ກຳປູເຈຍຍົກເລີກຈັດບຸນຫົດນ້ຳປີນີ້

- 74 - ກຳປູເຈຍຍົກເລີກຈັດບຸນຫົດນ້ຳປີນີ້
- Untitled design - ກຳປູເຈຍຍົກເລີກຈັດບຸນຫົດນ້ຳປີນີ້

     ສຳນັກຂ່າວຕ່າງປະເທດລາຍງານວ່າ: ສົມເດັດ ຮຸນ ເຊນ ນາຍົກລັດຖະມົນຕີກຳປູເຈຍ ຖະແຫລງໃນວັນທີ 7 ເມສາ ຍົກເລີກການຈັດງານເທດສະການຫົດນ້ຳທົ່ວປະເທດ ຕາມກຳນົດຄືລະຫວ່າງວັນທີ 13-16 ເມສານີ້ ເພື່ອປ້ອງກັນການລວມຕົວຂອງກຸ່ມຄົນຈຳນວນຫລາຍ ເຊິ່ງສ່ຽງໃຫ້ເກີດການແຜ່ລະບາດຂອງໂຄວິດ-19.

     ທັງນີ້ ຜູ້ນຳກຳປູເຈຍຂໍໃຫ້ພະນັກງານລັດ, ເອກະຊົນ ແລະ ລັດວິສາຫະກິດເຮັດວຽກຕາມປົກກະຕິໃນໄລຍະເວລາດັ່ງກ່າວ. ເຖິງຢ່າງໃດກໍຕາມ, ເມື່ອວິກິດໂຄວິດ-19 ຜ່ານພົ້ນ ລັດຖະບານຈະຫາໄລຍະເວລາຈັດມື້ພັກຊົດເຊີຍໃຫ້. ຂະນະດຽວກັນ ສົມເດັດ ຮຸນ ເຊນ ຢືນຢັນວ່າລັດຖະບານບໍ່ມີແຜນໃຊ້ມາດຕະການປິດເມືອງ ແລະ ກຳລັງກຽມສຳຮອງຜ້າອັດປາກໃຫ້ໄດ້ 10 ລ້ານອັນ, ແອນກໍຮໍ 1 ລ້ານລິດ ແລະ ຊຸດປ້ອງກັນສຳລັບບຸກຄະລາກອນການແພດອີກ 5.000 ຊຸດ.

     ປັດຈຸບັນ ກຳປູເຈຍມີຜູ້ຕິດເຊື້ອໂຄວິດ-19 ຢ່າງໜ້ອຍ 115 ຄົນ ນັບແຕ່ມີການຢືນຢັນຜູ້ຕິດເຊື້ອຄົນທຳອິດໃນວັນທີ 27 ມັງກອນ ເປັນນັກທ່ອງທ່ຽວຊາວຈີນ ປິ່ນປົວຫາຍແລ້ວ 58 ຄົນ ແລະ ຍັງບໍ່ມີຜູ້ເສຍຊີວິດ.

- Wave100S AD to Website 2020 0 - ກຳປູເຈຍຍົກເລີກຈັດບຸນຫົດນ້ຳປີນີ້
- WhatsApp Image 2020 05 27 at 5 - ກຳປູເຈຍຍົກເລີກຈັດບຸນຫົດນ້ຳປີນີ້
- WhatsApp Image 2020 05 27 at 5 - ກຳປູເຈຍຍົກເລີກຈັດບຸນຫົດນ້ຳປີນີ້
error: Alert: ເນື້ອຫາຂ່າວມີລິຂະສິດ !!