ເນື້ອທີ່ປ່າໄມ້ ຢູ່ເມືອງໄຊ ຫລາຍກວ່າ 18.000 ເຮັກຕາ ເສຍຫາຍຈາກໄຟໄໝ້ລາມປ່າ

- 91291295 259825318358632 4189064174258618368 n 1 - ເນື້ອທີ່ປ່າໄມ້ ຢູ່ເມືອງໄຊ ຫລາຍກວ່າ 18.000 ເຮັກຕາ ເສຍຫາຍຈາກໄຟໄໝ້ລາມປ່າ
- Untitled design - ເນື້ອທີ່ປ່າໄມ້ ຢູ່ເມືອງໄຊ ຫລາຍກວ່າ 18.000 ເຮັກຕາ ເສຍຫາຍຈາກໄຟໄໝ້ລາມປ່າ

ແຫລ່ງຂ່າວຈາກແຂວງອຸດົມໄຊ ໃຫ້ຮູ້ວ່າ: ເລີ່ມແຕ່ຕົ້ນເດືອນມີນາ 2020 ນີ້ ເມືອງໄຊ ແຂວງອຸດົມໄຊ ໄດ້ເກີດມີໄຟໄໝ້ລາມປ່າເປັນບໍລິເວນກວ້າງ ເຮັດໃຫ້ເນື້ອທີ່ປ່າໄມ້ຖືກໄຟໄໝ້ເສຍຫາຍ ແລະ ເຮັດໃຫ້ເກີດມົນລະພິດທາງອາກາດ ໂດຍອີງຕາມການລາຍງານຂອງຫ້ອງການກະສິກຳ ແລະ ປ່າ ໄມ້ເມືອງໄຊ ໃຫ້ຮູ້ວ່າ ມາຮອດວັນທີ 4 ເມສາ ນີ້ເນື້ອທີ່ປ່າໄມ້ເຂດເມືອງໄຊຮັບຜິດຊອບ ຖືກໄຟໄໝ້ຫລາຍກວ່າ 18.000 ເຮັກຕາ ໃນນີ້ມີປ່າສະຫງວນແຫ່ງຊາດພູຫີຜີ 7.000 ກວ່າເຮັກຕາ ກວມ 18 ບ້ານ, ປ່າຜະລິດແຫ່ງຊາດສາຍນ້ຳງາ 6.000 ກວ່າເຮັກຕາ ກວມ 7 ບ້ານ, ປ່າຜະລິດແຫ່ງຊາດ ສາຍນໍ້າພາກ 1.000 ກວ່າເຮັກຕາ ກວມ 2 ບ້ານ ແລະ ປ່າສະຫງວນຂອງແຂວງ, ເມືອງ ແລະ ບ້ານ 4.000 ກວ່າເຮັກຕາ.
ຈາກສະພາບການດັ່ງກ່າວ, ຄະນະຮັບຜິດຊອບ ສະກັດກັ້ນໄຟໄໝ້ລາມປ່າຂັ້ນແຂວງ, ຂັ້ນເມືອງ ໄດ້ນຳພາບັນດາຄະນະພະແນກ, ພະນັກງານອ້ອມຂ້າງແຂວງ, ສອງກຳລັງປ້ອງກັນຊາດ-ປ້ອງກັນຄວາມສະຫງົບ, ການນໍາ, ພະນັກງານອ້ອມຂ້າງເມືອງໄຊ ພ້ອມທັງຄະນະພັກ, ອົງການປົກຄອງບ້ານ ຕະຫລອດຮອດພໍ່ແມ່ປະຊາຊົນ ໄດ້ຮ່ວມກັນມອດໄຟຈາກເຫດການໄຟໄໝ້ລາມປ່າໃນຂອບເຂດເມືອງໄຊ ທັງໝົດ 5.895 ເທື່ອຄົນ, ຍິງ 486 ຄົນ; ແຕ່ກໍຍັງບໍ່ສາມາດຄວບຄຸມໄຟໄວ້ໄດ້ ເນື່ອງຈາກສະພາບພູມສັນຖານເປັນພູຜາເຫວຊັນ ເຮັດໃຫ້ມີຄວາມຫຍຸ້ງຍາກໃນການເຂົ້າເຖິງ ບວກກັບຄວາມແຫ້ງແລ້ງເຮັດໃຫ້ໄຟໄໝ້ລາມຢ່າງໄວວາ ແລະ ຜູ້ທີ່ເຂົ້າມອດໄຟຍັງຂາດເຄື່ອງມືອຸປະກອນ ແລະ ມາຮອດປະຈຸບັນຫລາຍເຂດຍັງມີໄຟສືບຕໍ່ໄໝ້ ດັ່ງນັ້ນຈິ່ງຂໍຮ້ອງທຸກພາກສ່ວນເປັນເຈົ້າການໃນການເຝົ້າລະວັງ ແລະ ປະກອບ ສ່ວນເຂົ້າຮ່ວມໃນການມອດໄຟໃນຄັ້ງນີ້.

- Wave100S AD to Website 2020 0 - ເນື້ອທີ່ປ່າໄມ້ ຢູ່ເມືອງໄຊ ຫລາຍກວ່າ 18.000 ເຮັກຕາ ເສຍຫາຍຈາກໄຟໄໝ້ລາມປ່າ
- WhatsApp Image 2020 05 27 at 5 - ເນື້ອທີ່ປ່າໄມ້ ຢູ່ເມືອງໄຊ ຫລາຍກວ່າ 18.000 ເຮັກຕາ ເສຍຫາຍຈາກໄຟໄໝ້ລາມປ່າ
- WhatsApp Image 2020 05 27 at 5 - ເນື້ອທີ່ປ່າໄມ້ ຢູ່ເມືອງໄຊ ຫລາຍກວ່າ 18.000 ເຮັກຕາ ເສຍຫາຍຈາກໄຟໄໝ້ລາມປ່າ
error: Alert: ເນື້ອຫາຂ່າວມີລິຂະສິດ !!