ທະນາຄານໂລກອະນຸມັດເງິນກູ້ສຸກເສີນ 18 ລ້ານໂດລາ ໃຫ້ສປປ ລາວ ຕອບໂຕ້ການລະບາດ COVID-19

- 912912 - ທະນາຄານໂລກອະນຸມັດເງິນກູ້ສຸກເສີນ 18 ລ້ານໂດລາ ໃຫ້ສປປ ລາວ ຕອບໂຕ້ການລະບາດ COVID-19
- Untitled design - ທະນາຄານໂລກອະນຸມັດເງິນກູ້ສຸກເສີນ 18 ລ້ານໂດລາ ໃຫ້ສປປ ລາວ ຕອບໂຕ້ການລະບາດ COVID-19

ເພື່ອກຽມຄວາມພ້ອມຮັບມືກັບເຫດສຸກເສີນ ແລະ ຄວບຄຸມການຕິດເຊື້ອ COVID-19 , ທະນາຄານໂລກໄດ້ອະນຸມັດເງິນກູ້ສຸກເສີນ 18 ລ້ານໂດລາສະຫະລັດໃຫ້ ສປປ ລາວ ເພື່ອຊ່ວຍຍົກລະດັບຄວາມອາດສາມາດໃນການເຝົ້າລະວັງ ແລະ ທັກສະການປິ່ນປົວຂອງແພດໝໍລາວອີກດ້ວຍ.
ພິທີເຊັນສັນຍາດັ່ງກ່າວ, ໄດ້ມີຂຶ້ນໃນວັນທີ 7 ເມສານີ້, ທີ່ນະຄອນຫລວງວຽງຈັນ, ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ແລະ ທ່ານ ນິໂກລາ ພອນທາຣາ ຫົວໜ້າຫ້ອງການທະນາຄານໂລກປະຈຳ ສປປ ລາວ.
ຊຶ່ງນັບແຕ່ລາວເຮົົົົົາພົບຜູ້ຕິດເຊື້ອພະຍາດໂຄວິດ-19 ລັດຖະບານໄດ້ສຸມໃສ່ວາງມາດຕະການຄວບຄຸມ ແລະ ສະກັດກັ້ນການແຜ່ລະ ບາດຂອງພະຍາດດັ່ງກ່າວຢ່າງເຂັ້ມງວດ, ເພື່ອຮັບປະກັນຄວາມປອດໄພຂອງປະຊາຊົນ ແລະ ການສະຫນັບສະຫນູນຂອງທະນາຄານໂລກຄັ້ງນີ້, ຈະຊ່ວຍໃຫ້ລາວເພີ່ມຄວາມອາດສາມາດໃນການຮັບມືກັບການປ້ອງກັນ ແລະ ຄວບຄຸມພະຍາດໄດ້ມີປະສິດທິຜົນສູງຂຶ້ນ, ໂດຍສະເພາະຈະຊ່ວຍຍົກລະດັບຄວາມອາດສາມາດໃນການເຝົ້າລະວັງ ແລະ ທັກສະການປິ່ນປົວຂອງທີມແພດໝໍລາວມີຄວາມເຂັ້ມແຂງ ໃນການຕອບໂຕ້ ພະຍາດດ້ວຍ.
ໃນສະພາບການລະບາດຂອງພະຍາດໂຄວິດ-19 ນີ້,ກຸ່ມທະນາຄານໂລກໄດ້ອະນຸມັດໂຄງການຊ່ວຍເຫຼືອແບບຮີບດ່ວນໄດ້ມີມູນຄ່າສູງເຖິງ 14 ຕື້ໂດລາສະຫະລັດ,ເພື່ອເສີມສ້າງຄວາມເຂັ້ມແຂງໃນການຕອບໂຕ້ກັບພະຍາດ ໃຫ້ແກ່ບັນດາປະເທດກໍາລັງພັດທະນາມີຄວາມເຂັ້ມແຂງຍິ່ງຂຶ້ນ. ນອກນັ້ນ, ຫ້ອງການ IFC ໄດ້ສະໜອງທຶນ 8 ຕື້ໂດລາສະຫະລັດເພື່ອຊ່ວຍບັນດາທຸລະກິດເອກະຊົນທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ ແລະ ຮັກສາການຈ້າງງານ ແລະ IBRD and IDA ໄດ້ສະໜອງທຶນເບື້ອງຕົ້ນ 6 ຕື້ໂດລາສະຫະລັດສໍາລັບການຕອບໂຕ້ທາງດ້ານສາທາລະນະສຸກ, ເນື່ອງຈາກຫຼາຍປະເທດຕ້ອງການຄວາມຊ່ວຍເຫຼືອໃນວົງກວ້າງ, ກຸ່ມທະນາຄານໂລກຈະອະນຸມັດງົບປະມານສູງເຖິງ 160 ຕື້ໂດລາສະຫະລັດໃນໄລຍະ 15 ເດືອນຕໍ່ໜ້ານີ້ເຂົ້າໃນການປົກປ້ອງຄົນທຸກຈົນ ແລະ ຜູ້ດ້ອຍໂອກາດ, ສົ່ງເສີມພາກທຸລະກິດ ແລະ ໜູນການຟື້ນໂຕຂອງລະບົບເສດຖະກິດປະເທດຕ່າງໆ.

- WhatsApp Image 2020 05 27 at 5 - ທະນາຄານໂລກອະນຸມັດເງິນກູ້ສຸກເສີນ 18 ລ້ານໂດລາ ໃຫ້ສປປ ລາວ ຕອບໂຕ້ການລະບາດ COVID-19
- WhatsApp Image 2020 05 27 at 5 - ທະນາຄານໂລກອະນຸມັດເງິນກູ້ສຸກເສີນ 18 ລ້ານໂດລາ ໃຫ້ສປປ ລາວ ຕອບໂຕ້ການລະບາດ COVID-19
- Wave100S AD to Website 2020 0 - ທະນາຄານໂລກອະນຸມັດເງິນກູ້ສຸກເສີນ 18 ລ້ານໂດລາ ໃຫ້ສປປ ລາວ ຕອບໂຕ້ການລະບາດ COVID-19
error: Alert: ເນື້ອຫາຂ່າວມີລິຂະສິດ !!