ປະເທດໃດແດ່ມີມາດຕະການແປກໆຮັບມື ໂຄວິດ-19

ປະເທດໃດແດ່ມີມາດຕະການແປກໆຮັບມື ໂຄວິດ-19 - 25 1 - ປະເທດໃດແດ່ມີມາດຕະການແປກໆຮັບມື ໂຄວິດ-19
ປະເທດໃດແດ່ມີມາດຕະການແປກໆຮັບມື ໂຄວິດ-19 - Untitled design - ປະເທດໃດແດ່ມີມາດຕະການແປກໆຮັບມື ໂຄວິດ-19

     ປະເທດຕ່າງໆທົ່ວໂລກອອກມາດຕະການຮັບມືກັບໂຄວິດ-19 ແບບບໍ່ເຄີຍເກີດຂຶ້ນກັບວິກິດຄັ້ງໃດມາກ່ອນ ມີແຕ່ແບບສຸດຕົງໄປຈົນເຖິງຄວາມຄິດສ້າງສັນທີ່ໜ້າສົນໃຈ.

  1. ປານາມາ

     ປະເທດໃນເຂດອາເມລິກາກາງແຫ່ງນີ້ມີຕົວເລກຢືນຢັນຜູ້ຕິດເຊື້ອໂຄວິດ-19 ມີຈຳນວນ1.000 ຄົນ ໂດຍທາງການໃຊ້ມາດຕະການໃຫ້ຜູ້ຊາຍ ແລະ ຜູ້ຍິງອອກນອກເຮືອນຄົນລະເວລາກັນ ໂດຍນັບແຕ່ວັນທີ 1 ເມສາເປັນຕົ້ນໄປ ຜູ້ຊາຍ ແລະ ຜູ້ຍິງຕ້ອງອອກນອກເຮືອນຄົນລະມື້ ແລະ ຄັ້ງລະ 2 ຊົ່ວໂມງເທົ່ານັ້ນ ໂດຍວັນອາທິດຫ້າມບໍ່ໃຫ້ໃຜອອກນອກເຮືອນເລີຍ.

2. ໂກລົມບີ

     ບາງເມືອງຢູ່ໂກລົມບີ ຄົນຈະອອກນອກເຮືອນໄດ້ວັນໃດຕ້ອງເບິ່ງຕາມເລກບັດປະຈຳຕົວໂຕສຸດທ້າຍ. ຕົວຢ່າງ: ຊາວເມືອງບາຣຣັນກາເບີເມຮາ ຄົນທີ່ເລກບັດປະຈຳຕົວລົງທ້າຍດ້ວຍ 0, 7 ແລະ 4 ສາມາດອອກຈາກເຮືອນໄດ້ວັນຈັນ, ສ່ວນຄົນທີ່ເລກບັດປະຈຳຕົວລົງທ້າຍດ້ວຍ 1, 8 ຫລື 5 ອອກຈາກເຮືອນໄດ້ວັນອັງຄານ.

     ໂບລີເວຍ ປະເທດໃກ້ຄຽງ ກຳລັງສະເໜີມາດຕະການຄ້າຍຄືກັນ.

ປະເທດໃດແດ່ມີມາດຕະການແປກໆຮັບມື ໂຄວິດ-19 - 111487428 11abcc65 5243 43b1 bbcf f31a5198b14c - ປະເທດໃດແດ່ມີມາດຕະການແປກໆຮັບມື ໂຄວິດ-19

3. ແຊັກບີ

     ກ່ອນໜ້ານີ້ ລັດຖະບານແຊັກບີຈັດໃຫ້ມີຊ່ວງພາໝາໄປຍ່າງຫລິ້ນລະຫວ່າງ 20:00-21:00 ໂມງ ແຕ່ຍົກເລີກໄປແລ້ວ ເຊິ່ງເຮັດໃຫ້ຄົນລ້ຽງໝາບໍ່ພໍໃຈຫລາຍ.

    ສັດຕະວະແພດຄົນໜຶ່ງບອກວ່າ: ການບໍ່ພາໝາໄປຍ່າງຫລິ້ນຕອນຄໍ່າ ອາດເຮັດໃຫ້ໝາທີ່ມີບັນຫາລະບົບການຍ່ຽວຢູ່ແລ້ວຍິ່ງມີອາການຮ້າຍແຮງຂຶ້ນ ແລະ ຍິ່ງເຮັດໃຫ້ສຸຂະອະນາໄມພາຍໃນເຮືອນຜູ້ລ້ຽງຮ້າຍແຮງຂຶ້ນເຊັ່ນກັນ

4. ເບລາຣຸສ

    ປະທານາທິບໍດີ ອາເລັກຊານເດີ ລູກາເຊນໂກ ຂອງເບລາຣຸສ ບໍ່ເຊື່ອວ່າປະເທດຕ້ອງມີມາດຕະການປ້ອງກັນການແຜ່ລະບາດຂອງໄວຣັສໂຄໂຣນາ ໂດຍບອກວ່າລາວບໍ່ເຫັນໄວຣັສລອຍໄປມາໃນອາກາດເລີຍ.

    ທ່ານໃຫ້ສຳພາດໃນສະໜາມແຂ່ງຮ໊ອກກີ້ນ້ຳກ້ອນວ່າ: ຄົນທີ່ມາເບິ່ງກິລາລ້ວນແຕ່ມີສຸຂະພາບດີ ເພາະຄວາມເຢັນໃນສະໜາມຈະສະກັດບໍ່ໃຫ້ໄວຣັສແຜ່ລະບາດ. ທັງໆທີ່ບໍ່ມີຫລັກຖານວ່ານີ້ເປັນເລື່ອງແທ້ ແລະ ມະນຸດເຮົາກໍບໍ່ສາມາດເຫັນໄວຣັສໂຄໂຣນາດ້ວຍຕາເປົ່າໄດ້.

    ນອກຈາກນີ້, ທ່ານຍັງແນະນຳວ່າ: ການດື່ມໂວດກາ ແລະ ອົບຊາວນ່າຈະຊ່ວຍປ້ອງກັນການຕິດເຊື້ອໄດ້ ເຊິ່ງນີ້ບໍ່ແມ່ນສິ່ງທີ່ຜູ້ຊ່ຽວຊານແນະນຳ.

ປະເທດໃດແດ່ມີມາດຕະການແປກໆຮັບມື ໂຄວິດ-19 - 111487426 14cbedda f901 4459 a6ab b0e8d982d8fd - ປະເທດໃດແດ່ມີມາດຕະການແປກໆຮັບມື ໂຄວິດ-19

5. ສະວີເດັນ

     ເຖິງວ່າມີຜູ້ຕິດເຊື້ອເກີນ 4.500 ຄົນແລ້ວ, ແຕ່ລັດຖະບານສະວີເດັນຍັງບໍ່ໄດ້ມີມາດຕະການໃດໆທີ່ເຂັ້ມງວດ ໂດຍພວກທ່ານຫວັງວ່າປະຊາຊົນຈະປະພຶດຕົນເອງຢ່າງເໝາະສົມ ແລະ ມີຄວາມຮັບຜິດຊອບ.

     ປັດຈຸບັນມີການປະກາດຫ້າມຄົນຫລາຍກວ່າ 50 ຄົນຂຶ້ນໄປຊຸມນຸມແລ້ວ, ແຕ່ໂຮງຮຽນສຳລັບເດັກອາຍຸຕໍ່າກວ່າ 16 ປີ ຍັງເປີດຢູ່.

ປະເທດໃດແດ່ມີມາດຕະການແປກໆຮັບມື ໂຄວິດ-19 - Wave100S AD to Website 2020 0 - ປະເທດໃດແດ່ມີມາດຕະການແປກໆຮັບມື ໂຄວິດ-19

     ພັບ ແລະ ຮ້ານອາຫານຍັງເປີດໃຫ້ລູກຄ້າເຂົ້າໄປກິນດື່ມໄດ້ຢູ່ ປະຊາຊົນຍັງສ້າງສັນໄປມາຫາສູ່ຕາມປົກກະຕິ.

     ມີທັງຝ່າຍທີ່ເຫັນພ້ອມ ແລະ ບໍ່ເຫັນພ້ອມຕໍ່ວິທີຮັບມືນີ້, ຕ້ອງຖ້າເບິ່ງວ່າມາດຕະການແບບນີ້ຈະສົ່ງຜົນດີ ຫລື ຜົນເສຍກັນແທ້ແນວໃດ.

6. ມາເລເຊຍ

     ລັດຖະບານມາເລເຊຍຕ້ອງອອກມາຂໍໂທດ ຫລັງຈາກກະຊວງການພັດທະນາແມ່ຍິງ ແລະ ຄອບຄົວໂພສຮູບກາຕູນໃນສື່ອອນລາຍ ແນະນຳໃຫ້ຜູ້ຍິງແຕ່ງໂຕງາມໆ ແຕ່ງໜ້າທາປາກ ແລະ ຢຸດດ່າຜົວໃນຊ່ວງທີ່ຕ້ອງປິດປະເທດບາງສ່ວນ.

    ສຸດທ້າຍທາງການຕ້ອງລົບໂພສນີ້ ຫລັງຈາກຖືກຄົນໃນສື່ອອນລາຍວິພາກວິຈານຢ່າງໜັກ.

ປະເທດໃດແດ່ມີມາດຕະການແປກໆຮັບມື ໂຄວິດ-19 - 111497582 gettyimages 1074792902 - ປະເທດໃດແດ່ມີມາດຕະການແປກໆຮັບມື ໂຄວິດ-19

7. ເຕັກເມນິສະຖານ

     ມາດຕະການຮັບມືໄວຣັສໂຄໂຣນາຢູ່ເຕັກເມນິສະຖານໄປຄົນລະທິດລະທາງກັບໂລກເຖິງຂັ້ນສັ່ງຫ້າມໃຊ້ຄຳວ່າ: “ໄວຣັສໂຄໂຣນາ”.

    ເວັບໄຊຂ່າວອິດສະລະ ເດິເຕັກເມນິສະຖານ ຄຣອນນິເຄິລ (Turkmenstan Chronicle) ເຊິ່ງຖືກບລ໊ອກໃນປະເທດ ບອກວ່າລັດຖະບານໄດ້ລົບຄຳວ່າໄວຣັສໂຄໂຣນາອອກຈາກແຜ່ນພັບໃຫ້ຄວາມຮູ້ດ້ານສາທາລະນະສຸກ. ນັກຂ່າວທີ່ເຮັດວຽກໃຫ້ຊ່ອງລາຍການວິທະຍຸອາຊາດລິກ (Radio Azatlyk) ບອກວ່າ: ຄົນທີ່ເວົ້າເຖິງໄວຣັສໂຄໂຣນາ ຫລື ໃສ່ຜ້າອັດປາກ ອາດຖືກຈັບໄດ້.

     ທາງການເຕັກເມນິສະຖານບອກວ່າ: ບໍ່ມີຜູ້ຕິດເຊື້ອພາຍໃນປະເທດ ເຖິງວ່າຈະຢູ່ຕິດກັບອີຣານ ເຊິ່ງເປັນປະເທດທີ່ໄດ້ຮັບຜົນກະທົບຈາກໄວຣັສໂຄໂຣນາໜັກທີ່ສຸດປະເທດໜຶ່ງ.

ປະເທດໃດແດ່ມີມາດຕະການແປກໆຮັບມື ໂຄວິດ-19 - 111497587 gettyimages 1208779058 - ປະເທດໃດແດ່ມີມາດຕະການແປກໆຮັບມື ໂຄວິດ-19

8. ໂອຕຣິດ

     ໂອຕຣິດອອກກົດບັງຄັບໃຫ້ຄົນໃສ່ຜ້າອັດປາກໃນມິນິມາກ ເຖິງວ່າອົງການອະນາໄມໂລກຈະບອກວ່າຄົນທີ່ສຸຂະພາບແຂງແຮງດີບໍ່ຈຳເປັນຕ້ອງໃສ່ ນອກຈາກວ່າຈະເປັນຜູ້ເບິ່ງແຍງຄົນປ່ວຍ.

     ຂໍ້ບັງຄັບນີ້ສະເໜີໂດຍນາຍົກລັດຖະມົນຕີ ເຊບາສຕຽນ ຄູຣ ໂດຍມີຜົນແຕ່ວັນທີ 1 ເມສາ ແລະ ມີການແຈກຢາຍຜ້າອັດປາກໃຫ້ປະຊາຊົນຫລາຍລ້ານອັນ.

     ເຖິງວ່າການໃສ່ຜ້າອັດປາກເປັນສິ່ງທີ່ເຫັນໄດ້ທົ່ວໄປໃນອາຊີ ແຕ່ໂອຕຣິດເປັນປະເທດທີ 4 ໃນເອີຣົບເທົ່ານັ້ນທີ່ອອກກົດບັງຄັບໃສ່ຜ້າອັດປາກຢູ່ບ່ອນສາທາລະນະ, ກ່ອນໜ້ານີ້ຄື ສາທາລະນະລັດເຊັກ, ສະໂລວາກີ, ບອສນີ ແລະ ເຮີເຊໂກວີນາກໍໄດ້ປະຕິບັດຄືກັນ.

ປະເທດໃດແດ່ມີມາດຕະການແປກໆຮັບມື ໂຄວິດ-19 - WhatsApp Image 2020 05 27 at 5 - ປະເທດໃດແດ່ມີມາດຕະການແປກໆຮັບມື ໂຄວິດ-19
ປະເທດໃດແດ່ມີມາດຕະການແປກໆຮັບມື ໂຄວິດ-19 - WhatsApp Image 2020 05 27 at 5 - ປະເທດໃດແດ່ມີມາດຕະການແປກໆຮັບມື ໂຄວິດ-19
error: Alert: ເນື້ອຫາຂ່າວມີລິຂະສິດ !!