ວິທີປະຕິບັດຕາມຂັ້ນຕອນການໄປຊື້ເຄື່ອງ

- 60 - ວິທີປະຕິບັດຕາມຂັ້ນຕອນການໄປຊື້ເຄື່ອງ
- Untitled design - ວິທີປະຕິບັດຕາມຂັ້ນຕອນການໄປຊື້ເຄື່ອງ

     ການໄປຕະຫລາດ, ຮ້ານມິນິມາກ ຫລື ຮ້ານຂາຍເຄື່ອງທົ່ວໄປ ໃຫ້ມີຄວາມປອດໄພ ບໍ່ຖືກ COVID-19 ຫລິ້ນງານ, ຖ້າຕ້ອງອອກໄປຊື້ເຄື່ອງໃນສະຖານທີ່ຕ່າໆ ຕ້ອງລະວັງໃຫ້ຫລາຍຂຶ້ນ ເນື່ອງຈາກເຊື້ອ COVID-19 ສາມາດຢູ່ໃນພື້ນຜິວຕ່າງໆໄດ້ເປັນເວລາດົນ (ໂດຍສະເພາະປາລາສະຕິກ ແລະ ສະແຕນເລດ ຈະຢູ່ໄດ້ຫລາຍມື້) ແລະ ການສຳຜັດຖືກໄວຣັສຢູ່ໃນພື້ນຜິວນັ້ນໆ ສາມາດເຮັດໃຫ້ເຮົາຕິດເຊື້ອ COVID-19 ແລະ ບໍ່ສະບາຍໄດ້, ການອອກໄປຊື້ເຄື່ອງແຕ່ລະຄັ້ງ ຈຶ່ງຕ້ອງລະວັງໃຫ້ຫລາຍຂຶ້ນ ສິ່ງທີ່ຕ້ອງປະຕິບັດຄື:

  1. ໃສ່ຜ້າອັດປາກນັບແຕ່ອອກຈາກເຮືອນ
  2. ເອົາຖົງມື latex ຫລື ຖົງມືປາລາສະຕິກບາງໆແບບໃສ່ເທື່ອດຽວແລ້ວຖິ້ມໄປນຳສະເໝີ ເພື່ອໃຊ້ໃສ່ເວລາຈັບກະຕ່າໃສ່ເຄື່ອງທີ່ຊື້ ເພາະກ້ານຈັບເປັນສິ່ງທີ່ທຸກຄົນຕ້ອງສຳຜັດເປັນເວລາດົນ ແລະ ຜ່ານມືເລື້ອຍໆ, ອີກທັງຍັງຫຸ້ມ ຫລື ຜະລິດດ້ວຍປາລາສະຕິກ ມີໂອກາດເປັນແຫລ່ງສະສົມເຊື້ອ COVID-19 ໄດ້ຂ້ອນຂ້າງຫລາຍ ຫລື ຄົນທີ່ຕິດເຊື້ອ COVID-19 ກ່ອນໜ້າເຮົາ ມີການໄອ-ຈາມ ໃສ່ໄວ້ໂດຍບໍ່ໄດ້ຕັ້ງໃຈກໍມີ.
  3. ຄວນໃສ່ຖົງມືຕະຫລອດເວລາເລືອກຊື້ເຄື່ອງ ເພາະສິນຄ້າຕ່າງໆສ່ວນຫລາຍລ້ວນຢູ່ໃນບັນຈຸພັນປາລາສະຕິກ ຈະເປັນການຫລຸດການສຳຜັດດ້ວຍມືລ້າຂອງເຮົາໄປໃນຕົວ.
  4. ຈົດລາຍການທີ່ຈະຊື້ລົງໃນເຈ້ຍແທນການຈົດໃນມືຖື ຊື້ແລ້ວຖິ້ມເລີຍ ແລະ ຈະບໍ່ຈັບມືຖືຈົນກວ່າຈະຖອດຖົງມືອອກກ່ອນ ຕ້ອງຈື່ໄວ້ສະເໝີວ່າ ຖ້າມີຄວາມຈຳເປັນ ຕ້ອງໃຊ້ມືຖື ຕ້ອງຖອດຖົງມືກ່ອນຈັບມືຖືຂອງເຮົາສະເໝີ.
  5. ເວລາຈ່າຍເງິນ ໃຊ້ການໂອນ ຫລື ຈ່າຍດ້ວຍ QR CODE ຈະຊ່ວຍຫລຸດການຈັບກະເປົາເງິນ-ສຳຜັດເງິນ ແລະ ເງິນທອນ (ຖອດຖົງມືເບື້ອງໜຶ່ງ ເພື່ອໃຊ້ມືຖື).
  6. ເມື່ອເອົາເຄື່ອງໃສ່ລົດແລ້ວ ຈຶ່ງຄ່ອຍຖອດຖົງມືອອກ.
  7. ເມື່ອຮອດເຮືອນໃຫ້ສີດດ້ວຍແອນກໍຮໍ ຫລື ເອົາ foggy ທີ່ໃສ່ນ້ຳຢາຂ້າເຊື້ອໂຣກສີດ ຫລື ເອົາຜ້າຈຸບໄຮເຕີເຈືອຈາງ 12 ເທົ່າ ເຊັດເຄື່ອງທີ່ຊື້ມາກ່ອນນຳເຂົ້າເຮືອນ, ບັນດາຜັກ-ໝາກໄມ້ຕ່າງໆ ຕ້ອງລ້າງໃຫ້ສະອາດກ່ອນໃສ່ຕູ້ເຢັນ.

    (ຕ້ອງປ່ຽນວິທີການດຳລົງຊີວິດໃນຍາມເກີດໂຣກລະບາດອັນຕະລາຍ ຈະໃຊ້ຊີວິດແບບເກົ່າ ກ່ອນການມີໂຣກລະບາດບໍ່ໄດ້)

  • ຟ້າວປ່ຽນເສື້ອຜ້າ / ອາບນ້ຳ ກ່ອນເຮັດກິດຈະກຳອື່ນໆໃນເຮືອນ.

     ພຽງແຕ່ເຮົາບໍ່ໄປຮັບເຊື້ອ COVID-19, ບໍ່ສະບາຍໃນຊ່ວງນີ້ ກໍຊ່ວຍຊາດໄດ້ແລ້ວ, ຍອມລຳບາກໃນຊ່ວງນີ້ເລັກໜ້ອຍ ຈະຊ່ວຍຊີວິດຄົນອື່ນໄດ້ອີກຫລາຍຄົນ.

     ຖ້າບໍ່ຈຳເປັນແທ້ໆ ໂຣກຕິດຕໍ່ຈະບໍ່ຕິດຕໍ່ ຖ້າເຮົາບໍ່ຕິດຕໍ່ກັນ ຕ້ອງຢຸດຊື້ ເພື່ອຊາດ ບໍ່ຄວນອອກເຮືອນ ເພາະອາດນຳເຊື້ອໄປແຜ່ ຫລື ໄປຮັບເຊື້ອມາແຜ່ໃນເຮືອນເຮົາໄດ້ ໃຊ້ສື່ອອນລາຍຕິດຕໍ່ກັນດີກວ່າ ຕ້ອງປອດໄພໄວ້ກ່ອນ ຢ່າລໍ້ຫລິ້ນກັບ COVID-19 ນອນຢູ່ເຮືອນ ສາມາດນອນສະບາຍໄດ້ ດີກວ່າຕ້ອງໄປນອນທໍລະມານຢູ່ໂຮງໝໍ.

- Wave100S AD to Website 2020 0 - ວິທີປະຕິບັດຕາມຂັ້ນຕອນການໄປຊື້ເຄື່ອງ

      ຖ້າເຮົາບໍ່ເຄັ່ງຂັດໃນການຮັບຜິດຊອບຕໍ່ສັງຄົມ ລັດຖະບານຕ້ອງອອກກົດໝາຍມາບັງຄັບ ເພື່ອສັງຄົມສ່ວນລວມ ແລ້ວເຮົາຈະມາໂວຍວາຍບໍ່ໄດ້ ບຸກຄະລາກອນທາງການແພດ ເຮັດວຽກໜັກເພື່ອພວກເຮົາ ຮ້ອງຂໍໃຫ້ປະຊາຊົນຊ່ວຍຢູ່ເຮືອນ ເພື່ອຊ່ວຍຊາດ ໃນການຢຸດແຜ່ເຊື້ອ ຍົກເວັ້ນຈຳເປັນແທ້ໆທີ່ຕ້ອງໄປໂຮງໝໍ ຫລື ຕ້ອງໄປຊື້ອາຫານ ຫລື ເຄື່ອງຈຳເປັນແທ້ໆ ຕ້ອງມີສະຕິຮອບຄອບ ຕ້ອງປ້ອງກັນຕົນເອງໃຫ້ປອດໄພຈາກເຊື້ອ COVID-19 ຕາມທີ່ໃຫ້ຄຳແນະນຳມາແຕ່ຕົ້ນ.

- WhatsApp Image 2020 05 27 at 5 - ວິທີປະຕິບັດຕາມຂັ້ນຕອນການໄປຊື້ເຄື່ອງ
- WhatsApp Image 2020 05 27 at 5 - ວິທີປະຕິບັດຕາມຂັ້ນຕອນການໄປຊື້ເຄື່ອງ
error: Alert: ເນື້ອຫາຂ່າວມີລິຂະສິດ !!