ຟີລິບປິນຂະຫຍາຍເວລາປິດປະເທດເຖິງ 30 ເມສາ ຫລັງຈຳນວນຜູ້ຕິດເຊື້ອທະລຸ 3.600 ຄົນ

- 73 - ຟີລິບປິນຂະຫຍາຍເວລາປິດປະເທດເຖິງ 30 ເມສາ ຫລັງຈຳນວນຜູ້ຕິດເຊື້ອທະລຸ 3.600 ຄົນ
- Untitled design - ຟີລິບປິນຂະຫຍາຍເວລາປິດປະເທດເຖິງ 30 ເມສາ ຫລັງຈຳນວນຜູ້ຕິດເຊື້ອທະລຸ 3.600 ຄົນ

     ສຳນັກຂ່າວຣອຍເຕີ ລາຍງານວ່າ: ປະທານາທິບໍດີ ໂຣດຣິໂກ ດູເຕີເຕ ຂອງຟີລິບປິນ ໄດ້ປະກາດຂະຫຍາຍເວລາມາດຕະການປິດປະເທດຈາກວັນທີ 14 ເມສາ ເປັນວັນທີ 30 ເມສາ ຫລັງຕົວເລກຜູ້ຕິດເຊື້ອໄວຣັສໂຄວິດ-19 ຢູ່ຟີລິບປິນ ຍັງເພີ່ມຂຶ້ນຢ່າງຕໍ່ເນື່ອງ ໂດຍມີຜູ້ຕິດເຊື້ອເພີ່ມຂຶ້ນເປັນ 3.660 ຄົນໃນວັນທີ 7 ເມສານີ້.

      ປະທານາທິບໍດີ ດູເຕີເຕ ຍັງໄດ້ກ່າວອີກວ່າ: ປັດຈຸບັນ ທ່ານກຳລັງພິຈາລະນາຈະເພີ່ມເງິນງົບປະມານສູງເຖິງ 4,1 ຕື້ເປໂຊ (8.800 ລ້ານໂດລາສະຫະລັດ) ໃນປີນີ້ ເພື່ອເປັນການກະຕຸ້ນເສດຖະກິດຂອງຟີລິບປິນ ທີ່ຢູ່ໃນສະພາບຢຸດຈຶ້ງຈາກມາດຕະການປິດປະເທດ ແລະ ຊ່ວຍເຫລືອປະຊາຊົນທີ່ມີຖານະທຸກຍາກໃນລະຫວ່າງການກັກຕົວ ຫລັງໂຮງງານ ແລະ ທຸລະກິດຕ່າງໆຫລາຍຮ້ອຍແຫ່ງຕ້ອງປິດຊົ່ວຄາວ.

      ໃນເດືອນມີນາຜ່ານມາ, ທະນາຄານກາງຟີລິບປິນ ໄດ້ປະກາດຫລຸດອັດຕາດອກເບ້ຍ 0,50% ຈາກລະດັບ 3,75% ມາຢູ່ລະດັບ 3,25% ແລະ ຫລຸດອັດຕາສ່ວນເງິນສຳຮອງລົງເຫລືອ 12%. ນອກຈາກນີ້ ຍັງໄດ້ປະກາດແຜນກະຕຸ້ນເສດຖະກິດມູນຄ່າ 2.710 ລ້ານເປໂຊ ທີ່ເນັ້ນຊ່ວຍເຫລືອອຸດສາຫະກຳທ່ອງທ່ຽວທີ່ໄດ້ຮັບຜົນກະທົບຢ່າງໜັກຈາກການລະບາດຂອງໂຄວິດ-19.

- Wave100S AD to Website 2020 0 - ຟີລິບປິນຂະຫຍາຍເວລາປິດປະເທດເຖິງ 30 ເມສາ ຫລັງຈຳນວນຜູ້ຕິດເຊື້ອທະລຸ 3.600 ຄົນ
- WhatsApp Image 2020 05 27 at 5 - ຟີລິບປິນຂະຫຍາຍເວລາປິດປະເທດເຖິງ 30 ເມສາ ຫລັງຈຳນວນຜູ້ຕິດເຊື້ອທະລຸ 3.600 ຄົນ
- WhatsApp Image 2020 05 27 at 5 - ຟີລິບປິນຂະຫຍາຍເວລາປິດປະເທດເຖິງ 30 ເມສາ ຫລັງຈຳນວນຜູ້ຕິດເຊື້ອທະລຸ 3.600 ຄົນ
error: Alert: ເນື້ອຫາຂ່າວມີລິຂະສິດ !!