5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19

5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19 - 31 - 5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19
5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19 - Untitled design - 5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19

    ໃນສະພາບເສດຖະກິດບໍ່ຄ່ອຍດີແບບນີ້, ບາງບໍລິສັດເລີ່ມຫລຸດເວລາການເຮັດວຽກ, ບາງບໍລິສັດເລີ່ມຫລຸດຈຳນວນພະນັກງານ ໜັກສຸດເຖິງຂັ້ນ “ປິດບໍລິສັດ” ເຖິງວ່າລັດຖະບານຈະອອກນະໂຍບາຍເຂົ້າມາຊ່ວຍເຫລືອແລ້ວ ແຕ່ເຮົາທຸກຄົນຕ້ອງປັບຕົວ ເພື່ອໄປຕໍ່ໃຫ້ໄດ້ໃນສະຖານະການແບບນີ້. “ຕັ້ງສະຕິ ແລະ ຜ່ານມັນໄປນຳກັນ”

  1. ຫາລາຍໄດ້ເພີ່ມດ້ວຍການເປັນນັກຂຽນ (ບົດຄວາມອອນລາຍ)

     ອາຊີບນີ້ອາດຈະມີຫລາຍຄົນຢາກລອງຂຽນ ບອກວ່າມັນຈະມີຫລາຍປະເພດການຂຽນ ນັບແຕ່ການດຳລົງຊີວິດ, ຄວາມສວຍຄວາມງາມ ຈົນເຖິງເລື່ອງການເງິນການລົງທຶນ. ຂໍແນະນຳວ່າ: ທ່ານອາດລອງຂຽນເລື່ອງທີ່ລຶ້ງກ່ອນ.

  • ຫາລາຍໄດ້ເພີ່ມດ້ວຍການຂາຍເຄື່ອງອອນລາຍ

     ຕອນນີ້ຍິ່ງສະຖານະການໂຄວິດ-19 ລະບາດໜັກຂຶ້ນ ຄົນກໍຍິ່ງຫັນມາໃຊ້ບໍລິການ Shopping Online ຫລາຍຂຶ້ນ ເຮົາອາດຈະລອງເອົາເຄື່ອງທີ່ມີຢູ່ອ້ອມຕົວມາຂາຍໃນ Social Media.

    ສິນຄ້າມື 2: ລອງເອົາເຄື່ອງທີ່ບໍ່ໄດ້ໃຊ້ ຫລື ເກັບໄວ້ຈົນລືມ ບໍ່ວ່າຈະເປັນເສື້ອຜ້າເກົ່າທີ່ຍັງສະພາບດີຢູ່ຂອງເຮົາ, ໜັງສື, ເຄື່ອງໃຊ້ຕ່າງໆ ຖືໄດ້ວ່າເປັນການເຄຼຍບ່ອນຢູ່ອາໄສ ສ້າງສຸຂະອະນາໄມຂອງເຮົາໄປໃນຕົວ.

     ຂອງທີ່ມີໃນທ້ອງຖິ່ນບ້ານເກີດ: ຫລາຍຄົນທີ່ເລືອກກັບບ້ານຢູ່ຕ່າງແຂວງ ອາດຈະເບິ່ງຈາກໃນທ້ອງຖິ່ນຂອງເຮົາເອົາມາຂາຍອອນລາຍ ແລະ ຖ້າໃຜມີຄວາມສາມາດທາງດ້ານພາສາອາດຈະລອງຂາຍໃນເວັບທີ່ຄົນຕ່າງປະເທດໃຊ້ບໍລິການກໍເປັນອີກທາງເລືອກໜຶ່ງ.

     ສິນຄ້າ Handmade/ສິນຄ້າຕາມກະແສ: ເຫັນໝູ່ຫລາຍຄົນ ພໍເຫັນຜ້າອັດປາກລາຄາສູງ ແລະ ເລີ່ມຫາຍາກ ເຂົາກໍໄປຊື້ຜ້າມາຫຍິບຜ້າອັດປາກອອນລາຍ ເອີ້ນວ່າຂາຍໄດ້ດີ. ຕົວຢ່າງວິທີການຫຍິບສາມາດຊອກເບິ່ງໄດ້ຈາກ Youtube.

5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19 - Wave100S AD to Website 2020 0 - 5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19
  • ຫາລາຍໄດ້ເພີ່ມດ້ວຍການເປັນ ນັກຣີວິວ ແລະ Influencer

    ເຖິງວ່າຮ້ານຈະປິດ ແຕ່ທຸລະກິດຍັງຕ້ອງດຳເນີນຕໍ່ໄປ ຢຸດການຂາຍບໍ່ໄດ້ ເພາະຕ້ອງຈ່າຍຄ່າເຊົ່າ, ເງິນເດືອນພະນັກງານຍັງລໍຖ້າຢູ່ ເຊິ່ງອາດຈະມີການຂາຍໃນເລື່ອງການຕະຫລາດອອນລາຍຫລາຍຂຶ້ນ ແລະ ແນ່ນອນການຕະຫລາດທາງອອນລາຍຕ້ອງມີ Ads ຣີວິວ ເຊິ່ງຕອນນີ້ກໍມີບໍລິສັດທີ່ໃຫ້ເຮົາສະໝັກເປັນ Micro and Nono Influencer ເກີດຂຶ້ນ.

  • ຫາລາຍໄດ້ເພີ່ມດ້ວຍກະສິກຳພໍພຽງ

     ໃຜທີ່ກັບບ້ານຕ່າງແຂວງ ແລ້ວພໍມີດິນລອງປູກຜັກ, ລ້ຽງໄກ່ໄຂ່, ລ້ຽງປາ ອາດຈະລົງທຶນບໍ່ຫລາຍ ມີຫຍັງກໍເອົາມາປະຍຸກໃຊ້ໄປກ່ອນ ແຕ່ອາດຕ້ອງລົງແຮງຫລາຍ ແລ້ວເລີ່ມຂາຍຈາກຄົນອ້ອມແອ້ມເຮືອນ, ຈະຂາຍອອນລາຍໃຫ້ໝູ່ເພື່ອນທີ່ຮູ້ຈັກ ຢ່າງໜ້ອຍຖ້າບໍ່ມີລາຍໄດ້ເຂົ້າມາ ແຕ່ເຮົາກໍຍັງມີສິ່ງທີ່ລ້ຽງເຮົາໂດຍການປູກເອງ.

  • ຫາລາຍໄດ້ເພີ່ມດ້ວຍການສອນອອນລາຍ

    ຈາກແພລຟອມທີ່ສົ່ງເສີມການຮຽນອອນລາຍນັ້ນມີຫລາຍຂຶ້ນ ເຮັດໃຫ້ການຮຽນອອນລາຍໃນຊ່ວງປີຜ່ານມາຂ້ອນຂ້າງເຕີບໃຫຍ່ຂຶ້ນ ຍິ່ງຊ່ວງນີ້ສະຖາບັນການສອນຕ່າງໆຖືກປິດ ແຕ່ຄົນມີເວລາຫວ່າງຫລາຍຂຶ້ນ ບາງຄົນກໍໃຊ້ເວລາຫວ່າງນີ້ອັບເກຣດຄວາມຮູ້ຂອງຕົນເອງ ເຮົາອາດຈະລອງເອົາຄວາມຮູ້ທີ່ມີ ຫລື ສິ່ງທີ່ເຮົາລຶ້ງ ແລະ ສົນໃຈມາເປີດສອນທາງອອນລາຍ.

     ນີ້ຄື 5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19 ທີ່ເອົາມາຝາກ.

5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19 - WhatsApp Image 2020 05 27 at 5 - 5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19
5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19 - WhatsApp Image 2020 05 27 at 5 - 5 ຊ່ອງທາງຫາລາຍໄດ້ເພີ່ມ ລະຫວ່າງພັກວຽກຊ່ວງໂຄວິດ-19
error: Alert: ເນື້ອຫາຂ່າວມີລິຂະສິດ !!