ຖອດບົດຮຽນສິງກະໂປຮັບມືໂຄວິດ-19

ຖອດບົດຮຽນສິງກະໂປຮັບມືໂຄວິດ-19 - 34 - ຖອດບົດຮຽນສິງກະໂປຮັບມືໂຄວິດ-19
ຖອດບົດຮຽນສິງກະໂປຮັບມືໂຄວິດ-19 - Untitled design - ຖອດບົດຮຽນສິງກະໂປຮັບມືໂຄວິດ-19

    ສິງກະໂປໃຊ້ມາດຕະການເຂັ້ມງວດກວດພົບຜູ້ປ່ວຍຕິດເຊື້ອໄວຣັສໂຄໂຣນາ 2019 ຫລື ໂຄວິດ-19 ຈາກ 100 ຄົນເປັນ 1.000 ຄົນພາຍໃນໜຶ່ງເດືອນ ເຮັດໃຫ້ສາມາດຄວບຄຸມການລະບາດໄດ້ໃນລະດັບໜຶ່ງ, ດ້ານຜູ້ຊ່ຽວຊານເຕືອນໃຫ້ຄົນຮັກສາໄລຍະຫ່າງທາງສັງຄົມຢ່າງເຄັ່ງຂັດ ຫລັງເກີດການລະບາດໄລຍະສອງ.

     ສິງກະໂປຕິດຕາມຫາຜູ້ໃກ້ຊິດຜູ້ປ່ວຍໂຄວິດ-19 ຢ່າງຈິງຈັງ, ເຂັ້ມງວດການກັກໂຣກ, ຈຳກັດການເດີນທາງ ແລະ ກວດຫາເຊື້ອຂະໜານໃຫຍ່. ຂໍ້ມູນຈົນເຖິງວັນທີ 25 ມີນາ ສິງກະໂປກວດຫາເຊື້ອປະຊາຊົນໄດ້ 6.800 ຄົນຕໍ່ 1 ລ້ານຄົນ ທຽບໃສ່ ສ.ເກົາຫລີ ແລະ ໄຕ້ຫວັນ ທີ່ກວດໄດ້ 6.500 ຄົນ ແລະ 1.000 ຄົນຕໍ່ 1 ລ້ານຄົນຕາມລຳດັບ ໂດຍປະຊາຊົນຍັງໃຊ້ຊີວິດປະຈຳວັນຄືເກົ່າ. ໂຮງຮຽນ ແລະ ຮ້ານມິນິມາກເປີດຕາມປົກກະຕິ, ຈຳນວນຜູ້ປ່ວຍໃໝ່ຢູ່ສິງກະໂປເພີ່ມຂຶ້ນຕໍ່ວັນເປັນຕົວເລກຫລັກດຽວຕະຫລອດເດືອນກຸມພາ ແຕ່ວັນທີ 1 ເມສາວັນດຽວເພີ່ມຂຶ້ນເຖິງ 74 ຄົນ ແລະ ອີກ 49 ຄົນໃນວັນທີ 2 ເມສາ ເຖິງວ່າມີຜູ້ຫາຍດີແລ້ວ 266 ຄົນ. ຜູ້ຊ່ຽວຊານຊີ້ວ່າ: ຈຳນວນຜູ້ປ່ວຍໃໝ່ທີ່ເພີ່ມຂຶ້ນເປັນການລະບາດໄລຍະສອງ.

     ການລະບາດໄລຍະທຳອິດເກີດຂຶ້ນເມື່ອນັກທ່ອງທ່ຽວຈາກຈີນແຜ່ເຊື້ອໃຫ້ຊາວສິງກະໂປໃນຊ່ວງທຳອິດຂອງການລະບາດທີ່ເລີ່ມຈາກຈີນ ເຮັດໃຫ້ທາງການເຂັ້ມງວດການເຂົ້າປະເທດຕໍ່ຄົນທີ່ເດີນທາງມາຈາກຈີນ, ຖັດມາແມ່ນ ສ.ເກົາຫລີ, ອິຕາລີ, ອີຣານ ແລະ ຫ້າມຄົນຈາກທົ່ວໂລກໃນທີ່ສຸດ, ສ່ວນການລະບາດໄລຍະສອງສ່ວນຫລາຍເປັນຊາວສິງກະໂປທີ່ກັບມາຈາກປະເທດທີ່ເລີ່ມມີການລະບາດເພີ່ມຂຶ້ນ ຄືອາເມລິກາ ແລະ ອັງກິດ. ນອກຈາກນີ້ ຍັງມີການຕິດເຊື້ອພາຍໃນທ້ອງຖິ່ນ ແລະ ມີຜູ້ປ່ວຍທີ່ບໍ່ຮູ້ທີ່ມາ, ທາງການຈຶ່ງໄດ້ເຂັ້ມງວດມາດຕະການຮັກສາໄລຍະຫ່າງທາງສັງຄົມ, ຫ້າມຄົນເຂົ້າປະເທດທັງໝົດນັບແຕ່ວັນທີ 23 ມີນາ ແລະ ການປິດສະຖານບັນເທີງ, ຈຳກັດການລວມຕົວຢູ່ບ່ອນສາທາລະນະບໍ່ໃຫ້ເກີນ 10 ຄົນ, ລົງໂທດບຸກຄົນ ແລະ ຮ້ານຄ້າທີ່ບໍ່ເວັ້ນໄລຍະຫ່າງ 1 ແມັດ, ຂໍໃຫ້ປະຊາຊົນອອກຈາກເຮືອນສະເພາະເມື່ອຈຳເປັນ.

ຖອດບົດຮຽນສິງກະໂປຮັບມືໂຄວິດ-19 - Wave100S AD to Website 2020 0 - ຖອດບົດຮຽນສິງກະໂປຮັບມືໂຄວິດ-19

      ທ່ານ ລໍເຣນ ຫວ່ອງ ລັດຖະມົນຕີການພັດທະນາແຫ່ງຊາດ ໃນຖານະປະທານຮ່ວມຄະນະສະເພາະກິດໄວຣັສໂຄໂຣນາ ເປີດເຜີຍວ່າ: ສອງອາທິດຕໍ່ໜ້າຈະເປັນໄລຍະເວລາສຳຄັນທີ່ຈະຊີ້ວ່າມາດຕະການຂອງທາງການໄດ້ຜົນ ຫລື ບໍ່, ສິງກະໂປພົບຜູ້ປ່ວຍ 100 ຄົນໄລຍະຕົ້ນເດືອນມີນາ. ຂະນະນີ້ພົບແລ້ວ 1.049 ຄົນ, ເສຍຊີວິດ 5 ຄົນ. ສ່ວນຜູ້ຊ່ຽວຊານເບິ່ງວ່າ: ເຖິງວ່າສິງກະໂປໃຊ້ມາດຕະການເຂັ້ມງວດແຕ່ຍັງຄວບຄຸມການລະບາດບໍ່ໄດ້ດີເທົ່າທີ່ຄວນ ເພາະປະຊາຊົນໂຢະຍານເລື່ອງການຮັກສາໄລຍະຫ່າງທາງສັງຄົມ, ບໍລິສັດຍັງໃຫ້ຄົນໄປເຮັດວຽກ ເພີ່ມຄວາມສ່ຽງທີ່ຈະຕິດເຊື້ອຈາກຜູ້ປ່ວຍທີ່ຍັງບໍ່ສະແດງອາການ.

ຖອດບົດຮຽນສິງກະໂປຮັບມືໂຄວິດ-19 - WhatsApp Image 2020 05 27 at 5 - ຖອດບົດຮຽນສິງກະໂປຮັບມືໂຄວິດ-19
ຖອດບົດຮຽນສິງກະໂປຮັບມືໂຄວິດ-19 - WhatsApp Image 2020 05 27 at 5 - ຖອດບົດຮຽນສິງກະໂປຮັບມືໂຄວິດ-19
error: Alert: ເນື້ອຫາຂ່າວມີລິຂະສິດ !!