ຍີ່ປຸ່ນປະກາດພາວະສຸກເສີນຢູ່ໂຕກຽວ ແລະ ອີກ 6 ແຂວງ ຮັບມືໂຄວິດ-19

- 76 - ຍີ່ປຸ່ນປະກາດພາວະສຸກເສີນຢູ່ໂຕກຽວ ແລະ ອີກ 6 ແຂວງ ຮັບມືໂຄວິດ-19
- Untitled design - ຍີ່ປຸ່ນປະກາດພາວະສຸກເສີນຢູ່ໂຕກຽວ ແລະ ອີກ 6 ແຂວງ ຮັບມືໂຄວິດ-19

    ນາຍົກລັດຖະມົນຕີຍີ່ປຸ່ນ ຊິນໂຊ ອາເບະ ປະກາດໃຊ້ກົດໝາຍພາວະສຸກເສີນເປັນເວລາ 30 ວັນໃນຫລາຍສ່ວນຂອງປະເທດ ເຊິ່ງລວມທັງນະຄອນຫລວງໂຕກຽວ ເພື່ອຮັບມືການລະບາດຂອງໂຄວິດ-19 ທີ່ເພີ່ມຂຶ້ນຢູ່ຍີ່ປຸ່ນ. ນອກຈາກຢູ່ໂຕກຽວແລ້ວ ເຂດເມືອງໂອຊາກາ ແລະ ອີກ 5 ແຂວງຂອງປະເທດຈະຢູ່ພາຍໃຕ້ພາວະສຸກເສີນເຊັ່ນກັນ.

     ພາຍໃຕ້ສະຖານະການສຸກເສີນ ລັດຖະບານທ້ອງຖິ່ນສາມາດອອກກົດປິດໂຮງຮຽນ ແລະ ຫ້າງຮ້ານ ລວມທັງໃຫ້ປະຊາຊົນຢູ່ເຮືອນ ເພື່ອຫລຸດຄວາມສ່ຽງຂອງການແຜ່ລະບາດຂອງໂຣກ. ທັງນີ້ ພາຍໃຕ້ລັດຖະທຳມະນູນຍີ່ປຸ່ນ ເຊິ່ງໃຫ້ຄວາມສຳຄັນຕໍ່ເສລີພາບສ່ວນບຸກຄົນ ລັດຖະບານບໍ່ສາມາດບັງຄັບໃຫ້ປະຊາຊົນຕ້ອງກັກຕົວຢູ່ແຕ່ໃນເຄຫາສະຖານຂອງຕົນໄດ້.

     ໃນມື້ດຽວກັນ, ນາຍົກລັດຖະມົນຕີ ອາເບະ ຍັງໄດ້ປະກາດມາດຕະການກະຕຸ້ນເສດຖະກິດມູນຄ່າ 990.000 ລ້ານໂດລາ ເຊິ່ງລວມທັງເງິນຈຳນວນ 55.000 ລ້ານໂດລາ ສຳລັບການຊ່ວຍປະຊາຊົນດ້ານລາຍໄດ້ຄອບຄົວ ແລະ ທຸລະກິດຂະໜາດນ້ອຍ.

- Wave100S AD to Website 2020 0 - ຍີ່ປຸ່ນປະກາດພາວະສຸກເສີນຢູ່ໂຕກຽວ ແລະ ອີກ 6 ແຂວງ ຮັບມືໂຄວິດ-19

     ກ່ອນໜ້ານີ້ ຜູ້ນຳຍີ່ປຸ່ນລັງເລທີ່ຈະປະກາດມາດຕະການສຸກເສີນ, ແຕ່ເຫັນວ່າຕ້ອງໃຊ້ແນວທາງນີ້ ຫລັງຈາກນະຄອນຫລວງໂຕກຽວມີຜູ້ຕິດເຊື້ອໃໝ່ 143 ຄົນໃນວັນທີ 5 ເມສາ ເຊິ່ງເປັນສະຖິຕິການຕິດເຊື້ອໃໝ່ແຕ່ລະວັນສູງທີ່ສຸດຂອງຍີ່ປຸ່ນ ແລະ ເຮັດໃຫ້ມີຜູ້ຕິດເຊື້ອຢູ່ໂຕກຽວຫລາຍກວ່າ 1.000 ຄົນແລ້ວ. ທົ່ວປະເທດ ຍີ່ປຸ່ນມີຜູ້ຕິດເຊື້ອໂຄວິດ 3.500 ຄົນ ແລະ ມີຜູ້ເສຍຊີວິດຫລາຍກວ່າ 70 ຄົນ.

- WhatsApp Image 2020 05 27 at 5 - ຍີ່ປຸ່ນປະກາດພາວະສຸກເສີນຢູ່ໂຕກຽວ ແລະ ອີກ 6 ແຂວງ ຮັບມືໂຄວິດ-19
- WhatsApp Image 2020 05 27 at 5 - ຍີ່ປຸ່ນປະກາດພາວະສຸກເສີນຢູ່ໂຕກຽວ ແລະ ອີກ 6 ແຂວງ ຮັບມືໂຄວິດ-19
error: Alert: ເນື້ອຫາຂ່າວມີລິຂະສິດ !!