ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ

ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ - 122 - ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ
ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ - Untitled design - ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ

ຢ່າຢຸດທີ່ຈະພັດທະນາຕົນເອງ : ຄົນທີ່ລົ້ມເຫລວສ່ວນໜຶ່ງມາຈາກຄວາມຫລົງໂຕເອງ ຄິດວ່າໂຕເອງເດັ່ນເໜືອກ່ວາຜູ້ອື່ນ ແລະ ຢຸດພຽງເທົ່ານີ້ ບໍ່ຄິດທີ່ຈະເພີ່ມສັກກະຍະພາບໃນການເຮັດວຽກ ຫລື ຫາແນວທາງໃໝ່ໆມາເພື່ອເຮັດໃຫ້ວຽກມີປະສິດທິພາບເພີ່ມຂຶ້ນ, ຢ່າລືມວ່່າໂລກໝູນອ້ອມໂຕເອງຢູ່ຕະຫລອດເວລາ, ມີຜູ້ຄົນຫລວງຫລາຍທີ່ກຳລັງຝຶກຝົນໂຕເອງ ຫາກທ່ານມີຄວາມຄິດພຽງເທົ່ານີ້ ບອກໄດ້ເລີຍວ່າທ່ານຈະບໍ່ມີມື້ໄດ້ສຳຜັດກັບຄຳວ່າປະສົບຄວາມສຳເລັດຢ່າງແທ້ຈິງໄດ້ເລີຍ.

ເພີ່ມທັກສະການເຮັດວຽກ : ຈະດີກ່ວາບໍ່ຫາກເຮົາມີຫລາກຫລາຍແນວທາງໃນການເຮັດວຽກ ເພື່ອເປັນແຜນຮອງຮັບຫາກເກີດຂໍ້ຜິດພາດ ຫລື ການກຽມຮັບມືກັບບັນຫາທີ່ບໍ່ຄາດຝັນ ເພື່ອໃຫ້ວຽກຂອງເຮົາອອກມາໄວທີ່ສຸດ, ດີທີ່ສຸດ ແລະ ມີປະສິດທິພາບຫລາຍທີ່ສຸດ.

ຈົ່ງຢ່າເຮັດໂຕເອງໃຫ້ເປົ່າວ່າງສະເໝີ : ແມ່ນການເຮັດໂຕເອງໃຫ້ພ້ອມທີ່ຈະຮັບຂໍ້ມູນໃໝ່ໆໄດ້ຕະຫລອດເວລາ, ສິ່ງສຳຄັນຢ່າປິດກັ້ນໂຕເອງ ເພາະຫາກມື້ໃດທ່ານປິດຮັບສິ່ງໃໝ່ໆເຂົ້າມາແລ້ວ ມຶ້ນັ້ນທ່ານເອງຈະເປັນຜູ້ທີ່ໄຮ້ປະສິດທິພາບໃນການເຮັດວຽກ.

ຄວາມອົດທົນ : ສຳລັບການເຮັດວຽກ ຫາກຕ້ອງການປະສົບຄວາມສຳເລັດໃນຊີວິດ ຈະຕ້ອງຜ່ານຮ້ອນ, ຜ່ານໜາວ ແລະ ອຸປະສັກຫລວງຫລາຍ ທີ່ລ້ວນແຕ່ໝູນວຽນເຂົ້າມາໃຫ້ເຮົາໄດ້ແກ້ໄຂ, ໄດ້ຝຶກຄວາມອົດທົນ ຍິ່ງຊົ່ວໂມງບິນສູງຂຶ້ນຫລາຍເທົ່າໃດ ບອກໄດ້ເລີຍວ່າທ່ານຈະເປັນຄົນທີ່ແຂງແກ່ນຫລາຍຂຶ້ນເທົ່ານັ້ນ.

ຢ່າພາດທີ່ຈະຫາແນວທາງ ຫລື ສິ່ງໃໝ່ໆເຂົ້າໂຕຕະຫລອດເວລາ : ຫາກຢາກເປັນຄົນທີ່ໄດ້ຊື່ວ່າປະສົບຄວາມສຳເລັດໃນຊີວິດໄດ້ນັ້ນ ສ່ວນໜຶ່ງມາຈາກການຄົ້ນຄິດ ແລະ ການປັບປຸງ, ຮັບສິ່ງໃໝ່ໆເຂົ້າຫາໂຕເອງຢູ່ຕະຫລອດເວລາ ເພື່ອຈະໄດ້ພັດທະນາວຽກໃຫ້ອອກມາມີຄຸນນະພາບ ແລະ ປະສິດທິພາບຫລາຍຍິ່ງຂຶ້ນ.

ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ - Wave100S AD to Website 2020 0 - ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ

ຮັກ ແລະ ເຂົ້າໃຈວຽກທີ່ເຮັດ : ຈະດີກ່ວາບໍ່ຫາກມື້ນີ້ເຮົາໄດ້ເຮັດວຽກທີ່ຕົນເອງມັກ,  ກົງກັບສາຍທີ່ຮຽນມາ, ແຕ່ນັ້ນມັນກໍເປັນສ່ວນໜ້ອຍ ເພາະທຸກມື້ນີ້ບອກໄດ້ເລີຍວ່າວຽກໜ້ອຍກ່ວາຄົນ. ດັ່ງນັ້ນ, ຫາກເມົາແຕ່ເລືອກວຽກຢູ່ນັ້ນ ທ່ານອາດຈະຕ້ອງຍ່າງເຕະຝຸ່ນໄປຕະຫລອດເລີຍກໍໄດ້ ດັ່ງນັ້ນ, ຫາກເຫັນວ່າເປັນວຽກທີ່ພໍເຮັດໄດ້ ແລະ ທ່ານເອງກໍເຮັດມັນໄດ້ດີ ເຖິງວ່າມັນຈະບໍ່ແມ່ນວຽກທີ່ທ່ານຮັກກໍຕາມ ຈົ່ງຮີບຍາດໄວ້ກ່ອນ. ເຊື່ອຫລືບໍ່ວ່າ ວຽກບໍ່ໄດ້ຮັກທ່ານດອກ ແຕ່ທ່ານເອງນັ້ນລະຈະຕ້ອງຮັກໃນວຽກທີ່ເຮັດ ເພາະທ່ານໄດ້ເລືອກແລ້ວ ຈົ່ງເຕັມທີ່ກັບການເຮັດວຽກ ຢ່າເມົາແຕ່ວ່າເຮັດວຽກໄປວັນໆ ເພື່ອໃຫ້ໄດ້ເງິນເດືອນ ຫລື ໄດ້ສິ່ງຕອບແທນກັບມາ ໂດຍບໍ່ສົນໃຈເນື້ອໃນຂອງວຽກວ່າຈະອອກມາເປັນແນວໃດ, ດີຫລືບໍ່, ມີປະສິດທິພາບ ແລະ ເປັນໄປຕາມທີ່ວາງແຜນໄວ້ຫລືບໍ່ນັ້ນ ທ່ານຈະບໍ່ມີມື້ປະສົບຄວາມສຳເລັດຢ່າງແນ່ນອນ.

ການຍອມຮັບ, ຮັບຟັງ, ບໍ່ເອົາໂຕເອງເປັນຫລັກ : ການເຮັດວຽກກັບຄົນອື່ນນັ້ນເປັນເລື່ອງທີ່ຍາກ ແລະ ເປັນເລື່ອງລະອຽດອ່ອນຫລາຍ ຢ່າລືມວ່າແຕ່ລະຄົນມີຄວາມຄິດເຫັນ ແລະ ຮູບແບບການເຮັດວຽກທີ່ແຕກຕ່າງກັນອອກໄປ ຈົ່ງຄິດສະເໝີວ່າບໍລິສັດ, ອົງກອນ ຫລື ບ່ອນເຮັດວຽກບໍ່ແມ່ນຂອງເຮົາຄົນດຽວ ກ່ອນທີ່ຈະດຳເນີນການດັ່ງກ່າວຕ້ອງຂໍຄວາມເຫັນ ແລະ ຍອມຮັບໃນຂໍ້ສະເໜີຂອງສະມາຊິກ ຫລື ເພື່ອນຮ່ວມງານແຕ່ລະຄົນນຳ ຫລາຍຫົວຍ່ອມດີກ່ວາຫົວດຽວສະເໝີ.

ການວາງແຜນການຈັດການ : ກ່ອນທີ່ຈະມີການດຳເນີນການຫຍັງໄປນັ້ນ ເຄີຍສັງເກດແດ່ຫລືບໍ່ ບາງເທື່ອໃຊ້ງົບປະມານ ຫລື ໄລຍະເວລາທີ່ເກີນກ່ວາຄວາມໜ້າຈະເປັນ ເຊິ່ງມັນບໍ່ແມ່ນເລື່ອງທີ່ໜ້າຕົກໃຈ ດ້ວຍສາເຫດຫລັກເປັນຍ້ອນວ່າ ທ່ານບໍ່ມີການວາງແຜນ ແລະ ການຈັດການທີ່ດີພໍ ຫາກທ່ານມີການຮ່າງແຜນການເຮັດວຽກ, ໄລຍະເວລາ, ຄ່າໃຊ້ຈ່າຍ ແລະ ກຽມແຜນການດຳເນີນການ, ກຳລັງ, ການແຈກຈ່າຍວຽກໃຫ້ເປັນໄປຕາມຄວາມສາມາດ ພຽງເທົ່ານີ້ ວຽກຂອງທ່ານຈະເປັນຜົນງານຊັ້ນເອກທີ່ສຸດໄດ້.

ຢ່າທໍ້, ສູ້, ກຳລັງໃຈເລັກໆນ້ອຍໆກ່ອນການເຮັດວຽກ ຈົ່ງຍ່າງໄປເຮັດວຽກຢ່າງມີຄວາມສຸກ, ຄິດພຽງວ່າເປັນການໄປທ່ອງທ່ຽວ ຫລື ໄປສ້າງລາຍໄດ້, ສ້າງອະນາຄົດໃຫ້ກັບໂຕເອງ, ຕັດບັນຫາເລື່ອງທີ່ບໍ່ສະບາຍໃຈ ພຽງເທົ່ານີ້ທ່ານຈະເຮັດວຽກໄດ້ຢ່າງມີຄວາມສຸກ, ເຕັມທີ່ກັບການເຮັດວຽກ ແລະ ສິ່ງສຳຄັນຜົນງານອອກມາມີປະສິດທິພາບຫລາຍທີ່ສຸດ ເຕັມທີ່ກັບການເຮັດວຽກ ບໍ່ມີຫຍັງທີ່ເກີນຄວາມພະຍາຍາມຂອງຄົນເຮົາດອກ.

ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ - WhatsApp Image 2020 05 27 at 5 - ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ
ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ - WhatsApp Image 2020 05 27 at 5 - ຂໍ້ຄິດເສີມທັດສະນະຄະຕິ ແລະ ແຮງບັນດານໃຈໃນການເຮັດວຽກ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!