20 ລ້ານດົງ/ແມັດກ້ອນ ແຕ່ລຸງ ຄວາ ຍົກໃຫ້ລັດຖະບານ 300 ລ້ານດົງ ໂດຍເປັນເນື້ອທີ່ດິນ.

ອຳນາດການປົກຄອງທ້ອງຖິ່ນໃຫ້ຮູ້ວ່າ: ລຸງ ຄວາ ແລະ ເມຍລ້ວນແຕ່ເປັນຊາວນາ, ມີລູກຮ່ວມກັນ 4 ຄົນ, ໃນນັ້ນມີພຽງແຕ່ຄົນດຽວທີ່ໄດ້ແຕ່ງງານເປັນຄອບເປັນຄົວແລ້ວ, ສ່ວນ 3 ຄົນທີ່ຍັງເຫຼືອ ແມ່ນກຳລັງຢູ່ໃນໄວຮຽນ. ສອງຜົວເມຍມີອາຊີບເຮັດສວນ ແລະ ຢູ່ເຮືອນເທົ່ານັ້ນ.

ກ່ອນຈະຕັດສິນໃຈຍົກທີ່ດິນເພື່ອປະກອບສ່ວນໃຫ້ລັດຖະບານ ລຸງ ຄວາ ເວົ້າວ່າ: ໃນລາຄາດັ່ງກ່າວ ຖ້າທຽບໃສ່ຊາວໄຮ່ສວນທີ່ມີຄວາມຫຍຸ້ງຍາກທາງດ້ານເສດຖະກິດແລ້ວ ແມ່ນກ້ອນເງິນທີ່ມະຫາສານ, ແຕ່ລູກ-ເມຍບໍ່ມີໃຜຂັດຂ້ອງ. ນີ້ຄືຈິດໃຈທີ່ສູງສົ່ງຂອງລຸງທີ່ຊ່ວຍປະເທດຊາດຍາມມີວິກິດການ.

ລຸງ ຄວາ ໃຫ້ຮູ້ອີກວ່າ: “ເພື່ອສະໜັບສະໜູນຄຳຮຽກຮ້ອງຂອງນາຍົກລັດຖະມົນຕີກ່ຽວກັບການປ້ອງກັນ ແລະ ຕ້ານພະຍາດໂຄວິດ, ຂ້ອຍກໍເກີດແນວຄວາມຄິດຢາກປະກອບສ່ວນສິ່ງໃດສິ່ງໜຶ່ງທີ່ເປັນປະໂຫຍດໃຫ້ແກ່ປະເທດຊາດ, ແຕ່ເມື່ອມາເບິ່ງຄອບຄົວຂອງຕົນເອງແລ້ວບໍ່ມີຊັບສິນຫຍັງທີ່ພໍເປັນລາຄາ, ນອກຈາກດິນສວນເທົ່ານັ້ນ”

ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ - Wave100S AD to Website 2020 0 - ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ

ລຸງ ລັ່ງເລໃຈຢູ່ວ່າ ຈະຂາຍດິນເພື່ອເອົາເງິນໄປສະໜັບສະໜູນ, ແຕ່ດິນຊໍ້າພັດບໍ່ທັນໄດ້ແຍກໃບຕາດິນ, ຍັງບໍ່ທັນໄດ້ມີໃບຕາດິນເພື່ອນຳໃຊ້ ຖ້າຈະຖ້າໄດ້ໃບຕາດິນ ມັນກໍຈະດົນ.

ລຸງ ຄວາ ເວົ້າຕື່ມວ່າ: “ຂ້ອຍເປັນຊາວນາຄົນໜຶ່ງ ກໍຢາກປະກອບສ່ວນໃຫ້ປະເທດຊາດ ເພື່ອສະໜັບສະໜູນຄຳຮຽກຮ້ອງຂອງລັດຖະບານ ຕ້ານພະຍາດໂຄວິດ ແລະ ຍັງມີຄວາມໝາຍວ່າ ເພື່ອປະເທດຊາດກໍແມ່ນເພື່ອຕົນເອງນຳອີກດ້ວຍ. ດັ່ງນັ້ນ, ໂອກາດນີ້, ຂ້ອຍກໍຂໍຮຽກຮ້ອງໃຫ້ທຸກຄົນຈົ່ງໄດ້ປະກອບສ່ວນຕາມເຫື່ແຮງຂອງຕົນເຂົ້າໃນການຕ້ານພະຍາດໂຄວິດໃນຄັ້ງນີ້ດ້ວຍ”./.

ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ - WhatsApp Image 2020 05 27 at 5 - ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ
ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ - WhatsApp Image 2020 05 27 at 5 - ນໍ້າໃຈຮັກຊາດຂອງປະຊາຊົນຫວຽດນາມ ຍາມວິກິດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!