ອັນຕະລາຍຈາກການດື່ມນ້ຳໜ້ອຍເກີນໄປ

- advert banner 728 90 728x90 - ອັນຕະລາຍຈາກການດື່ມນ້ຳໜ້ອຍເກີນໄປ

- 1604 300x168 - ອັນຕະລາຍຈາກການດື່ມນ້ຳໜ້ອຍເກີນໄປ     ດື່ມນ້ຳໜ້ອຍ ແລະ ການບໍ່ມັກດື່ມນ້ຳ ນອກຈາກຈະບໍ່ດີຕໍ່ສຸຂະພາບແລ້ວ ການດື່ມນ້ຳໜ້ອຍຍັງສົ່ງຜົນຮ້າຍຫລາຍຢ່າງຕໍ່ລະບົບ ພາຍໃນຮ່າງກາຍຂອງເຮົາ.

- new3 - ອັນຕະລາຍຈາກການດື່ມນ້ຳໜ້ອຍເກີນໄປ

ຮ່າງກາຍຂອງຄົນເຮົາປະກອບດ້ວຍນ້ຳ70%, ເລືອດເຮົາປະກອບດ້ວຍນ້ຳ90%, ກະດູກເຮົາກໍປະກອບດ້ວຍນ້ຳ22%, ຮ່າງກາຍເຮົາເສຍນ້ຳມື້ລະ 2 ລິດ ຖ້າເຮົາຮັບນ້ຳເຂົ້າໄປບໍ່ພຽງພໍກໍຖືວ່າຂາດນ້ຳ, ອະໄວຍະວະພາຍໃນຈະຜິດປົກກະຕິ, ເລືອດຈະຂຸ້ນ, ຍາກທີ່ຫົວໃຈຈະຟອກເລືອດໄປຫລໍ່ລ້ຽງພາກສ່ວນຕ່າງໆຂອງຮ່າງກາຍ, ຫົວໃຈຈະຕີບກ່ອນ, ຄວາມຈື່ຈຳຈະເສື່ອມ ຫລື ເປັນອັນໄຊເມີ ເພາະເລືອດລ້ຽງສະໝອງບໍ່ພຽງພໍເສັ້ນເລືອດກໍຈະຕີບຕັນ, ລຳໄສ້ຈະແຫ້ງ ເຮັດໃຫ້ຖ່າຍຍາກ.

ຍ້ອນສະພາບສັງຄົມທີ່ຟ້າວຟັ່ງ ຄົນເຮັດວຽກນັ່ງຢູ່ກັບຄອມພິວເຕີມັກບໍ່ຄ່ອຍຢາກຈະລຸກໄປເຂົ້າຫ້ອງນ້ຳ,ບໍ່ມັກດື່ມນ້ຳ ເພາະ ຈະເຮັດໃຫ້ຍ່ຽວຫລາຍເທື່ອ, ແຕ່ຖ້າບອກວ່າຜູ້ເປັນພະຍາດຄວາມຈຳເສື່ອມເປັນເຖິງລະດັບຜູ້ບໍລິຫານໃຫຍ່ໆ ດື່ມນ້ຳມື້ລະ 2 – 3 ຈອກ ບໍ່ເກີນ 500 ເຊເຊ ເຮັດໃຫ້ເລືອດຂຸ້ນ, ໄຂມັນຫລາຍ ເຊິ່ງທ່ານໝໍຈະສັ່ງຢາລະລາຍເກັດເລືອດໃຫ້ ເຮັດໃຫ້ເລືອດໃສ, ແຕ່ກໍ ປຽບດັ່ງການຄົນຕະກອນ ແລະ ກໍຍັງຕ້ອງໃຊ້ນ້ຳນຳພາຕະກອນນັ້ນອອກມາຢູ່ດີ ມັນຈຶ່ງຈະບໍ່ກັບເຂົ້າໄປອັດຕັນເສັ້ນເລືອດຄືເກົ່າ.

ຊ່ອງທາງໃນການໄລ່ສິ່ງເສດເຫລືອອອກຈະມີຢູ່ 5 ຊ່ອງທາງດ້ວຍກັນຄື :

1.ໝາກໄຂ່ຫລັງໄລ່ອອກມາທາງນຳ້ຍ່ຽວ.

2.ລຳໄສ້ໃຫຍ່ໄລ່ອອກມາທາງອາຈົມ.

3.ປອດ ໄລ່ອອກມາທາງລົມຫາຍໃຈ.

4.ຜິວໜັງໄລ່ອອກມາທາງເຫື່ອ.

5.(ສຳລັບແມ່ຍິງ) ໄລ່ອອກມາທາງປະຈຳເດືອນ.

ເມື່ອຊ່ອງທາງການໄລ່ສິ່ງເສດເຫລືອບໍ່ສົມບູນ ຮ່າງກາຍກໍຈະຕ້ອງພະຍາຍາມຫາທາງອອກໃຫ້ໄດ້ ເຊັ່ນ : ເປັນສິວ, ເປັນຝ້າ, ເປັນເມັນ, ລິດສີດວງ, ຝີ. ຖ້າເຮົາມີອາການດັ່ງທີ່ກ່າວມາອາດສະແດງເຖິງວ່າຮ່າງກາຍມີຂອງເນົ່າເສຍຢູ່ພາຍໃນ ເປັນສັນຍານເຕືອນໄພທີ່ບໍ່ຄວນເບິ່ງຂ້າມ. ການກິນ ຫລື ສັກຢາບໍ່ແມ່ນວິທີດຽວໃນການປິ່ນປົວ ຫລືື ບຳບັດໃຫ້ເຊົາໄດ້. ສະນັ້ນ, ປ້ອງກັນໄວ້ດີກວ່າແກ້ໄຂໃນພາຍຫລັງ.

error: Content is protected !!