ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19

ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19 - 21 - ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19
ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19 - Untitled design - ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19

     ຕ້ອງເອົາຕົວລອດທາງການເງິນຊ່ວງໂຄວິດໃຫ້ໄດ້ ! ເມື່ອເຖິງຕອນໂຄວິດ-19 ລະບາດຈົນຜູ້ຕິດເຊື້ອມີເພີ່ມຂຶ້ນ ຫລາຍສະຖານທີ່ປິດໃຫ້ບໍລິການໄປ ເຊິ່ງນະໂຍບາຍໃນການປິດສະຖານທີ່ທີ່ຄົນລວມຕົວກັນຫລາຍໆ ເປັນໄປເພື່ອໃຫ້ການຄວບຄຸມໂຣກມີປະສິດທິພາບຫລາຍຂຶ້ນ, ແຕ່ໃນອີກດ້ານໜຶ່ງ ເມື່ອທຸລະກິດຫລາຍແຫ່ງປິດເຮັດວຽກ, ພະນັກງານຕ້ອງຫວ່າງວຽກໃນຊ່ວງນີ້, ສ່ວນເຈົ້າຂອງເອງກໍບໍ່ມີລາຍໄດ້, ເງິນຫາຍ ກຳໄລຫົດ, ແອັດມິນຂໍເປັນກຳລັງໃຈ ແລະ ຂໍໃຫ້ທຸກຄົນຕໍ່ສູ້ ເຮົາຕ້ອງລອດ ! ວິທີເອົາຕົວລອດທາງການເງິນເມື່ອລາຍໄດ້ຫລຸດໃນຊ່ວງ ໂຄວິດ-19.

ວາງແຜນການໃຊ້ເງິນໃຫ້ເອົາຕົວລອດທາງການເງິນຊ່ວງໂຄວິດຢ່າງຮັດກຸມ

     ແນ່ນອນວ່າເມື່ອເກີດເຫດການແບບນີ້ຂຶ້ນ ເຮົາໄດ້ຮັບຜົນກະທົບທາງການເງິນແນ່ນອນ ກ່ອນອື່ນຕັ້ງສະຕິກ່ອນ ແລ້ວເລີ່ມສຳຫລວດວ່າຕອນນີ້ເຮົາມີເງິນໃຊ້ຈ່າຍເທົ່າໃດ, ມີເງິນທ້ອນເຫລືອເທົ່າໃດ ເດືອນນີ້ຈະໄດ້ຮັບຄ່າຈ້າງ ຫລື ບໍ່ ຮັບເຕັມເດືອນ ຫລື ເຄິ່ງເດືອນ ຫລື ຈັກເປີເຊັນ ເມື່ອລວບລວມຂໍ້ມູນທາງການເງິນຂອງຕົນເອງຮຽບຮ້ອຍແລ້ວ ກໍເລີ່ມວາງແຜນການໃຊ້ເງິນໃນແຕ່ລະວັນ ຖ້າຍັງພໍມີລາຍໄດ້ເຂົ້າມາ ຢ່າລືມທ້ອນເງິນໄວ້ຍາມສຸກເສີນ ເພາະເຮົາຄາດບໍ່ຖືກເລີຍວ່າຈະຕ້ອງຢູ່ກັບສະພາບແບບນີ້ໄປອີກດົນປານໃດ.

ຢຸດງານສ້າງສັນ ໂປຣໂມຊັນ ຊື້ເຄື່ອງ ຊ່ວຍໃຫ້ເອົາຕົວລອດທາງການເງິນຊ່ວງໂຄວິດໄດ້

     ຄົນທີ່ຮັກການສ້າງສັນ ມີຄວາມສຸກກັບການອອກໄປຫາແນວກິນນອກເຮືອນ ຫລື ຄົນທີ່ມັກຊື້ເຄື່ອງ ທັງອອນລາຍອອຟລາຍ ຊ່ວງນີ້ອາດຈະຕ້ອງພັກກ່ອນ ເພາະນອກຈາກຈະສ່ຽງອັນຕະລາຍຕໍ່ໂຣກໄພແລ້ວ ຍັງມີຄວາມສ່ຽງຕໍ່ຄວາມໝັ້ນຄົງທາງການເງິນນຳອີກ ໂດຍສະເພາະບັນດາມະນຸດເງິນເດືອນທີ່ມີລາຍໄດ້ຈຳກັດ ແລະ ຍັງບໍ່ຮູ້ວ່າສະຖານະການນີ້ຈະດີຂຶ້ນຕອນໃດ ໜ້າທີ່ການງານຈະໝັ້ນຄົງອີກດົນພຽງໃດ.

ກັກຕຸນອາຫານແຕ່ພໍດີ ສັ່ງອອນລາຍເດລິເວີລີແດ່

    ຕອນນີ້ຫລາຍຄົນກັງວົນໃຈອອກໄປກັກຕຸນອາຫານກັນຈຳນວນຫລາຍ ແຕ່ຢ່າລືມວ່າການໄປຊື້ສິນຄ້າເຫລົ່ານັ້ນຕ້ອງໃຊ້ເງິນ ແລະ ສຳຄັນຊ່ວງເວລານີ້ ໂຮງງານອາຫານ ແລະ ລະບົບການຂົນສົ່ງຍັງດຳເນີນໄປຕາມປົກກະຕິ, ການທີ່ກັກຕຸນອາຫານເກີນຈຳເປັນອາດເປັນການໃຊ້ເງິນໂດຍບໍ່ມີປະໂຫຍດ ແລະ ອາຫານອາດເສຍຄຸນນະພາບ. ດັ່ງນັ້ນ ເຮົາຄວນກັກຕຸນອາຫານເທົ່າທີ່ຈຳເປັນ ແລະ ສັ່ງອາຫານອອນລາຍແດ່ ເພື່ອຄວາມປອດໄພ.

ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19 - Wave100S AD to Website 2020 0 - ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19

ຕິດຕາມຂ່າວສານບ້ານເມືອງ

    ໃນໄລຍະນີ້ ລັດຖະບານ ແລະ ທະນາຄານອາດຈະອອກມາດຕະການເພື່ອຊ່ວຍເຫລືອປະຊາຊົນເຊັ່ນ: ຫລຸດດອກເບ້ຍ, ໂຈະຊຳລະໜີ້ຊົ່ວຄາວ ແລະ ອື່ນໆ ເມື່ອເຮົາຮູ້ຂ່າວຈະໄດ້ບໍ່ເສຍສິດໃນການຮັບການຊ່ວຍເຫລືອຈາກມາດຕະການຕ່າງໆຂອງລັດ ຈະໄດ້ຮູ້ຄວາມເປັນໄປ ເພື່ອວາງແຜນການໃຊ້ຊີວິດ ແລະ ການໃຊ້ເງິນໄດ້ຢ່າງເໝາະສົມ ທ່ານຈະໄດ້ເອົາຕົວລອດທາງການເງິນຊ່ວງໂຄວິດໄດ້ຢ່າງງົດງາມ.

ເບິ່ງແຍງຮັກສາສຸຂະພາບໃຫ້ແຂງແຮງທັງກາຍ ແລະ ໃຈ

    ການເບິ່ງແຍງສຸຂະພາບເປັນໜ້າທີ່ພື້ນຖານສຳລັບທຸກຄົນ ຄອຍສັງເກດຕົນເອງວ່າມີອາການປ່ວຍໃດໆ ຫລື ບໍ່ ຖ້າມີຈະໄດ້ປິ່ນປົວແຕ່ຫົວທີ ຫລື ຖ້າບໍ່ມີກໍຕ້ອງຮັກສາສຸຂະພາບຕົນເອງຢ່າງເຄັ່ງຂັດ ເພື່ອຈະໄດ້ບໍ່ເຈັບເປັນ ເຮົາຈຶ່ງຍັງມີໂອກາດຈະຫາລາຍໄດ້ ແລະ ບໍ່ຕ້ອງເສຍຄ່າໃຊ້ຈ່າຍໃນການປິ່ນປົວ.

ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19 - WhatsApp Image 2020 05 27 at 5 - ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19
ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19 - WhatsApp Image 2020 05 27 at 5 - ວິທີເອົາຕົວລອດທາງການເງິນ ເມື່ອລາຍໄດ້ຫລຸດລົງໃນຊ່ວງໂຄວິດ-19
error: Alert: ເນື້ອຫາຂ່າວມີລິຂະສິດ !!