ວຸ້ນໜັກ ! ເຊື້ອພະວົງອາຣັບບີ ຊາອຸດິດ 150 ພະອົງ ຕິດໂຄວິດ-19

- 100 - ວຸ້ນໜັກ ! ເຊື້ອພະວົງອາຣັບບີ ຊາອຸດິດ 150 ພະອົງ ຕິດໂຄວິດ-19
- Untitled design - ວຸ້ນໜັກ ! ເຊື້ອພະວົງອາຣັບບີ ຊາອຸດິດ 150 ພະອົງ ຕິດໂຄວິດ-19

     ສະມາຊິກຣາຊະວົງອາຣັບບີ ຊາອຸດິດ ຕິດໂຄວິດ-19 ຈຳນວນ 150 ພະອົງ ສົ່ງຜົນໃຫ້ໂຮງໝໍສະເພາະທາງວຸ້ນວາຍໜັກ ກຽມ 500 ຕຽງຮອງຮັບ, ສ່ວນກະສັດຣິຊັລມານ ແຍກພະອົງໄປນອກເມືອງຫລວງ, ສ່ວນພັນລະຍາ ໂມຮຳເໝັດ ບິນ ຊັລມານ ໄປຢູ່ໃນພື້ນທີ່ທະເລແດງ.

     ເວັບໄຊເດລີເມລ ລາຍງານສະຖານະການ ໂຄວິດ-19 ໃນປະເທດອາຣັບບີ ຊາອຸດິດ ວານນີ້ (9 ເມສາ) ວ່າ: ສະມາຊິກຣາຊະວົງຕິດເຊື້ອຈຳນວນ 150 ພະອົງ ຈາກຈຳນວນທັງໝົດ 15.000 ພະອົງ ໂດຍໜຶ່ງໃນຈຳນວນຜູ້ຕິດເຊື້ອນັ້ນລວມທັງ ເຈົ້າຊາຍໄຟຊັລ ບິນ ບັນດາ ບິນ ອັບດຸນອາຊິ ເຈົ້າຄອງນະຄອນຫລວງຣິຍາດ ອາຍຸ 70 ປີ ເຊິ່ງກຳລັງຢູ່ໃນການເບິ່ງແຍງຈາກທີມແພດຢ່າງໃກ້ຊິດ.

     ຫລ້າສຸດ ມີລາຍງານວ່າ: ຄະນະແພດໂຮງໝໍສະເພາະທາງກະສັດໄຟຊາລ ເຊິ່ງເປັນໂຮງໝໍຊັ້ນສູງໃນນະຄອນຫລວງຣິຍາດໄດ້ກຽມພ້ອມຕຽງໄວ້ 500 ຕຽງ ເພື່ອປິ່ນປົວຄົນໄຂ້ສະມາຊິກຣາຊະວົງ ແລະ ຜູ້ປ່ວຍບຸກຄົນສຳຄັນທົ່ວປະເທດທີ່ຄາດຈະເຂົ້າມາເລື້ອຍໆ, ສ່ວນສະມາຊິກຣາຊະວົງທີ່ລະດັບຂັ້ນບໍ່ສູງ ຕ່າງປ່ວຍໂຣກໂຄວິດ-19 ເປັນຈຳນວນຫລາຍ.

    ລາຍງານຂ່າວຍັງລະບຸອີກວ່າ: ຜູ້ປ່ວຍໂຄວິດ-19 ຄົນທຳອິດຢູ່ອາຣັບບີ ຊາອຸດິດ ມີປະຫວັດການເດີນທາງກັບມາຈາກອີຣານ ເຊິ່ງເປັນໜຶ່ງໃນຈຸດທີ່ມີການລະບາດຄັ້ງໃຫຍ່ ກ່ອນຈະລຸກລາມໄປອີກຫລາຍປະເທດຕາເວັນອອກກາງ, ຂະນະທີ່ຕົວເລກຜູ້ປ່ວຍຢູ່ອາຣັບບີ ຊາອຸດິດ ມີຜູ້ຕິດເຊື້ອ 3.287 ຄົນ ແລະ ເສຍຊີວິດ 44 ຄົນ.

- Wave100S AD to Website 2020 0 - ວຸ້ນໜັກ ! ເຊື້ອພະວົງອາຣັບບີ ຊາອຸດິດ 150 ພະອົງ ຕິດໂຄວິດ-19
- WhatsApp Image 2020 05 27 at 5 - ວຸ້ນໜັກ ! ເຊື້ອພະວົງອາຣັບບີ ຊາອຸດິດ 150 ພະອົງ ຕິດໂຄວິດ-19
- WhatsApp Image 2020 05 27 at 5 - ວຸ້ນໜັກ ! ເຊື້ອພະວົງອາຣັບບີ ຊາອຸດິດ 150 ພະອົງ ຕິດໂຄວິດ-19
error: Alert: ເນື້ອຫາຂ່າວມີລິຂະສິດ !!