ອະນາໄມໂລກພົບຜູ້ຕິດເຊື້ອໂປລີໂອ ລາຍທຳອິດຢູ່ຊີຣີໃນຮອບສາມປີ

- advert banner 728 90 728x90 - ອະນາໄມໂລກພົບຜູ້ຕິດເຊື້ອໂປລີໂອ ລາຍທຳອິດຢູ່ຊີຣີໃນຮອບສາມປີ

​ອົງການ​ອະນາ​ໄມ​ໂລກ ​ແລະ ​ໂຄງການ​ກຳຈັດ​ພະຍາດ​ໂປ​ລີ​ໂອ​ຖະ​ແຫລ​ງວ່າ: ພົບ​ຜູ້​ຕິດ​ເຊື້ອ​ໂປ​ລີ​ໂອ 3 ຄົນ​ທຳ​ອິດ​ຢູ່​ຊີຣີ ​ເຊິ່ງຖື​ເປັນ​ການລະບາດ​ເທື່ອ​ທຳ​ອິດ​ຢູ່​ຊີຣີນັບ​ແຕ່​ປີ 2014.

ຜູ້​ຕິດ​ເຊື້ອລາຍ​ໃໝ່​​ໄດ້​ຮັບ​ລາຍ​ງານ​ຢູ່​ແຂວງ​ເດ​ອີ​ເອສຊໍ ​ເຊິ່ງ​ເປັນ​ແຫ​ລ່ງນ້ຳມັນ ​ແລະ ກຸ່ມ​ລັດ​ອິສລາມ (IS) ຍຶດຄອງ​ພື້ນທີ່​ສ່ວນ​ຫລາຍ​ເອົາ​ໄວ້. ຂະນະ​ທີ່​ມີ​ການ​ຈຳກັດ​ການຈັດ​ສົ່ງ​ສິ່ງ​ຂອງ​ຈຳ​ເປັນ​ໃຫ້​ແກ່​ປະຊາຊົນ​ບາງ​ສ່ວນ. ​ໂຄງການ​ກຳຈັດ​ພະຍາດ​ໂປ​ລີ​ໂອ​ລາຍ​ງານ​ວ່າ: ພະຍາດ​ໂປ​ລີ​ໂອ​ລະບາດ​ຢູ່​ແຂວງ​ເດ​ອີ​ເອສຊໍ​ປີ 2013-2014 ພົບ​ຜູ້​ຕິດ​ເຊື້ອ 36 ຄົນ. ຂະນະ​ທີ່​ໂຄສົກ​ອົງການ​ອະນາ​ໄມ​ໂລກ​ລະບຸ​ວ່າ: ຜູ້​ຕິດ​ເຊື້ອລາຍ​ໃໝ່​ມາ​ຈາກ​ເຊື້ອ​ໄວຣັສຄົນລະ​ສາຍ​ພັນ. ​ເຈົ້າໜ້າ​ທີ່​ກ່າວ​ວ່າ: ປັດຈຸບັນ​ນີ້​ທີ​ມງານ​ກຳລັງ​ປະສານ ​ແລະ ກຽມ​ແຜນ​ຮັບ​ມື​ການລະບາດ. ຂະນະ​ທີ່​ວາລະສານ​ການ​ແພດ​ແລນ​ເຊັດ​ລາຍ​ງານ​ວ່າ: ​ເຈົ້າໜ້າ​ທີ່​ສາທາລະນະ​ສຸກ, ຄລີ​ນິກ ​ແລະ ​ໂຮງໝໍ​ຖືກ​ໂຈມ​ຕີ​ກວ່າ 400 ຄັ້ງ​ໃນ​ປີຜ່ານມາ​ໃນ​ສົງຄາມ​ກາງ​ເມືອງ​ຊີຣີ.

- lattana 1 - ອະນາໄມໂລກພົບຜູ້ຕິດເຊື້ອໂປລີໂອ ລາຍທຳອິດຢູ່ຊີຣີໃນຮອບສາມປີ
- 1 1 - ອະນາໄມໂລກພົບຜູ້ຕິດເຊື້ອໂປລີໂອ ລາຍທຳອິດຢູ່ຊີຣີໃນຮອບສາມປີ
error: Content is protected !!