ພິດໂຄວິດ-19 ອົງການອອກເຟມເຕືອນ 500 ລ້ານຄົນສ່ຽງຕົກຢູ່ໃນສະພາບທຸກຍາກ

- 103 - ພິດໂຄວິດ-19 ອົງການອອກເຟມເຕືອນ 500 ລ້ານຄົນສ່ຽງຕົກຢູ່ໃນສະພາບທຸກຍາກ
- Untitled design - ພິດໂຄວິດ-19 ອົງການອອກເຟມເຕືອນ 500 ລ້ານຄົນສ່ຽງຕົກຢູ່ໃນສະພາບທຸກຍາກ

    ກະຊວງແຮງງານຂອງອາເມລິກາ ເປີດເຜີຍວ່າ: ອາທິດຜ່ານມາ, ມີຜູ້ລົງທະບຽນວ່າງວຽກຫລາຍກວ່າ 6,6 ລ້ານຄົນ ສົ່ງຜົນໃຫ້ໃນໄລຍະ 3 ອາທິດນີ້ ມີຜູ້ລົງທະບຽນວ່າງວຽກລວມຫລາຍກວ່າ 16 ລ້ານຄົນ, ຄາດວ່າຈຳນວນຜູ້ຕົກງານທີ່ຈະສະຫລຸບອອກມາໃນທ້າຍເດືອນເມສານີ້ ອາດສູງເຖິງ 15% ຂອງຊາວອາເມລິກາທົ່ວປະເທດ, ຖ້າເປັນໄປຕາມຄາດຄະເນຈະຖືເປັນຕົວເລກຜູ້ຕົກງານທຽບເທົ່າໄລຍະທີ່ປະເທດປະສົບຫາຍະນະທາງເສດຖະກິດ ຊ່ວງທົດສະວັດທີ 30 ຮູ້ຈັກກັນທົ່ວໄປໃນຍຸກ Great Depression ຫລື ມະຫາສະໝຸດທາງເສດຖະກິດ. ທັງນີ້ ການຕົກງານຂອງຊາວອາເມລິກາ ເປັນຜົນຈາກມາດຕະການຢັບຢັ້ງການແຜ່ລະບາດຂອງໂຄວິດ-19 ເນື່ອງຈາກທຸລະກິດສ່ວນຫລາຍຈຳເປັນຕ້ອງປິດລົງຊົ່ວຄາວ ແລະ ຊາວອາເມລິກາປະມານ 95% ຕ້ອງຢູ່ພາຍໃນມາດຕະການລັອກດາວ.

       ສ່ວນອ໊ອກເຟມ (Oxfam) ຫລື ອົງການຊ່ວຍເຫລືອຜູ້ທຸກຍາສາກົນ ເປີຍເຜີຍການວິເຄາະ ແລະ ເຕືອນວ່າ: ອາດມີປະຊາກອນໂລກປະມານ 500 ລ້ານຄົນ ຕົກຢູ່ໃນສະພາບຄວາມທຸກຍາກ ເນື່ອງຈາກຜົນກະທົບຂອງໂຄວິດ-19, ຖ້າວ່າປະເທດຮັ່ງມີບໍ່ຊ່ວຍເຫລືອປະເທດກຳລັງພັດທະນາຢ່າງຮີບດ່ວນ. ພ້ອມແນະນຳແນວທາງການຊ່ວຍເຫລືອໂດຍປະເທດພັດທະນາແລ້ວເຊັ່ນ: ການບັນເທົາໜີ້ມູນຄ່າໜຶ່ງຕື້ໂດລາຂອງປະເທດກຳລັງພັດທະນາທີ່ຕ້ອງຈ່າຍປີນີ້ ລວມທັງການໃຫ້ເງິນຊ່ວຍເຫລືອ 500 ລ້ານໂດລາ ແລະ ແນະນຳໃຫ້ກອງທຶນການເງິນສາກົນ ຫລື IMF ໃຫ້ສິດກູ້ເງິນພິເສດມູນຄ່າໜຶ່ງຕື້ໂດລາ ສຳລັບປະເທດທີ່ມີຄວາມຕ້ອງການສຸກເສີນ.

     ຂະນະທີ່ກອງທຶນການເງິນສາກົນ ຫລື IMF ເຕືອນວ່າ: ການລະບາດໃຫຍ່ຂອງໂຄວິດ-19 ຈະເຮັດໃຫ້ທົ່ວໂລກຜະເຊີນກັບວິກິດເສດຖະກິດຄັ້ງຮ້າຍແຮງທີ່ສຸດ ນັບແຕ່ເຫດການເສດຖະກິດຕົກຕໍ່າຄັ້ງໃຫຍ່ (The Great Depression) ໃນທະວີບອາເມລິກາເໜືອ ແລະ ເອີຣົບ ຫລັງສົງຄາມໂລກຄັ້ງທີ 1 ແລະ ຂະຫຍາຍລຸກລາມໄປທົ່ວໂລກ ໂດຍ IMF ຕີລາຄາວ່າ: ໃນປີ 2021 ເສດຖະກິດໂລກຈະສາມາດຟື້ນຕົວໄດ້ພຽງບາງສ່ວນເທົ່ານັ້ນ.

- Wave100S AD to Website 2020 0 - ພິດໂຄວິດ-19 ອົງການອອກເຟມເຕືອນ 500 ລ້ານຄົນສ່ຽງຕົກຢູ່ໃນສະພາບທຸກຍາກ
- WhatsApp Image 2020 05 27 at 5 - ພິດໂຄວິດ-19 ອົງການອອກເຟມເຕືອນ 500 ລ້ານຄົນສ່ຽງຕົກຢູ່ໃນສະພາບທຸກຍາກ
- WhatsApp Image 2020 05 27 at 5 - ພິດໂຄວິດ-19 ອົງການອອກເຟມເຕືອນ 500 ລ້ານຄົນສ່ຽງຕົກຢູ່ໃນສະພາບທຸກຍາກ
error: Alert: ເນື້ອຫາຂ່າວມີລິຂະສິດ !!