ນັກວິໄຈຮົງກົງຊີ້ເຊື້ອ “ໂຄວິດ” ມີຊີວິດຢູ່ນຳຜ້າອັດປາກ 1 ອາທິດ

- 101 - ນັກວິໄຈຮົງກົງຊີ້ເຊື້ອ “ໂຄວິດ” ມີຊີວິດຢູ່ນຳຜ້າອັດປາກ 1 ອາທິດ
- Untitled design - ນັກວິໄຈຮົງກົງຊີ້ເຊື້ອ “ໂຄວິດ” ມີຊີວິດຢູ່ນຳຜ້າອັດປາກ 1 ອາທິດ

     ວັນທີ 8 ເມສາ 2020 ທີມວິໄຈຈາກມະຫາວິທະຍາໄລຮົງກົງ (University of Hong Kong) ຫລື HKU ເປີດເຜີຍລາຍງານການສຶກສາກ່ຽວກັບເຊື້ອໄວຣັສໂຄວິດ-19 ໃນການເອົາຕົວລອດບົນພື້ນຜິວຂອງວັດຖຸຕ່າງໆນອກຮ່າງກາຍຂອງສິ່ງມີຊີວິດ ແລະ ພົບວ່າ: ໂຄວິດ-19 ສາມາດມີຊີວິດຢູ່ໃນຜ້າອັດປາກໄດ້ດົນເຖິງ 7 ວັນ.

    ທັງນີ້ ແນ່ນອນວ່າການໃສ່ຜ້າອັດປາກຈະປ້ອງກັນການແຜ່ເຊື້ອ ແລະ ການຮັບເຊື້ອເຂົ້າສູ່ຮ່າງກາຍ, ແຕ່ການວິໄຈນີ້ບົ່ງບອກວ່າ: ເມື່ອເຮົາໃຊ້ຜ້າອັດປາກໃນພື້ນທີ່ສ່ຽງ ຫລື ໃຫ້ຜູ້ຕິດເຊື້ອໃສ່, ຜ້າອັດປາກອັນນັ້ນ ຍ່ອມມີເຊື້ອໄວຣັສໂຄວິດ-19 ເກາະຕິດບົນພື້ນຜິວ ບໍ່ວ່າຈະເປັນທາງໃນ ຫລື ທາງນອກຂອງຜ້າອັດປາກ.

     ດັ່ງນັ້ນ ການຖອດຜ້າອັດປາກ ຈຶ່ງຕ້ອງເຮັດຢ່າງລະມັດລະວັງ ເພາະມີໂອກາດສູງທີ່ເຊື້ອໂຄວິດ-19 ຈະຕິດມືຂອງເຮົາ. ດັ່ງນັ້ນ ເມື່ອຖອດຜ້າອັດປາກ ບໍ່ວ່າຈະເປັນການຖອດເຂົ້າຖອດອອກ ຈຶ່ງຄວນປ້ອງກັນດ້ວຍການລ້າງມືທຸກຄັ້ງ ແລະ ຖ້າເປັນໄປໄດ້ ບໍ່ຄວນເອົາຜ້າອັດປາກທີ່ອອກແບບມາເພື່ອໃຊ້ເທື່ອດຽວ ມາໃຊ້ອີກ.

     ນອກຈາກນີ້ ການວິໄຈຈຶ່ງເນັ້ນໃຫ້ເຫັນວ່າ: ເຮົາຈະຕ້ອງຫລີກລ່ຽງການສຳຜັດພື້ນຜິວທາງນອກຂອງຜ້າອັດປາກທີ່ເຮົາໃສ່ຢູ່ ເພາະບໍລິເວນນັ້ນມີເຊື້ອໄວຣັສເກາະຕິດຢູ່.

- Wave100S AD to Website 2020 0 - ນັກວິໄຈຮົງກົງຊີ້ເຊື້ອ “ໂຄວິດ” ມີຊີວິດຢູ່ນຳຜ້າອັດປາກ 1 ອາທິດ

     ສ່ວນການເກາະຕິດວັດຖຸຊະນິດອື່ນ, ນັກວິໄຈຂອງ HKU ພົບວ່າ: ເຊື້ອໄວຣັສໂຄວິດ-19 ເກາະຕິດຢູ່ເຈ້ຍອະນາໄມ ຫລື ເຈ້ຍທຳມະດາໄດ້ເຖິງ 3 ຊົ່ວໂມງ, ຕິດຢູ່ນຳໄມ້ ເຊັ່ນເຟີນີເຈີໄດ້ 24 ຊົ່ວໂມງ, ຕິດຢູ່ນຳແກ້ວ ແລະ ທະນະບັດໄດ້ເຖິງ 72 ຊົ່ວໂມງ (3 ວັນ), ຕິດຢູ່ນຳປາລາສະຕິກ ແລະ ສະແຕນເລັດໄດ້ເຖິງ 7 ວັນ.

     ທັງນີ້ ເຖິງວ່າຈະໃຊ້ຜ້າອັດປາກ, ຮັກສາໄລຍະຫ່າງທາງສັງຄົມແລ້ວ ຍັງມີໂອກາດຕິດເຊື້ອໄວຣັສໂຄວິດ ຈາກການໃຊ້ຊີວິດປະຈຳວັນ ນັບແຕ່ການຈັບອັນເປີດປະຕູ. ດັ່ງນັ້ນ ຈຶ່ງບໍ່ຄວນຈັບສິ່ງຂອງຜູ້ອື່ນ ເຖິງວ່າຈະໄດ້ຮັບອະນຸຍາດ ແລະ ລ້າງມືເລື້ອຍໆ.

- WhatsApp Image 2020 05 27 at 5 - ນັກວິໄຈຮົງກົງຊີ້ເຊື້ອ “ໂຄວິດ” ມີຊີວິດຢູ່ນຳຜ້າອັດປາກ 1 ອາທິດ
- WhatsApp Image 2020 05 27 at 5 - ນັກວິໄຈຮົງກົງຊີ້ເຊື້ອ “ໂຄວິດ” ມີຊີວິດຢູ່ນຳຜ້າອັດປາກ 1 ອາທິດ
error: Alert: ເນື້ອຫາຂ່າວມີລິຂະສິດ !!