ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ?

ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ? - 24 - ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ?
ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ? - Untitled design - ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ?

     ການລະບາດຂອງໄວຣັສໂຄວິດ-19 ເຮັດໃຫ້ຫຼາຍປະເທດມີມາດຕະການປິດເມືອງ ຫຼື ປິດປະເທດ, ປິດຊາຍແດນຊົ່ວຄາວ ລວມທັງປະເທດລາວເຮົາ ກໍໄດ້ມີມາດຕະການປິດດ່ານຊາຍແດນ ທັງສາກົນ ແລະ ດ່ານປະເພນີຕ່າງໆບໍ່ໃຫ້ຄົນເຂົ້າ-ອອກທີ່ມີຈຸດປະສົງທ່ອງທ່ຽວ ແລະ ໄປຄ້າຂາຍ ເປັນທີ່ຮຽບຮ້ອຍແລ້ວ ໃນວັນທີ 21 ມີນາ – 20 ເມສາ 2020, ແຕ່ສຳລັບການຂົນສົ່ງສິນຄ້າທີ່ຈຳເປັນແມ່ນຍັງອະນຸຍາດໃຫ້ເຂົ້າ-ອອກໄດ້ ແຕ່ຕ້ອງປະຕິບັດຕາມມາດຕະການຂອງຂະແໜງການສາທາລະນະສຸກ ການຄວບຄຸມ ແລະ ປ້ອງກັນໂຄວິດ-19 ແລະ ໃນວັນທີ 24 ມີນາ ກະຊວງໄດ້ຖະແຫຼງຂ່າວປະກາດຢ່າງເປັນທາງການວ່າ: ສປປ ລາວ ມີຄົນຕິດເຊື້ອໂຄວິດ-19 ແລ້ວ 2 ຄົນ, ຖ້າສົມມຸດປະເທດລາວ ແລະ ປະເທດອື່ນໆໃນໂລກ ໄດ້ມີມາດຕະການປິດເມືອງບໍ່ໃຫ້ຄົນອອກຈາກເຮືອນ ຫຼື ບ້ານເລີຍ ຈະມີຜົນກະທົບທາງເສດຖະກິດອັນມະຫາສານ ເພາະຫຼາຍທຸລະກິດກໍຕ້ອງໄດ້ຢຸດສະງັກ.  ແຕ່ແນ່ນອນວ່າ ໄລຍະນີ້ຖ້າມີຜູ້ເສຍຜົນປະໂຫຍດກໍຕ້ອງມີຜູ້ໄດ້ຮັບປະໂຫຍດ ໃນທຸກວິກິດມັກຈະມີໂອກາດຢູ່ສະເໝີ ແລ້ວຈະມີທຸລະກິດໃດແດ່ ທີ່ຈະເສຍຜົນປະໂຫຍດ ແລະ ຈະໄດ້ຮັບຜົນປະໂຫຍດໃນໄລຍະນີ້ແບບເຕັມ.

      ສົມມຸດວ່າ ເມືອງໆໜຶ່ງຖືກປິດບໍ່ໃຫ້ມີການເຂົ້າ-ອອກ ປະຊາຊົນສ່ວນຫຼາຍຫຼີກລ່ຽງການອອກຈາກເຮືອນ ທຸລະກິດທີ່ໄດ້ຮັບຜົນກະທົບອັນດັບຕົ້ນໆແມ່ນ ທຸລະກິດທີ່ມີໜ້າຮ້ານ ບໍ່ວ່າຈະເປັນຮ້ານອາຫານ, ຮ້ານກາເຟ, ສູນການຄ້າຕ່າງ ເມື່ອການລະບາດຮຸນແຮງຂຶ້ນ ການເດີນທາງອອກຈາກເຮືອນແຕ່ລະຄັ້ງຈຶ່ງໝາຍເຖິງການເພີ່ມຄວາມສ່ຽງໃນການຕິດເຊື້ອ ການທີ່ຄົນບໍ່ອອກໄປໃສ ທຸລະກິດທີ່ໄດ້ຮັບຜົນກະທົບຕາມມາກໍຄື ທຸລະກິດຂົນສົ່ງສາທາລະນະ ລົດໂດຍສານ, ລົດເມ ແລະ ທຸລະກິດຕໍ່ມາກໍຄືທຸລະກິດປໍ້ານໍ້າມັນ ເພາະຖ້າບໍ່ມີການໃຊ້ລົດໃນຖະໜົນກໍຈະບໍ່ມີລົດໄປຕື່ມນໍ້າມັນຫຼາຍຄືເກົ່າ ແລະ ຍັງມີອີກຫຼາຍໆທຸລະກິດໄດ້ຮັບຜົນກະທົບ ບໍ່ວ່າຈະເປັນການທ່ອງທ່ຽວ ແລະ ໂຮງແຮມ, ເຮືອນພັກ ເຊິ່ງດຽວນີ້ຫຼາຍໆຄົນເຫັນແຕ່ທຸລະກິດທີ່ໄດ້ຮັບຜົນກະທົບທັງໝົດ.

     ສະຫລຸບແລ້ວ, ທຸລະກິດຫຍັງແດ່ຈະໄດ້ຮັບຜົນປະໂຫຍດ ລອງຄິດເບິ່ງວ່າ ຖ້າເຮົາຢູ່ແຕ່ໃນເຮືອນເຮົາຈະເຮັດຫຍັງແດ່ ? ເຮົາກໍຕ້ອງເບິ່ງຮູບເງົາ, ລະຄອນ, ຟັງເພງທາງອອນລາຍ ເຮົາຈະເຮັດວຽກຢູ່ເຮືອນຜ່ານລະບົບຄຣາວອອນລາຍ ເຮົາຈະຕ້ອງອັບເດດຂ່າວສານ ແລະ ເຊື່ອມຕໍ່ໂລກພາຍນອກຜ່ານໂຊຊຽວມີເດຍ. ດັ່ງນັ້ນ ທຸລະກິດເຫຼົ່ານີ້ທີ່ຈະໄດ້ຮັບຜົນປະໂຫຍດ ຈາກການທີ່ເຮົາຢູ່ແຕ່ໃນເຮືອນ, ທຸລະກິດຄົມມະນາຄົມການສື່ສານ,​ ອິນເຕີເນັດ. ຕໍ່ມາເລື່ອງອາຫານການກິນ ເຮົາຕ້ອງໄດ້ໃຊ້ບໍລິການຂົນສົ່ງອາຫານເຖິງທີ່ ຫຼື ຂົນສົ່ງສິນຄ້າອຸປະໂພກເຄື່ອງໃຊ້ປະຈຳວັນເຖິງທີ່ ຈາກຮ້ານອາຫານທີ່ເປີດຢູ່ ຫຼື ຮ້ານຄ້າທີ່ເປີດຢູ່ທີ່ມີບໍລິການແບບນີ້ ເຊື່ອວ່າຖ້າມີຄວາມຕ້ອງການບໍລິການສົ່ງເຖິງທີ່ຈຳນວນຫຼາຍອາດຈະບໍ່ພຽງພໍທຸກຄົນແນ່ນອນ ອາດເກີດຄວາມຊັກຊ້າ. ດັ່ງນັ້ນ ອາຫານທີ່ເໝາະສົມກັບວິກິດນີ້ກໍຄື ອາຫານສຳເລັດຮູບ ຫຼື ອາຫານແຫ້ງທີ່ສາມາດເກັບໄວ້ກິນໄດ້ໄລຍະຍາວເຊັ່ນ: ໝີ່, ປາກະປ່ອງ, ຊີ້ນແຫ້ງ, ປາແຫ້ງ.

ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ? - Wave100S AD to Website 2020 0 - ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ?

     ນອກຈາກນີ້, ໃນສະຖານະການທີ່ສ່ຽງຕໍ່ການຕິດໄວຣັສແບບນີ້ ທຸລະກິດທີ່ຈະສາມາດເຂົ້າມາແກ້ໄຂຄວາມກັງວົນໄດ້ກໍຄື ການປະກັນໄພກັນສຸຂະພາບ ໂດຍສະເພາະຖ້າສາມາດຄວບຄຸມພະຍາດທີ່ກຳລັງລະບາດນີ້ໄດ້ ກໍຍ່ອມສົ່ງຜົນໃຫ້ມີຜູ້ຄົນສົນໃຈຊື້ປະກັນໄພສຸຂະພາບເພີ່ມຂຶ້ນຈຳນວນຫຼາຍແນ່ ນອນ,  ທຸລະກິດສຸດທ້າຍທີ່ເຮົາອາດຄາດບໍ່ເຖິງຈະໄດ້ຮັບຜົນປະໂຫຍດໃນໄລຍະວິກິດນີ້ກໍຄື ທຸລະກິດປະກັນໄພລົດ ເມື່ອບໍ່ມີຄົນອອກຈາກເຮືອນ ການສັນຈອນຢູ່ຕາມທ້ອງຖະໜົນກໍຈະບໍ່ມີຫຼາຍ ເມື່ອບໍ່ມີລົດແລ່ນ ການເກີດອຸປະຕິເຫດກໍຈະບໍ່ມີ ບໍລິສັດປະກັນໄພກໍບໍ່ໄດ້ຈ່າຍສິນທົດແທນໃນໄລຍະນີ້.

     ສະນັ້ນ, ຫລັງຈາກໝົດໄຕມາດທຳອິດຂອງປີ ເຮົາຈະເລີ່ມເຫັນຜົນກະທົບຕໍ່ເສດຖະກິດຂອງຫຼາຍບໍລິສັດ ແລະ ຂອງປະເທດ, ບາງບໍລິສັດອາດຈະມີຍອດຂາຍເພີ່ມຂຶ້ນ ແຕ່ຖ້າເຮົາເປັນນັກລົງທຶນ ຫຼື ນັກທຸລະກິດ ເຮົາຄວນຈະເຮັດແບບໃດໃນໄລຍະວິກິດແບບນີ້ ? ເຮົາຄວນຈະລົງທຶນເຮັດຫຍັງໃນຕອນນີິ້ ເພື່ອຈະພິກວິກິດເປັນໂອກາດ ແລະ ເຮົາຄວນຈະມີແຜນການຮອງຮັບໄລຍະຍາວຕໍ່ໄປໄດ້ແບບໃດ ?   ແລະ ກໍຕ້ອງສາມາດຄາດເດົາວ່າການປ່ຽນແປງເຫຼົ່ານີ້ໃຫ້ໄດ້ວ່າຈະເກີດຂຶ້ນຊົ່ວຄາວ ຫຼື ຕະຫຼອດໄປ.

ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ? - WhatsApp Image 2020 05 27 at 5 - ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ?
ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ? - WhatsApp Image 2020 05 27 at 5 - ຖ້າປິດເມືອງ ຫຼື ປິດປະເທດ ທຸລະກິດໃດຈະເສຍຜົນປະໂຫຍດ ແລະ ທຸລະກິດໃດຈະໄດ້ປະໂຫຍດ ?
error: Alert: ເນື້ອຫາຂ່າວມີລິຂະສິດ !!