ບໍລິສັດຜະລິດເຄື່ອງຊ່ວຍຫາຍໃຈສັດຢູ່ຍີ່ປຸ່ນ ຈະເລັ່ງຜະລິດຊ່ວຍຜູ້ປ່ວຍໂຄວິດ-19

- 64 - ບໍລິສັດຜະລິດເຄື່ອງຊ່ວຍຫາຍໃຈສັດຢູ່ຍີ່ປຸ່ນ ຈະເລັ່ງຜະລິດຊ່ວຍຜູ້ປ່ວຍໂຄວິດ-19
- Untitled design - ບໍລິສັດຜະລິດເຄື່ອງຊ່ວຍຫາຍໃຈສັດຢູ່ຍີ່ປຸ່ນ ຈະເລັ່ງຜະລິດຊ່ວຍຜູ້ປ່ວຍໂຄວິດ-19

     ຜູ້ຜະລິດເຄື່ອງຊ່ວຍຫາຍໃຈສຳລັບສັດຢູ່ຍີ່ປຸ່ນເປີດເຜີຍວ່າ: ໄດ້ຮັບການຕິດຕໍ່ຈາກລັດຖະບານໃຫ້ເລັ່ງຜະລິດຈຳນວນຫລາຍ ເພື່ອປິ່ນປົວຜູ້ປ່ວຍໂຄວິດຕິດເຊື້ອໄວຣັສໂຄໂຣນາ 2019 ຫລື ໂຄວິດ-19 ທົດແທນເຄື່ອງຊ່ວຍຫາຍໃຈສຳລັບຄົນທີ່ຂາດເຂີນ ແລະ ໄດ້ຮັບຄວາມສົນໃຈຈາກຫລາຍປະເທດ.

     ຜູ້ບໍລິຫານບໍລິສັດເມທຣານ ເປີດເຜີຍວ່າ: ໄດ້ຮັບການຕິດຕໍ່ຈາກລັດຖະບານຍີ່ປຸ່ນໃນທ້າຍເດືອນກ່ອນ ແລະ ກຳລັງເຈລະຈາກັບອີກ 30 ກວ່າປະເທດ. ບໍລິສັດຜະລິດທັງເຄື່ອງຊ່ວຍຫາຍໃຈສຳລັບຄົນ ແລະ ເຄື່ອງຊ່ວຍຫາຍໃຈສຳລັບສັດ, ແຕ່ເຄື່ອງຊ່ວຍຫາຍໃຈສຳລັບສັດໃຊ້ງານງ່າຍກວ່າ ແລະ ມີລາຄາພຽງ 1 ໃນ 10 ຂອງເຄື່ອງຊ່ວຍຫາຍໃຈສຳລັບຄົນ. ຊ່ວງທີ່ເກີດໂຣກລະບາດມັກມີແພດບໍ່ມີພຽງພໍ ຈຶ່ງຕ້ອງມີເຄື່ອງທີ່ໃຊ້ງ່າຍ ແລະ ປອດໄພສຳລັບແພດທີ່ບໍ່ຄຸ້ນເຄີຍ. ບໍລິສັດກຳລັງພິຈາລະນາຜະລິດໃຫ້ໄດ້ 5.000-15.000 ເຄື່ອງ ແຕ່ບໍ່ໄດ້ກຳນົດກອບເວລາໄວ້ ແລະ ອາດຈະໃຫ້ໃບອະນຸຍາດຜະລິດແກ່ບໍລິສັດຕ່າງປະເທດ ເພາະຄາດວ່າຄວາມຕ້ອງການໃຊ້ໃນຫລາຍປະເທດຈະສູງກວ່າທີ່ບໍລິສັດສາມາດຜະລິດໄດ້.

- Wave100S AD to Website 2020 0 - ບໍລິສັດຜະລິດເຄື່ອງຊ່ວຍຫາຍໃຈສັດຢູ່ຍີ່ປຸ່ນ ຈະເລັ່ງຜະລິດຊ່ວຍຜູ້ປ່ວຍໂຄວິດ-19

      ນາຍົກລັດຖະມົນຕີ ຊິນໂຊ ອາເບະ ຖະແຫລງຕໍ່ລັດຖະສະພາວ່າ: ລັດຖະບານມີເຄື່ອງຊ່ວຍຫາຍໃຈທີ່ຈຳເປັນຕໍ່ການປິ່ນປົວຜູ້ປ່ວຍໂຄວິດ-19 ອາການໜັກແລ້ວ 8.000 ກວ່າເຄື່ອງ. ໂຣກນີ້ເຮັດໃຫ້ຜູ້ປ່ວຍຫາຍໃຈລຳບາກຄືປອດອັກເສບ, ຈຳນວນຜູ້ປ່ວຍທີ່ຍັງເພີ່ມຂຶ້ນເຮັດໃຫ້ເກີດຄວາມກັງວົນວ່າຈະເຮັດໃຫ້ລະບົບສາທາລະນະສຸກເຄັ່ງຕຶງ, ລັດຖະບານມີຄຳສັ່ງໃຫ້ພື້ນທີ່ທີ່ມີການລະບາດໜັກຮັກສາຕຽງຢູ່ໂຮງໝໍໃຫ້ແກ່ຜູ້ປ່ວຍໜັກເທົ່ານັ້ນ, ມາຮອດປັດຈຸບັນ ຍີ່ປຸ່ນພົບຜູ້ປ່ວຍແລ້ວ 3.500 ກວ່າຄົນ ສະເພາະຢູ່ນະຄອນຫລວງໂຕກຽວພົບ 1.000 ຄົນ ແລະ ມີຜູ້ເສຍຊີວິດທົ່ວປະເທດ 85 ຄົນ.

- WhatsApp Image 2020 05 27 at 5 - ບໍລິສັດຜະລິດເຄື່ອງຊ່ວຍຫາຍໃຈສັດຢູ່ຍີ່ປຸ່ນ ຈະເລັ່ງຜະລິດຊ່ວຍຜູ້ປ່ວຍໂຄວິດ-19
- WhatsApp Image 2020 05 27 at 5 - ບໍລິສັດຜະລິດເຄື່ອງຊ່ວຍຫາຍໃຈສັດຢູ່ຍີ່ປຸ່ນ ຈະເລັ່ງຜະລິດຊ່ວຍຜູ້ປ່ວຍໂຄວິດ-19
error: Alert: ເນື້ອຫາຂ່າວມີລິຂະສິດ !!