ຫ້ອງວ່າການສູນກາງພັກຈັດປະຊຸມທາງໄກຮັບລາຍງານສະພາບການລະບາດໂຄວິດ-19ລັດຖະບານເນັ້ນຕື່ມການຈັດຕັ້ງປະຕິບັດຄຳສັ່ງ06\ນຍ

- 31 1 - ຫ້ອງວ່າການສູນກາງພັກຈັດປະຊຸມທາງໄກຮັບລາຍງານສະພາບການລະບາດໂຄວິດ-19ລັດຖະບານເນັ້ນຕື່ມການຈັດຕັ້ງປະຕິບັດຄຳສັ່ງ06\ນຍ
- Untitled design - ຫ້ອງວ່າການສູນກາງພັກຈັດປະຊຸມທາງໄກຮັບລາຍງານສະພາບການລະບາດໂຄວິດ-19ລັດຖະບານເນັ້ນຕື່ມການຈັດຕັ້ງປະຕິບັດຄຳສັ່ງ06\ນຍ

ເຊົ້າວັນທີ 7 ເມສານີ້ຫ້ອງວ່າການສູນກາງພັກ ໄດ້ຈັດກອງປະຊຸມວີດີໂອທາງໄກ (video conference)ເພື່ອສ່ອງແສງລາຍງານຕໍ່ຄະນະເລຂາທິການສູນກາງພັກ ກ່ຽວກັບສະພາບການແຜ່ລະບາດ, ການປ້ອງກັນ, ຄວບຄຸມ ແລະ ການກະກຽມຄວາມພ້ອມຮອບດ້ານໃນການຮັບມືກັບການແຜ່ລະບາດຂອງພະຍາດໂຄວິດ-19 ກອງປະຊຸມໄດ້ຈັດຂຶ້ນພາຍໃຕ້ການເປັນປະທານຂອງ ທ່ານ ພັນຄຳ ວິພາວັນ ຜູ້ປະຈຳການຄະນະເລຂາທິການສູນກາງພັກ, ມີບັນດາອົງການອ້ອມຂ້າງສູນກາງພັກ, ລັດຖະບານ ແລະ ອົງການປົກຄອງບັນດາແຂວງ, ນະຄອນຫລວງວຽງຈັນເຂົ້າຮ່ວມ.ເພື່ອໃຫ້ກົມການເມືອງສູນກາງພັກໄດ້ໃຫ້ທິດຊີ້ນຳຢ່າງເປັນລະບົບ,ຕໍ່ເນື່ອງ ແລະ ມີປະສິດທິຜົນ.

ຂ່າວໃຫ້ຮູ້ອີກວ່າ: ໃນວັນທີ 6 ເມສາຜ່ານມາສໍານັກງານນາຍົກລັດຖະມົນຕີ ກໍໄດ້ຈັດກອງປະຊຸມທາງໄກ ເພື່ອປຶກສາຫາລືກ່ຽວກັບວຽກງານແກ້ໄຂ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19, ໂດຍການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ,ພ້ອມກວດກາຄືນການຈັດຕັ້ງປະຕິບັດຄຳສັ່ງ ເລກທີ 06/ນຍ ວ່າດ້ວຍການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດດັ່ງກ່າວ ແລະ ມະຕິຕ່າງໆ ຂອງລັດຖະບານ ກໍ່ຄື່ຄະນະສະເພາະກິດ ໄດ້ວາງອອກ, ມີຂໍ້ສະດວກ, ຫຍຸ້ງຍາກ ແລະ ສິ່ງທ້າທາຍແນວໃດເພື່ອ ຂໍ້ທິດຊີ້ນຳລັດຖະບານ ແລະ ຜ່ານການລາຍງານເຫັນວ່າ: ບັນດາແຂວງ ໄດ້ເອົາໃຈໃສ່ຈັດຕັ້ງປະຕິບັດບັນດາມາດຕະການຕ່າງໆນັ້ນໄດ້ດີສົມຄວນ. ແຕ່ຄຽງຄູ່ກັນນັ້ນກໍ່ຍັງມີຂໍ້ຫຍຸ້ງຍາກໃນບາງດ້ານ ໂດຍສະເພາະບັນຫາການຂາດແຄນອຸປະກອນ ແລະ ເຄື່ອງມືທາງການແພດ, ຜ້າອັດປາກ-ດັງ, ນ້ຳຢາລ້າງມື ແລະ ຢາປິ່ນປົວພະຍາດ, ບຸກຄະລາກອນແພດ ຍັງມີຈຳກັດ, ສະຖານທີ່ກັກກັນ, ແຍກປ່ຽວ ແລະ ອື່ນໆກໍຍັງມີສິ່ງຈຳກັດຫລາຍດ້ານ.

ໃນການປະຊຸມທ່ານນາຍົກລັດຖະມົນຕີ ສະແດງຄວາມຍ້ອງຍໍຊົມເຊີຍ ຕໍ່ຄວາມພະຍາຍາມຂອງທຸກພາກສ່ວນ ທີ່ໄດ້ສຸມທຸກກໍາລັງແຮງເຂົ້າໃນການຈັດຕັ້ງປະຕິບັດໜ້າທີ່ຂອງຕົນ ເພື່ອສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ທີ່ພວມເກີດຂຶ້ນຢູ່ປະເທດເຮົາ. ພ້ອມ ໄດ້ເນັ້ນໃຫ້ທຸກພາກສ່ວນທີ່ກ່ຽວຂ້ອງສືບຕໍ່ເອົາໃຈໃສ່ ຄື:

- Wave100S AD to Website 2020 0 - ຫ້ອງວ່າການສູນກາງພັກຈັດປະຊຸມທາງໄກຮັບລາຍງານສະພາບການລະບາດໂຄວິດ-19ລັດຖະບານເນັ້ນຕື່ມການຈັດຕັ້ງປະຕິບັດຄຳສັ່ງ06\ນຍ
  1. ຕ້ອງສືບຕໍ່ໂຄສະນາເຜີຍແຜ່ ໃຫ້ປະຊາຊົນເຂົ້າໃຈ ກ່ຽວກັບຜົນຮ້າຍ ແລະ ຜົນກະທົບຈາກພະຍາດນີ້, ໂດຍສະເພາະຜູ້ທີ່ຖືກກັກກັນຢູ່ເຮືອນ, ຢູ່ບ້ານ ຫຼື ສູນຕ້ອງເຂົ້າໃຈສະພາບການໃຫ້ດີ ແລະ ບໍ່ໃຫ້ປະໝາດ ແລະ ທຸກຄົນ ຕ້ອງມີຄວາມຮັບຜິດຊອບຕໍ່ຕົນເອງ, ຄອບຄົວ, ສັງຄົມ ແລະ ປະເທດຊາດ.
  2. ຕ້ອງເຂັ້ມງວດໃນການປິດດ່ານ, ຊຶ່ງ ອະນຸຍາດໃຫ້ພຽງລົດຂົນສົ່ງສິນຄ້າເຂົ້າ-ອອກ,ແຕ່ຕ້ອງມີມາດຕະການຄຸ້ມຄອງຢ່າງເຂັ້ມງວດ ແລະ ມອບໃຫ້ຄະນະສະເພາະກິດ ສົມທົບກັບກະຊວງການຕ່າງປະເທດແລະ ພາກສ່ວນກ່ຽວຂ້ອງ ຄົ້ນຄວ້າຈະເປີດດ່ານໃດ. ພ້ອມກັນນີ້ ໃຫ້ບັນດາແຂວງທີ່ມີຊາຍແດນຕິດກັບປະເທດເພື່ອນບ້ານ ເຈລະຈາກັບແຂວງທີ່ເປັນຄູ່ດ່ານກັນ ເພື່ອຂໍການຮ່ວມມື ແລະ ມີມາດຕະການໃນການປ້ອງກັນແຜ່ລະບາດຂອງເຊື້ອພະຍາດຊ່ວຍກັນ ໂດຍສະເພາະຕໍ່ແຮງງານລາວທີ່ຈະເດີນທາງກັບຄືນມາປະເທດ.
  3. ເນື່ອງຈາກສູນກັກກັນ ມີຄວາມສ່ຽງຍ້ອນຄວາມແອອັດ, ສະນັ້ນ ສຳລັບຜູ້ກັກກັນຕົນເອງ ຢູ່ເຮືອນ ຕ້ອງມີຄວາມເຂັ້ມງວດ ຈຶ່ງຈະສາມາດຮັບປະກັນບໍ່ໃຫ້ເຊື້ອພະຍາດແຜ່ລາມອອກໄປສູ່ຄອບຄົວ ແລະ ສັງຄົມ.
  4. ສຳລັບເຄື່ອງບໍລິຈາກ ເປັນຕົ້ນ ຜ້າອັດປາກ-ດັງ, ເຈວລ້າງມື, ເຫລົ້າເກົ້າສິບ,ໃຫ້ສູນກາງ ຈັດສັນສົ່ງໃຫ້ແຂວງຕ່າງໆ ເພື່ອແຈກຢາຍລ້າໃຫ້ປະຊາຊົນ ໂດຍສະເພາະແຂວງທີ່ຂາດເຂີນ ແລະ ຢູ່ຫ່າງໄກສອກຫລີກ. ພ້ອມໃຫ້ສືບຕໍ່ປຸກ ລະດົມ ຜູ້ທີ່ມີຈິດໃຈເຜື່ອແຜ່ໃນສັງຄົມໃຫ້ຄວາມຊ່ວຍເຫຼືອ ແລະ ນັບທັງ ການ ຊ່ວຍເຫຼືອຈາກອົງການຈັດຕັ້ງສາກົນ ແລະ ປະເທດເພື່ອນມິດ ເພື່ອຈະໄດ້ແບ່ງປັນກັນນຳໃຊ້ໄດ້ທົ່ວເຖິງໂດຍສະເໜີຜ່ານປະຕູດຽວ.
  5. ໃຫ້ຄະນະສະເພາະກິດ ຈັດຊື້ອຸປະກອນການແພດທີ່ຍັງບໍ່ທັນພຽງພໍ ເພື່ອຈັດສົ່ງໄປໃຫ້ບັນດາແຂວງ,ດ້ວຍຄວາມໂປ່ງໃສ ແລະ ບໍ່ໃຫ້ມີການສວຍໂອກາດ.
  6. ໃຫ້ນະຄອນຫຼວງວຽງຈັນ ແລະ ບັນດາແຂວງໃນທົ່ວປະເທດ ເປັນເຈົ້າການເອົາໃຈໃສ່ຄຸ້ມຄອງລາຄາສິນຄ້າ ໃຫ້ດີ ພ້ອມທັງໃຫ້ມີການຈັດຫາເກັບສິນຄ້າໄວ້ ເພື່ອຮັບປະກັນ ບໍ່ໃຫ້ຂາດແຄນ (ແຕ່ບໍ່ແມ່ນການກັກຕຸນ). ພ້ອມກັນນີ້, ກໍ່ໃຫ້ສົມທົບກັບກະຊວງກ່ຽວຂ້ອງ ຈັດຕັ້ງການຜະລິດ, ປູກຝັງ ກຸ້ມຕົນເອງ ເພື່ອບໍ່ໃຫ້ມີສະພາບຂາດແຄນສະບຽງອາຫານ . ມອບໃຫ້ແຂວງ, ເມືອງ ເປັນຜູ້ຕັດສິນ ແລະ ຄຸ້ມຄອງປະຊາຊົນ ໃນການອອກຈາກເຮືອນ ເພື່ອໄປເຮັດການປູກຝັງ, ຜະລິດສິນຄ້າ ລວມທັງການອອກໄປວຽກງານຈຳເປັນອື່ນໆ ຕາມທີ່ໄດ້ອະນຸຍາດ ໃນຄຳສັ່ງ 06/ນຍ.
  7. ສຳລັບການຈໍລະຈອນຂົນສົ່ງສິນຄ້າພາຍໃນປະເທດ ບໍ່ໄດ້ຫ້າມ ແຕ່ໃຫ້ມີມາດຕະການຄຸ້ມຄອງ ທີ່ຮັດກຸມ. ສຳລັບແຂວງໃດ ທີ່ມີການຜະລິດ, ມີສິນຄ້າເຫຼືອ ກໍຂໍໃຫ້ນຳໄປຊ່ວຍແຂວງອື່ນ ທີ່ມີບໍ່ພຽງພໍ.
    8.ສືບຕໍ່ເອົາໃຈໃສ່ຮ່ວມມືກັບສາກົນ ແລະ ປະເທດເພື່ອນມິດ ເພື່ອຂໍການຊ່ວຍເຫຼືອ ແລະ ແລກປ່ຽນບົດຮຽນ, ແນະນໍາໃຫ້ຄວາມຮູ້ແກ່ ທີມແພດລາວເພື່ອນຳມາຈັດຕັ້ງປະຕິບັດບັນດານະໂຍບາຍຂອງລັດຖະບານທີ່ໄດ້ປະກາດໄປມີປະສິດທິຜົນ.
    9.ໃຫ້ບັນດາຂະແໜງການ ແລະ ທ້ອງຖິ່ນ ປັບປຸງບັນດາຈຸດອ່ອນຂໍ້ຄົງຄ້າງ ໃນການຈັດຕັ້ງປະຕິບັດຄຳສັ່ງ 06/ນຍເພື່ອຮັບປະກັນໃຫ້ແກ່ວຽກງານສະກັດກັ້ນ, ກັນການລະບາດ, ຄວບຄຸມແລະກຽມຄວາມພ້ອມຮອບດ້ານເພື່ອຕ້ານພະຍາດ ໂຄວິດ-19ໃຫ້ມີຜົນ.
  8. ໃຫ້ຄະນະສະເພາະກິດ ເອົາໃຈໃສ່ແນະນຳຄວາມຮູ້ກ່ຽວກັບການຈັດລະດັບຂອງການແຜ່ລະບາດຂອງພະຍາດຕາມຫຼັກການຂອງອົງການອະນາໄມໂລກ ພ້ອມທັງປະເມີນ ແລະ ຈັດລະດັບສະພາບການ ແຜ່ລະບາດຢູ່ ປະເທດເຮົາ ແລ້ວປະກາດໃຫ້ສັງຄົມຮັບຮູ້ ແລະ ເຂົ້າໃຈ.
    ໃນຕອນທ້າຍ, ທ່ານ ນາຍົກລັດຖະມົນຕີ ໄດ້ຮຽກຮ້ອງໃຫ້ທຸກຂະແໜງການ, ທ້ອງຖິ່ນ, ທຸກພາກສ່ວນໃນສັງຄົມ ແລະ ປະຊາຊົນ ຮ່ວມແຮງຮ່ວມໃຈກັນ ເຂັ້ມງວດຈັດຕັ້ງປະຕິບັດ ຄຳສັ່ງ 06/ນຍ, ມາດຕະການຕ່າງໆ ທີ່ລັດຖະບານ ແລະ ຄະນະສະເພາະກິດ ວາງອອກ, ຕ້ອງເດັດຂາດ ບໍ່ໃຫ້ການລະບາດຢູ່ປະເທດເຮົາ ເພີ່ມຂຶ້ນໄປອີກລະດັບໜຶ່ງ.
- WhatsApp Image 2020 05 27 at 5 - ຫ້ອງວ່າການສູນກາງພັກຈັດປະຊຸມທາງໄກຮັບລາຍງານສະພາບການລະບາດໂຄວິດ-19ລັດຖະບານເນັ້ນຕື່ມການຈັດຕັ້ງປະຕິບັດຄຳສັ່ງ06\ນຍ
- WhatsApp Image 2020 05 27 at 5 - ຫ້ອງວ່າການສູນກາງພັກຈັດປະຊຸມທາງໄກຮັບລາຍງານສະພາບການລະບາດໂຄວິດ-19ລັດຖະບານເນັ້ນຕື່ມການຈັດຕັ້ງປະຕິບັດຄຳສັ່ງ06\ນຍ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!