ຮູ້ຈັກທີມແພດກູບາ ພາສູ້ໂຄວິດ

- 33 5 - ຮູ້ຈັກທີມແພດກູບາ ພາສູ້ໂຄວິດ
- Untitled design - ຮູ້ຈັກທີມແພດກູບາ ພາສູ້ໂຄວິດ

ໂດຍ:​ມຶກບໍ່ແຫ້ງ

ນອກເໜືອຈາກ ບົດຮຽນ ແລະຄວາມຮູ້ໃນການປາບໂຄວິດ ຂອງທີມແພດ ສປ ຈີ ນ ແລະ ປະເທດ ອື່ນແລ້ວ, ທີມແພດກູບາ ຍັງມີບົດບາດ ໃນການຊ່ວຍຊາວໂລກ ຕອບຕ້ານໂຄວິດຕື່ມອີກ.

1 ໃນ 3 ຂອງ ຜູ້ທີ່ຫາຍດີຈາກການປິ່ນປົວເນື່ອງຈາກ ການຕິດເຊື້ອໂຄວິດ 19 ຢູ່ອີຕາລີ ແມ່ນເນື່ອງມາຈາກການ ຊ່ວຍເຫຼືອຂອງ ທີມແພດ ກູບາ.

ເມື່ອວັນຈັນທີ່ຜ່ານມາ ພັກກອມມູນິດ ອີຕາລີ ກ່າວຜ່ານຊື່ມວນຊົນວ່າ “ເປັນເວລາກວ່າ 60 ປີ ພວກທ່ານ (ທີມແພດໝໍ ກູບາ) ແມ່ນຕົວຢ່າງທີ່ດີ ແລະເປັນທີ່ເພີ່ງຂອງຄົນທົ່ວໂລກ, ກູບາ ເປັນແບບຢ່າງ ໃນຄວາມເປັນຈິດໜຶ່ງໃຈດຽວກັນຂອງມະນຸດຊາດ, ບັນດາແພດໝໍ ຂອງກູບາ ທີ່ເຮັດວຽກ ໃນທົ່ວໂລກ ເປັນການ ສະແດງໃຫ້ເຫັນ ຄຸນຄ່າ ຂອງສັງຄົມນິຍົມ ທີ່ພວກເຮົາເຊີດຊູ”.

ແລະ ພັກກອມມູນິດ ອີຕາລີ ຍັງກ່າວຕື່ມວ່າ “ພາຍຫຼັງທີ່ລັດຖະບານພວກເຮົາ ໄດ້ຫຼຸດຄ່າໃຊ້ຈ່າຍ ຕໍ່ຂະແໜງສາທາລະນະສຸກ ໃນຫຼາຍປີຜ່ານມາ ເຮັດໃຫ້ວຽກງານສາທາລະນະສຸກ ມີຄວາມຫຍຸ້ງຍາກ ແຕ່ ມາຮອດມື້ນີ້ທີ່ຈຳເປັນ ແພດໝໍກູບາ ໄດ້ປະກົດຕົວ ເພື່ອຊ່ວຍພວກເຮົາຕໍ່ສູ້ກັບ ໂຄວິດ-19”.

ມາຮອດປັດຈຸບັນ ກູບາ ໄດ້ສົ່ງ ແພດໝໍ ຂອງຕົນ ເກືອບ 600​ຄົນ ໄປເຮັດວຽກຢູ່ 14​ປະເທດ ເພື່ອຕໍ່ສູ້ກັບ ການລະບາດພະຍາໂຄວິດ 19.

- Wave100S AD to Website 2020 0 - ຮູ້ຈັກທີມແພດກູບາ ພາສູ້ໂຄວິດ

ສະເພາະຢູ່ ເຂດເມືອງ ລົມບາດີ (Lombardy) ເຊິ່ງເປັນເຂດທີ່ມີຜູ້ຕິດເຊື້ອຫຼາຍເຂດໜຶ່ງຂອງ ອີຕາລີ ປະກອບມີ ແພດໝໍ ຂອງ ກູບາ 52 ຄົນ ທີ່ສາມາດຊ່ວຍເຫຼືອຜູ້ເຈັບປ່ວຍໄດ້ 400 ກໍລະນີ ເຊີ່ງສ້າງຄວາມປະທັບໃຈ ໃຫ້ແກ່ຊາວ ອີຕາລີ ບໍ່ໜ້ອຍເລີຍ.

ກູບາ ສ້າງພະນັກງງານແພດໝໍ ໄດ້ບໍ່ສະເພາະຮັບໃຊ້ປະເທດຕົນ ຈົນເຮັດໃຫ້ ຄົນກູບາ ອາຍຸຍືນສະເລ່ຍ (79 ປີ) ທຽບເທົ່າປະເທດທີ່ ເອີ້ນວ່າ ພັດທະນາແລ້ວ ແຕ່ ແພດກູບາ ຍັງປະກອບສ່ວນສຳຄັນແກ່ບັນດາປະເທດຕ່າງໆໃນທົ່ວໂລກ ລວມທັງ ສປປລາວເຮົາພວກເຮົານຳ.

ກູບາ ມີປະຫວັດ ການສົ່ງແພດໝໍຂອງຕົນອອກຊ່ວຍປະເທດຕ່າງໆຍາມຈຳເປັນມາຍາວນານ. ພາຍຫຼັງ ທີ່ ທ່ານ ຟີແດນ ກາສໂຕຣ (Fidel Gastro) ກາຍເປັນຜູ້ນຳ ຂອງ ກູບາ ໃນ ປີ 1960​ ນັ້ນ ກູບາໄດ້ ສົ່ງພະນັກງງານ ແພດໝໍໄປຊ່ວຍ ປະເທດ ຈີເລ ເນື່ອງຈາກ ແຜ່ນດິນໄຫວ, ສົ່ງ ພະນັກງງານ ແພດໝໍ ໄປປະເທດ ອານເຊລີ ເມື່ອປະເທດດ່ງກ່າວ ໄດ້ຮັບການປົດປ່ອຍ ເພື່ອຊ່ວຍ ໃນການສ້າງພື້ນຖານໃຫ້ຂະແໜງສາທາລະນະສຸກ.

ກູບາ ແມ່ນປະເທດ ເພື່ອນມິດທີ່ດີ ຂອງສປປລາວ ເຊິ່ງມີສາຍພົວພັນທີ່ດີ ມາຫຼາຍສີບປີ, ເມື່ອທ້າຍປີ 2019 ທີ່ຜ່ານມາ ທີ່ທ່ານ ສະເຫຼີມໄຊ ກົມມະສິດ ລັດຖະມົນຕີ ວ່າການກະຊວງການຕ່າງປະເທດ ໄດ້ໄປຢ້ຽມຢາມ ປະເທດກູບາ ເຊິ່ງໜຶ່ງໃນ ການຮ່ວມມືທີ່ສຳຄັນ ກໍຄື ຂະແໜງສາທາລະນະສຸກ ເຊິ່ງ ເມື່ອປີຜ່ານມາ ລັດຖະບານ ກູບາ ກໍໄດ້ ໃຫ້ທຶນການສຶກສາ ແກ່ ສປປລາວ ຈຳນວນ 6 ທຶນ ເພື່ອໄປສຶກຢູ່ ມະຫາວິທະຍາໄລການແພດ ຢູ່ ເມືອງຫຼວງ ຮາວານ່າ ເຊິ່ງ ຜ່ານການຮ່ວມມືນີ້ ກໍຫວັງວ່າ ຈະປະກອບສ່ວນໃຫ້ ຂະແໜງສະທາລະນະສຸກ ພວກເຮົາ ເຂັ້ມແຂງຂຶ້ນຕື່ມ.

ພ້ອມນັ້ນ, ໃນໄລຍະທີ່ ໂລກກໍ ຄືປະເທດເຮົາ ກຳລັງພົບສິ່ງທ້າທາຍ ໃນການຮັບມືກັບການລະບາດຂອງພະຍາດໂຄວິດ 19 ນີ້ ການຮ່ວມກັບສາກົນ ແມ່ນມີຄວາມສຳຄັນ, ນອກເໜືອ ຈາກປະເທດເພື່ອນມິດອື່ນ ພວກເຮົາຍັງມີ ກູບາ ທີ່ສາມາດໃຫ້ຄຳແນະນຳ ແລະຊ່ວຍເຫຼືອໄດ້.

- WhatsApp Image 2020 05 27 at 5 - ຮູ້ຈັກທີມແພດກູບາ ພາສູ້ໂຄວິດ
- WhatsApp Image 2020 05 27 at 5 - ຮູ້ຈັກທີມແພດກູບາ ພາສູ້ໂຄວິດ
error: Alert: ເນື້ອຫາຂ່າວມີລິຂະສິດ !!