ມີໂອກາດລອດພຽງໃດ ຖ້າຕິດໂຣກນີ້

- 61 - ມີໂອກາດລອດພຽງໃດ ຖ້າຕິດໂຣກນີ້
- AGL banner - ມີໂອກາດລອດພຽງໃດ ຖ້າຕິດໂຣກນີ້

     ປັດຈຸບັນ ນັກວິໄຈຕີລາຄາວ່າ: ໃນຈຳນວນຜູ້ຕິດເຊື້ອໄວຣັສໂຄໂຣນາສາຍພັນໃໝ່ 1.000 ຄົນ ມີຜູ້ເສຍຊີວິດປະມານ 5-40 ຄົນ ຖ້າຈະລະບຸຕົວເລກຄາດຄະເນທີ່ສະເພາະເຈາະຈົງລົງໄປອີກກໍຄື 9 ຄົນ ໃນຜູ້ຕິດເຊື້ອ 1.000 ຄົນ ຫລື ເກືອບ 1%.

     ທ່ານ ແມດ ຮານຄ໊ອກ ລັດຖະມົນຕີສາທາລະນະສຸກຂອງສະຫະຣາຊະອານາຈັກ ກ່າວວ່າ: “ການຕີລາຄາທີ່ດີທີ່ສຸດ” ຂອງລັດຖະບານຄື ອັດຕາການເສຍຊີວິດຢູ່ທີ່ “2% ຫລື ອາດຈະຕໍ່າກວ່ານັ້ນ”, ແຕ່ກໍຂຶ້ນຢູ່ກັບຫລາຍປັດໄຈ ທັງເລື່ອງອາຍຸ, ເພດ, ສຸຂະພາບໂດຍທົ່ວໄປ ແລະ ລະບົບສາທາລະນະສຸກທີ່ຜູ້ປ່ວຍເຂົ້າຮັບບໍລິການ.

     ການຫາອັດຕາເສຍຊີວິດຍາກພຽງໃດ ? ຈາກການວິໄຈຂອງ ອິມພີຣຽວ ຄໍເລັກ (Imperial College) ແຫ່ງສະຫະຣາຊະອານາຈັກ ອັດຕາການເສຍຊີວິດທີ່ແຕກຕ່າງກັນເປັນເພາະວ່າ ໃນແຕ່ລະປະເທດມີການກວດພົບຜູ້ຕິດເຊື້ອໃນກໍລະນີທີ່ມີອາການບໍ່ຮຸນແຮງໄດ້ດີບໍ່ເທົ່າກັນ ເພາະເປັນເລື່ອງຍາກທີ່ຈະຄັດກອງຜູ້ຕິດເຊື້ອກຸ່ມນີ້. ດັ່ງນັ້ນ ຜູ້ຕິດເຊື້ອທີ່ບໍ່ໄດ້ຖືກກວດພົບຈະສົ່ງຜົນໃຫ້ມີການປະເມີນອັດຕາການເສຍຊີວິດສູງ ຫລື ຕໍ່າກວ່າຄວາມເປັນກໍໄດ້ ເພາະວ່າຜູ້ຕິດເຊື້ອຈະຫາຍດີ ຫລື ເສຍຊີວິດຈະຕ້ອງໃຊ້ເວລາໄລຍະໜຶ່ງ. ຖ້າເຮົານັບລວມຜູ້ຕິດເຊື້ອທຸກຄົນທີ່ອາການຍັງບໍ່ຄົງຕົວ ເຮົາຈະປະເມີນອັດຕາການເສຍຊີວິດຕໍ່າກວ່າຄວາມເປັນຈິງ ເພາະບໍ່ໄດ້ນັບລວມຜູ້ຕິດເຊື້ອທີ່ອາດເສຍຊີວິດໃນພາຍຫລັງໄດ້.

     ຂ້ອຍສ່ຽງພຽງໃດ ? ຄົນບາງກຸ່ມມີໂອກາດເສຍຊີວິດຫລາຍກວ່າ ຖ້າຕິດເຊື້ອໄວຣັສໂຄໂຣນາສາຍພັນໃໝ່ ໄດ້ແກ່ ຜູ້ອາຍຸສູງ, ຜູ້ປ່ວຍ ແລະ ອາດຈະລວມທັງຜູ້ຊາຍນຳອີກ. ໃນການວິເຄາະຂະໜາດໃຫຍ່ຄັ້ງທຳອິດໃນຜູ້ຕິດເຊື້ອຫລາຍກວ່າ 44.000 ຄົນໃນປະເທດຈີນ ອັດຕາການເສຍຊີວິດໃນຜູ້ອາຍຸສູງສູງກວ່າຄົນໄວກາງຄົນເຖິງ 10 ເທົ່າ. ອັດຕາການເສຍຊີວິດໃນຄົນທີ່ອາຍຸຕໍ່າກວ່າ 30 ປີ ຕໍ່າທີ່ສຸດ ໂດຍມີຜູ້ເສຍຊີວິດ 8 ຄົນໃນຈຳນວນຜູ້ຕິດເຊື້ອ 4.500 ຄົນ. ຜູ້ທີ່ປ່ວຍເປັນເບົາຫວານ, ຄວາມດັນເລືອດສູງ, ໂຣກຫົວໃຈ ຫລື ບັນຫາໃນການຫາຍໃຈ ມີໂອກາດເສຍຊີວິດຫລາຍກວ່າຄົນປົກກະຕິຢ່າງໜ້ອຍ 5 ເທົ່າ ແລະ ຜູ້ຊາຍມີອັດຕາການເສຍຊີວິດສູງກວ່າຜູ້ຍິງເລັກໜ້ອຍ.

- Wave100S AD to Website 2020 0 - ມີໂອກາດລອດພຽງໃດ ຖ້າຕິດໂຣກນີ້

     ຄວາມສ່ຽງຂອງຄົນໃນບ່ອນທີ່ຂ້ອຍອາໄສຢູ່ເປັນແນວໃດ ? ກຸ່ມຜູ້ຊາຍໄວ 80 ປີ ຢູ່ຈີນ ມີຄວາມສ່ຽງທີ່ຕ່າງໄປຈາກກຸ່ມຄົນອາຍຸດຽວກັນຢູ່ເອີຣົບ ແລະ ອາຟຣິກາຫລາຍ. ການພະຍາກອນໂຣກຍັງຂຶ້ນຢູ່ກັບການປິ່ນປົວທີ່ໄດ້ຮັບນຳອີກ. ໃນທາງກົງກັນຂ້າມ ກໍຂຶ້ນຢູ່ກັບຂັ້ນຂອງການລະບາດ ແລະ ການປິ່ນປົວທີ່ເຮັດໄດ້. ຖ້າມີການລະບາດເພີ່ມຂຶ້ນ ລະບົບສາທາລະນະສຸກອາດຈະຕ້ອງຮອງຮັບຜູ້ຕິດເຊື້ອຈຳນວນຫລາຍ, ແຕ່ມີພຽງບາງພື້ນທີ່ເທົ່ານັ້ນທີ່ມີຫ້ອງໄອຊີຢູ ຫລື ມີເຄື່ອງຊ່ວຍຫາຍໃຈຈຳນວນຫລາຍ.

- lattana 1 - ມີໂອກາດລອດພຽງໃດ ຖ້າຕິດໂຣກນີ້
error: Alert: Content is protected !!