ໂຣກລະບາດຮ້າຍແຮງໃນອະດີດ
ອະຫິວາ ເປັນໂຣກ(ຕາຍຫ່າ) ເປັນໂຣກລະບາດທົ່ວໄປຂອງທະວີບອາຊີ ແລະ ອິນເດຍ ໂດຍສະເພາະແມ່ນແມ່ນ້ຳຄົງຄາທີ່ເປັນ ແມ່ນ້ຳຫລັກໃນການດຳລົງຊີວິດເຮັດ ໃຫ້ມີການລະບາດໄປສູ່ພາກພື້ນອື່ນໆ.
ໂຣກນີ້ແຜ່ໄປຕາມທາງບົກ ແລະ ເຮືອ ເຊິ່ງເປັນການລະບາດຄັ້ງໃຫຍ່ໃນໂລກແບ່ງເປັນ 7 ເທື່ອຄື:
-ການລະບາດເທື່ອທີ 1 ເກີດໃນປີ 1816 – 1826 ເປັນການລະບາດເທື່ອທຳອິດຂອງໂລກແມ່ນເລີ່ມ ຈາກປະເທດອິນເດຍ, ຈີນ
-ການລະບາດເທື່ອທີ 2 ໃນປີ 1829-1851 ເປັນການແຜ່ລະບາດໃນທະວີບເອີຣົບ ໂດຍສະເພາະອັງກິດ ແລະ ຝຣັ່ງ, ໃນປີ 1831 ມີຜູ້ເສຍຊີວິດຢູ່ລອນດອນດ້ວຍໂຣກອະຫິວາ (ຫ່າ) ປະມານ 6.536 ຄົນ ສ່ວນຢູ່ປາລີ ມີຜູ້ເສຍຊີວິດປະມານ 20.000 ຄົນ ການລະບາດເທື່ອນີ້ແມ່ນແຜ່ໄປຈົນຮອດລັດເຊຍ, ເດີເບ໌ດ, ອອດສະເດເລຍ, ການາດາ, ນິວຢອກສະຫະລັດອາເມລິກາ, ສະເພາະອາຟິກກາແມ່ນລະບາດໃນປີ 1834
– ການລະບາດເທື່ອທີ 3 ໃນປີ 1852-1860 ການລະບາດເທື່ອນີ້ສ່ວນໃຫຍ່ຈະເກີດຢູ່ ປະເທດ ລັດເຊຍ ມີຈຳນວນຜູ້ເສຍຊີວິດປະມານລ້ານຄົນ. ໃນປີ 1854 ມີການເກີດລະບາດອາຫິວາ ຢູ່ ຊິກກາໂກ້, ສະຫະລັດອາເມລິກາ ມີຜູ້ເສຍຊີວິດປະມານ 3.300 ຄົນ.
– ການລະບາດເທື່ອທີ 4 ໃນປີ 1863-1875 ສ່ວນໃຫຍ່ເປັນການລະບາດໃນທະວີບເອີ ຣົບ ແລະ ອາຟິກາ ໃນປີ 1866 ມີການລະບາດຫນັກທະວີບອາຟິກາເຫນືອ ແລະ ລອນດອນ ທີ່ມີການລະບາດໄປຫລາຍພື້ນທີ່ເຊັ່ນ (East end)ມີຄົນຕາຍ 5.596 ຄົນ ໃນນະຄອນຫລວງ ອຳສະເຕີດຳ, ເນເທີແລນ, ມີຜູ້ເສຍຊີວິດ 21.000 ຄົນ.
– ການລະບາດເທື່ອທີ 5 ໃນປີ 1881-1896 ມີການລະບາດໃຫຍ່ຢູ່ນະຄອນຫລວງ ອຳບົວ ປະເທດ ເຢຍລະມັນ ໃນປີ 1892 ມີຜູ້ເສຍຊີວິດ 8.600 ຄົນ.
– ການລະບາດເທື່ອທີ 6 ໃນປີ 1899-1923 ການລະບາດເທື່ອນີ້ແມ່ນຈະເກີດຂຶ້ນຢູ່ປະ ເທດ ລັດເຊຍ ແລະ ປະເທດໃນກຸ່ມອານາຈັກ ອ໋ອຕໂຕມັນ ເປັນສ່ວນໃຫຍ່ ມີຜູ້ເສຍຊີວິດ ມີຈຳນວນຫລາຍ.
– ການລະບາດເທື່ອທີ 7 ໃນປີ 1961-1970 ແມ່ນເລີ່ມມາແຕ່ເມືອງ ສຸລະເວລີ ປະເທດ ອິນໂດເນເຊຍ.ແມ່ນລະບາດໄປຮອດ ບັງກາລາເທດ ເຂົ້າສູ່ອິນເດຍໃນປີ 1964 ແລະ ສະຫະພາບໂຊຫວຽດ ໃນປີ 1966 ໃນນັ້ນກໍມີການລະບາດຢູ່ຍີ່ປຸ່ນ ໃນຫມູ່ເກາະ ປາຊິຟິກໃຕ້ ແລະ ອາຟິກາເຫນືອ ແຜ່ໄປປະເທດ ອິດຕາລີ ໃນປີ 1972.
