ກະຊວງປ້ອງກັນປະເທດຫວຽດນາມ ສົ່ງທີມງານແພດໝໍມາຊ່ວຍລາວຕ້ານ ໂຄວິດ-19

- 08 - ກະຊວງປ້ອງກັນປະເທດຫວຽດນາມ ສົ່ງທີມງານແພດໝໍມາຊ່ວຍລາວຕ້ານ ໂຄວິດ-19
- Untitled design - ກະຊວງປ້ອງກັນປະເທດຫວຽດນາມ ສົ່ງທີມງານແພດໝໍມາຊ່ວຍລາວຕ້ານ ໂຄວິດ-19

ໂດຍ: ລູກເມືອງພວນ

ເຊົ້າວັນທີ 7 ເມສານີ້, ພິທີຕ້ອນຮັບຄະນະຊ່ຽວຊານດ້ານການແພດຂອງກະຊວງປ້ອງກັນປະເທດຫວຽດນາມທີ່ໄດ້ເດີນທາງມາໃຫ້ການແນະນຳ ແລະ ແລກປ່ຽນບົດຮຽນໃນການປ້ອງກັນ ແລະ ສະກັດກັ້ນພະຍາດໂຄວິດ-19 ເຊື້ອຈຸລະໂຣກອັກເສບປອດສາຍພັນໃຫມ່ ແລະ ພິທີມອບຮັບອຸປະກອນການແພດມູນຄ່າຫຼາຍກວ່າ 3 ຕື້ດົງຂອງກະຊວງປ້ອງກັນປະເທດຫວຽດນາມມາຊ່ວຍກະຊວງປ້ອງກັນປະເທດລາວໄດ້ຈັດຂຶ້ນທີ່ດ່ານສາກົນ ເກົາແຈວ ແຂວງ ຮ່າຕິງ.

ເຂົ້າຮ່ວມພິທີມອບ-ຮັບເຄື່ອງຊ່ວຍເຫລືອດັ່ງກ່າວ, ຝ່າຍຫວຽດນາມມີທ່ານ ພົນຕີ ຫງວຽນ ຮຸ່ງ ທັງ, ຮອງກົມໃຫ່ຍເສນາທິການຂອງກົມໃຫ່ຍພາລາທິການ ກອງບັນຊາຫານທະຫານພາກ 4, ຄະນະກຳມະການປະຊາຊົນແຂວງ ຮ່າຕິງ. ຝ່າຍລາວມີທ່ານ ພົນຈັດຕະວາ ວໍລະສານ ວິລາດາວົງ ຮອງກົມໃຫ່ຍການເມືອງກອງທັບປະຊາຊົນລາວ, ຕາງໜ້າຫ້ອງວ່າການກະຊວງປ້ອງກັນປະເທດ, ກົມໃຫ່ຍພາລາທິການ ແລະ ກົມໃຫ່ຍເສນາຮັກ.

ໃນພິທີດັ່ງກ່າວ, ທ່ານ ພົນຕີ ຫງວຽນ ຮຸ່ງ ທັງ ໄດ້ມອບອຸປະກອນການແພດໃຫ້ທ່ານ ພົນຈັດຕະວາ ວໍລະສານ ວິລາດາວົງ ຊຶ່ງລວມມີ ໜ້າກາກອານາໄມຜ້າ 100.000 ອັນ, ໜ້າກາກອານາໄມການແພດ 30.000 ອັນ, ຊຸດນຸ່ງປ້ອງກັນເຊື້ອໄວຣັດ 2.000 ຊຸດ, ເຈວລ້າງມືຊະນິດແຫ້ງ 5.000 ກວດ, ເຄື່ອງພົ່ນຢາຂ້າເຊື້ອດ້ວຍມື Semco 10 ເຄື່ອງ ແລະ ພົ່ນດ້ວຍຈັກ 5 ເຄື່ອງ, ທາດ Clorin ພ້ອມດ້ວຍປື້ມຄູ່ມືນຳໃຊ້ ຖາມ-ຕອບກ່ຽວກັບພະຍາດໂຄວິດ-19, ໃນມູນຄ່າຫຼາຍກວ່າ 3 ຕື້ດົງ. ອຸປະກອນ ແລະ ເຄື່ອງມືການແພດທັງໝົດນັ້ນແມ່ນຜະລິດຢູ່ສສຫວຽດນາມ.

ໃນພິທີດັ່ງກ່າວ ທ່ານພົນຕີ ຫງວຽນ ຮຸ່ງ ກ່າວວ່າ: ເຄື່ອງມື ແລະ ອຸປະກອນການແພດທີ່ນຳມາມອບໃຫ້ໃນຄັ້ງນີ້ ເຖິງແມ່ນວ່າບໍ່ທັນຫຼວງຫຼາຍຖ້າທຽບໃສ່ຄວາມຮຽກຮ້ອງຕ້ອງການຂອງປະຊາຊົນລາວ, ແຕ່ກໍເປັນນໍ້າຈິດນໍ້າໃຈຂອງພັກ, ລັດຖະບານ ແລະ ປະຊາຊົນຫວຽດນາມ ກໍຄື ກອງທັບປະຊາຊົນຫວຽດນາມມອບໃຫ້ປະຊາຊົນລາວ.

- Wave100S AD to Website 2020 0 - ກະຊວງປ້ອງກັນປະເທດຫວຽດນາມ ສົ່ງທີມງານແພດໝໍມາຊ່ວຍລາວຕ້ານ ໂຄວິດ-19

ນອກຈາກການມອບເຄື່ອງມື ແລະ ອຸປະກອນການແພດແລ້ວ, ກອງທັບປະຊາຊົນຫວຽດນາມ ພ້ອມແລ້ວທີ່ຈະໃຫ້ການຊ່ວຍເຫຼືອ ແລະ ແບ່ງປັນກັບເພື່ອນລາວກ່ຽວກັບບົດຮຽນໃນການຈັດຕັ້ງປ້ອງກັນ ແລະ ຕ້ານພະຍາດໂຄວິດ-19 ເພື່ອເປັນການປະກອບສ່ວນເຂົ້າໃນການຕ້ານ ແລະ ສະກັດກັ້ນພະຍາດໂຄວິດໃນຂອບເຂດທົ່ວປະເທດອີກດ້ວຍ.

ພາຍຫຼັງພິທີມອບຮັບສຳເລັດລົງ, ຄະນະທິມແພດຂອງກອງທັບປະຊາຊົນຫວຽດນາມ ຊຶ່ງລວມມີ 9 ສະຫາຍ ໂດຍແມ່ນທ່ານພົນຕີ ຫງວຽນ ຮຸ່ງ ທັງ ເປັນຫົວໜ້າຄະນະ ກໍໄດ້ເດີນທາງມຸ່ງໜ້າສູ້ນະຄອນຫຼວງວຽງຈັນ ເພື່ອເຮັດວຽກຮ່ວມກັບຄະນະຊີ້ນຳຂອງກະຊວງປ້ອງກັນປະເທດລາວ ແລະ ຄະນະຊີ້ນຳຂອງລັດຖະບານລາວໃນການຕ້ານໂຄວິດ-19ຕໍ່ໄປ.

ພາຍຫຼັງໄດ້ຮັບການຊີ້ນຳຂອງນາຍົກລັດຖະມົນຕີ ຫງວຽນ ຊວັນ ຟຸກ ແລະ ລັດຖະມົນຕີກະຊວງປ້ອງກັນປະເທດຂອງຫວຽດນາມແລ້ວ, ບັນດາກອງທັບພາກ ແລະ ກົມກອງຂອງກະຊວງປ້ອງກັນປະເທດຫວຽດນາມກໍຕຽມພ້ອມທີ່ຈະສົ່ງທິມແພດ ແລະ ຊ່ຽວຊານຂອງຕົນມາຊ່ວຍລາວ ໃນເມື່ອເພື່ອນລາວມີຄວາມຮຽກຮ້ອງຕ້ອງການ.

- WhatsApp Image 2020 05 27 at 5 - ກະຊວງປ້ອງກັນປະເທດຫວຽດນາມ ສົ່ງທີມງານແພດໝໍມາຊ່ວຍລາວຕ້ານ ໂຄວິດ-19
- WhatsApp Image 2020 05 27 at 5 - ກະຊວງປ້ອງກັນປະເທດຫວຽດນາມ ສົ່ງທີມງານແພດໝໍມາຊ່ວຍລາວຕ້ານ ໂຄວິດ-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!