ອຸດົມໄຊ ມີ 3 ກໍລະນີສົງໄສຍັງລໍຖ້າຜົນກວດ covid-19

- 33 4 - ອຸດົມໄຊ ມີ 3 ກໍລະນີສົງໄສຍັງລໍຖ້າຜົນກວດ covid-19
- Untitled design - ອຸດົມໄຊ ມີ 3 ກໍລະນີສົງໄສຍັງລໍຖ້າຜົນກວດ covid-19

ຄະນະສະເພາະກິດ ປ້ອງກັນການລະບາດຂອງພະຍາດໂຄວິດ-19 ແຂວງອຸດົມໄຊໃຫ້ຮູ້ວ່າ: ນັບທ້າຍເດືອນມັງກອນມາຮອດວັນທີ 3 ເມສານີ້ ທົ່ວແຂວງໄດ້ພົົບກໍລະນີສົງໄສ ແລະ ໄດ້ເກັບຕົວຢ່າງສົ່ງໄປກວດທັງໝົດ 8 ກໍລະນີ. ໃນນີ້, ບໍ່ພົບເຊື້ອ 5 ກໍລະນີ ແລະ ອີກ 3 ກໍລະນີຍັງລໍທ່າຜົນກວດເຊື້ອໂຄວິດ-19ຢູ່ .

ຜ່ານມາແຂວງໄດ້ເອົາໃຈໃສ່ປະຕິບັດມາດຕະການປ້ອງກັນ ແລະ ສະກັດກັ້ນພະຍາດໂຄວິດ-19 ໄດ້ຢ່າງເຂັ້ມງວດ ໂດຍສະເພາະແມ່ນການລົງເຄື່ອນໄຫວຕິດຕາມເກັບກຳຂໍ້ມູນຜູ້ສຳພັດ ແລະ ໃກ້ສິດ ກັບກໍລະນີຕິດເຊື້ອ ຢູ່ຕາມສະຖານທີ່ທ່ອງທ່ຽວຕ່າງໆພາຍໃນເຂວງຂອງຕົຍທີ່ໄກນຳທ່ຽວໄດ້ເດີນ ທາງໄປ ເພື່ອຕິດຕາມກວດກາສຸຂະ ພາບ ແລະ ກັກບໍລິເວນຜູ້ທີ່ມີຄວາມສ່ຽງຕິດເຊື້ອ, ພ້ອມໄດ້ລົງເຄື່ອນໄຫວພົ່ນຢ່າຂ້າເຊື້ອຕາມສະຖານທີ່ຕ່າງໆທີ່ເຫັນວ່າມີຄວາມສ່ຽງ, ພ້ອມໄດ້ອອກແຈ້ງການແນະນຳໃຫ້ບັນດາເມືອງ ແລະ ບ້ານຕ່າງໆເອົາໃຈໃສ່ປະຕິບັດມາດຕະການປ້ອງກັນການແຜ່ລະບາດຂອງເຊື້ອພະຍາດນີ້, ເປັນຕົ້ນແມ່ນການກັກບໍລິເວນພະນັກງານ, ນັກສຶກສາ ແລະ ປະຊາຊົນຜູ້ ທີ່ເດີນທາງມາຈາກປະເທດທີ່ມີການລະບາດຂອງພະຍາດດັ່ງກ່າວ.

ປັດຈຸບັນ, ຢູ່ທົ່ວແຂວງອຸດົມໄຊ ມີຄົນທີ່ຖືກກັກບໍລິເວນທັງໝົດ 1.673 ຄົນ. ຢູ່ໃນຈຸດກັກບໍລິເວນທັງໝົດ 164 ຈຸດ ເພື່ອຕິດຕາມກວດກາສຸຂະພາບຢ່າງເປັນປົກກະຕິໃນແຕ່ລະວັນຕາມຫລັກການແພດໃຫ້ມີຄວາມປອດໄພ.

- Wave100S AD to Website 2020 0 - ອຸດົມໄຊ ມີ 3 ກໍລະນີສົງໄສຍັງລໍຖ້າຜົນກວດ covid-19
- WhatsApp Image 2020 05 27 at 5 - ອຸດົມໄຊ ມີ 3 ກໍລະນີສົງໄສຍັງລໍຖ້າຜົນກວດ covid-19
- WhatsApp Image 2020 05 27 at 5 - ອຸດົມໄຊ ມີ 3 ກໍລະນີສົງໄສຍັງລໍຖ້າຜົນກວດ covid-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!