ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມທາງໄກ (Video Conference)ສະພາປະສານງານອາຊຽນ ຄັ້ງທີ 25)

- 912 1 - ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມທາງໄກ  (Video Conference)ສະພາປະສານງານອາຊຽນ ຄັ້ງທີ 25)
- Untitled design - ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມທາງໄກ  (Video Conference)ສະພາປະສານງານອາຊຽນ ຄັ້ງທີ 25)

ໃນວັນທີ9 ເມສານີ້ ທ່ານ ສະເຫຼີມໄຊ ກົມມະສິດ,ລັດຖະມົນຕີກະຊວງການຕ່າງປະເທດ ໄດ້ເຂົ້າຮ່ວມກອງປະຊຸມທາງໄກສະພາປະສານງານອາຊຽນ ຄັ້ງທີ 25 (25thMeeting of the ASEAN Coordinating Council (ACC))ພາຍໃຕ້ການເປັນປະທານຂອງຫວຽດນາມ ໃນຖານະປະທານໝູນວຽນອາຊຽນ ປີ 2020 ໂດຍມີການເຂົ້າຮ່ວມຂອງບັນດາລັດຖະມົນຕີຕ່າງປະເທດອາຊຽນ ແລະ ເລຂາທິການໃຫຍ່ອາຊຽນ.

ກອງປະຊຸມໄດ້ຕີລາຄາສູງຕໍ່ຄວາມພະຍາຍາມຂອງແຕ່ລະປະເທດສະມາຊິກອາຊຽນໃນການປ້ອງກັນ,ຄວບຄຸມແລະຮັບມືກັບພະຍາດ ໂຄວິດ-19, ເຊິ່ງສະແດງອອກໃນຜົນສຳເລັດຂອງກອງປະຊຸມສະໄໝພິເສດສະພາປະສານງານອາຊຽນກ່ຽວກັບພະຍາດໂຄວິດ-19,ທີ່ໄດ້ຈັດຂຶ້ນໃນເດືອນກຸມພາຜ່ານມາຢູ່ສປລາວກໍຄືກອງປະຊຸມທາງໄກໜ່ວຍງານວິຊາການຂອງສະພາປະສານງານອາຊຽນ ວ່າດ້ວຍ ການຊ່ວຍເຫຼືອສຸກເສີນດ້ານສາທາລະນະສຸກ ຄັ້ງທຳອິດໃນທ້າຍເດືອນມີນາ ລວມທັງບັນດາກອງປະຊຸມທາງໄກຂອງຂະແໜງການກ່ຽວຂ້ອງທັງລະດັບລັດຖະມົນຕີແລະລະດັບວິຊາການອັນໄດ້ປະກອບສ່ວນສໍາຄັນເຂົ້າໃນການຮັດແໜ້ນຄວາມພະຍາຍາມລວມຂອງອາຊຽນໃນການຮັບມືກັບພະຍາດດັ່ງກ່າວ.

ພ້ອມນີ້, ກອງປະຊຸມ ຍັງໄດ້ຮັບຊາບການລາຍງານສະພາບການແຜ່ລະບາດຂອງພະຍາດໂຄວິດ-19 ຢູ່ແຕ່ລະປະເທດສະມາຊິກອາຊຽນ ລວມທັງຢູ່ ສປປ ລາວເຮົາ ແລະ ໄດ້ປຶກສາຫາລື, ແລກປ່ຽນບົດຮຽນ ແລະ ປະສົບການຮ່ວມກັນ ໃນການສະກັດກັ້ນ, ຄວບຄຸມແລະຈໍາກັດການແຜ່ລະບາດຂອງພະຍາດ, ໂດຍໄດ້ເປັນເອກະພາບກັນສືບຕໍ່ເສີມຂະຫຍາຍການຮ່ວມມືພາຍໃນອາຊຽນ, ອາຊຽນ ກັບຄູ່ເຈລະຈາ ແລະ ຄູ່ຮ່ວມມື ລວມທັງກັບອົງການຈັດຕັ້ງສາກົນ ໂດຍສະເພາະອົງການອະນາໄມໂລກໂດຍຜ່ານບັນດາກົນໄກຮ່ວມມືອາຊຽນທີ່ມີຢູ່ ແລະ ໄດ້ພ້ອມກັນຢືນຢັນສືບຕໍ່ຮັດແໜ້ນການຮ່ວມມືເພື່ອຮັບປະກັນສະຖຽນລະພາບທາງດ້ານເສດຖະກິດຂອງພາກພື້ນ ໃຫ້ສາມາດຮັກສາໄດ້ການສະໜອງແບບຕ່ອງໂສ້ດ້ານການຄົມມະນາຄົມຂົນສົ່ງ, ການບໍລິການແລະການສະໜອງສິນຄ້າອຸປະໂພກ-ບໍລິໂພກ, ຢາປົວພະຍາດແລະອຸປະກອນການແພດທີ່ຈໍາເປັນ.

ໃນກອງປະຊຸມຄັ້ງນີ້, ທ່ານລັດຖະມົນຕີ ສະເຫຼີມໄຊ ກົມມະສິດ, ກໍໄດ້ປະກອບຄຳຄິດຄຳເຫັນແລະແລກປ່ຽນບົດຮຽນທີ່ດີຕໍ່ຄວາມພະຍາຍາມຂອງສປປລາວໃນການປ້ອງກັນ, ຄວບຄຸມ ແລະຮັບມືກັບການແຜ່ລະບາດຂອງພະຍາດໂຄວິດ-19ຄື:

1). ໄດ້ແຕ່ງຕັ້ງຄະນະສະເພາະກິດລະດັບຊາດ, ກະຊວງ, ແຂວງແລະເມືອງເພື່ອຕິດຕາມແລະສະກັດກັ້ນທ່າອ່ຽງການແຜ່ລະບາດຂອງພະຍາດຢ່າງໃກ້ຊິດແລະທັນການ;

2). ດໍາເນີນມາດຕະການ“ປິດປະເທດ”(lockdown) ໄລຍະແຕ່ວັນທີ 1-19 ເມສາ 2020, ເຊິ່ງລວມມີການປິດດ່ານທ້ອງຖິ່ນ, ດ່ານປະເພນີ ແລະ ດ່ານສາກົນ, ໃຫ້ປະຊາຊົນຢູ່ເຮືອນ, ໃຫ້ພະນັກງານເຮັດວຽກຢູ່ເຮືອນ, ຢຸດຕິການຊຸມນຸມຕ່າງໆຫຼາຍກວ່າ 10 ຄົນ, ປິດໂຮງຮຽນແລະສະຖາບັນການສຶກສາ,ຮ້ານຄ້າໃຫຍ່,ສະຖານທີ່ບັນເທິງແລະກິລາຕ່າງໆ, ເອົາໃຈໃສ່ໂຄສະນາເຜີຍແຜ່ຂໍ້ມູນໃຫ້ທົ່ວສັງຄົມເຂົ້າໃຈກ່ຽວກັບໄພອັນຕະລາຍແລະຄວາມສ່ຽງໃນການຕິດເຊື້ອພະຍາດແລະວິທີປ້ອງກັນຕົນເອງ, ແລະ ມີການໃຫ້ສໍາພາດຂ່າວກ່ຽວກັບສະພາບການແຜ່ລະບາດຂອງພະຍາດໂຄວິດ-19 ທຸກມື້.

- Wave100S AD to Website 2020 0 - ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມທາງໄກ  (Video Conference)ສະພາປະສານງານອາຊຽນ ຄັ້ງທີ 25)

3). ສຳລັບມາດຕະການປິ່ນປົວກໍລະນີຕິດເຊື້ອພະຍາດ, ລັດຖະບານໄດ້ກໍານົດໂຮງໝໍ ແລະ ສໍາຮອງຕຽງສໍາລັບປິ່ນປົວ ລວມທັງຝຶກອົບຮົມແພດໝໍແລະກະກຽມຄວາມພ້ອມດ້ານວັດຖຸອຸປະກອນການແພດແລະຢາປົວພະຍາດ.

4).ລັດຖະບານໄດ້ມີມາດຕະການຮອງຮັບຜົນກະທົບທາງດ້ານເສດຖະກິດກໍຄືຊີວິດການເປັນຢູ່ຂອງປະຊາຊົນທ່າມກາງການລະບາດຂອງພະຍາດໂຄວິດ-19.

5). ໄດ້ເນັ້ນເຖິງຄວາມສຳຄັນໃນການສືບຕໍ່ແລກປ່ຽນບົດຮຽນແລະປະສົບການທີ່ດີຮ່ວມກັນລວມທັງສະໜອງຂໍ້ມູນຂ່າວສານທີ່ຖືກຕ້ອງແລະຊັດເຈນ, ຫຼີກລ້ຽງການອອກຂ່າວປອມຫຼືທີ່ບໍ່ມີມູນຄວາມຈິງ, ເຊິ່ງຈະເຮັດໃຫ້ປະຊາຊົນແຕກຕື່ນ ແລະ ຂາດຄວາມເຊື່ອໝັ້ນ.
ພ້ອມກັນນີ້, ກອງປະຊຸມ ຍັງໄດ້ປຶກສາຫາລື ເພື່ອກະກຽມໃຫ້ແກ່ກອງປະຊຸມສຸດຍອດສະໄໝພິເສດຂອງຜູ້ນໍາອາຊຽນ ແລະ ກອງປະຊຸມສຸດຍອດສະໄໝພິເສດຜູ້ນໍາອາຊຽນບວກສາມ ກ່ຽວກັບພະຍາດໂຄວິດ-19, ຊຶ່ງຈະຈັດຂຶ້ນໃນມໍ່ໆນີ້.

- WhatsApp Image 2020 05 27 at 5 - ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມທາງໄກ  (Video Conference)ສະພາປະສານງານອາຊຽນ ຄັ້ງທີ 25)
- WhatsApp Image 2020 05 27 at 5 - ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມທາງໄກ  (Video Conference)ສະພາປະສານງານອາຊຽນ ຄັ້ງທີ 25)
error: Alert: ເນື້ອຫາຂ່າວມີລິຂະສິດ !!