ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ

- 4 - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ
- Untitled design - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ

     ຈາກຜົນການວິໄຈເມື່ອບໍ່ດົນມານີ້ ພົບວ່າ ເດັກນ້ອຍໃນຍຸກປັດຈຸບັນນິຍົມບໍລິໂພກເຄື່ອງດື່ມທີ່ປະສົມນຳ້ຕານໃນປະລິມານຫລາຍ ໂດຍສະເພາະເດັກອາຍຸ 6 – 14 ປີ ມີການດື່ມຕໍ່ອາທິດຫລາຍທີ່ສຸດ ແນະນຳປ້ອງກັນອັນຕະລາຍຈາກການບໍລິໂພກນຳ້ຕານຫລາຍເກີນໄປ ເພື່ອຫລຸດປະລິມານນຳ້ຕານສ່ວນເກີນ ແລະ ປ້ອງກັນແຂ້ວແມງ.

- 040604 2020 - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ

     ການບໍລິໂພກນຳ້ຕານທີ່ເປັນສ່ວນປະກອບຂອງອາຫານ ແລະ ເຄື່ອງດື່ມທີ່ຫລາຍເກີນໄປ ຈະກໍ່ໃຫ້ເກີດຜົນເສຍຕໍ່ສຸຂະພາບຕາມມາ ເຊັ່ນ : ພະຍາດຕຸ້ຍ, ເບົາຫວານ,​ ຫົວໃຈ ແລະ ຫລອດເລືອດ ແລະ ແຂ້ວແມງ ເປັນຕົ້ນ ໂດຍປະລິມານນຳ້ຕານທີ່ທຸກຄົນຄວນໄດ້ຮັບສ່ວນຫລາຍມາຈາກເຂົ້າໜົມ ແລະ ເຄື່ອງດື່ມທີ່ມີສ່ວນປະສົມຂອງນຳ້ຕານ ຈາກການສຶກສາຂອງການດຳເນີນມາດຕະການພາສີເຄື່ອງດື່ມລົດຊາດຫວານຕໍ່ພຶດຕິກຳການບໍລິໂພກຂອງປະຊາຊົນ ພົບວ່າ ປັດຈຸບັນປະຊາກອນໂລກນິຍົມການບໍລິໂພກນຳ້ຕານຫລາຍຂຶ້ນທຸກມື້ ຈາກອາຫານ ຈາກເຄື່ອງດື່ມຕ່າງໆ ໂດຍສະເພາະແມ່ນໃນຜູ້ຊາຍຈະດື່ມຫລາຍກ່ວາແມ່ຍິງ ແລະ ພົບວ່າໃນກຸ່ມເດັກອາຍຸ 6 – 14 ປີ ເປັນກຸ່ມທີ່ດື່ມເຄື່ອງດື່ມທີ່ປະສົມນຳ້ຕານສະເລ່ຍຕໍ່ອາທິດຫລາຍທີ່ສຸດ. ເຄື່ອງດື່ມທີ່ປະສົມນຳ້ຕານທີ່ວາງຈຳໜ່າຍໃນປະເທດລາວເຮົາມີປະລິມານນຳ້ຕານສູງຫລາຍ ສະເລ່ຍ 9 – 19 ກຣາມ ຕໍ່ 100 ມິນລີລິດ. ໃນຂະນະທີ່ປະລິມານທີ່ເໝາະສົມແມ່ນບໍ່ຄວນມີນຳ້ຕານຫລາຍກ່ວາ 6 ກຣາມ ຕໍ່ 100 ມິນລີລິດ ເພາະຈະເພີ່ມໂອກາດສ່ຽງຕໍ່ການເກີດພະຍາດຕຸ້ຍ ແລະ ພະຍາດບໍ່ຕິດຕໍ່ຊຳ້ເຮື້ອໄດ້ໃນໄລຍະຍາວ.

- 030604 2020 - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ

     ນຳ້ຕານເປັນແຫ່ລງອາຫານຊັ້ນດີຂອງແບັກທີເຣຍໃນການຜະລິດກົດທຳລາຍຜິວເຄືອບແຂ້ວ ຈົນລຸກລາມໄປເລື້ອຍໆ ຫາກບໍ່ມີການປັບປ່ຽນພຶດຕິກຳ ໂດຍຄວນເນັ້ນບໍລິໂພກຜັກ ຫລື ໝາກໄມ້ທີ່ມີເສັ້ນໄຍເຊວລູໂລສ ເພາະມີປະໂຫຍດຕໍ່ຮ່າງກາຍ ເຊິ່ງການຫຍຳ້ເສັ້ນໄຍຈະຊ່ວຍກະຕຸ້ນໃຫ້ມີນຳ້ລາຍຫລາຍຂຶ້ນ ສາມາດເຈືອຈາງສະພາບຄວາມເປັນກົດໄດ້ເປັນຢ່າງດີ ລວມທັງອາຫານກຸ່ມໂປຣຕິນ ເຊັ່ນ : ຖົ່ວຕ່າງໆ, ນົມທີ່ມີທາດການຊຽມ ແລະ ຟົສຟໍຫລາຍ ຫາກຢາກດື່ມເຄື່ອງດື່ມທີ່ປະສົມນຳ້ຕານ ແນະນຳໃຫ້ສັ່ງສູດຫວານໜ້ອຍ ເພື່ອຫລຸດປະລິມານນຳ້ຕານສ່ວນເກີນ.

- Wave100S AD to Website 2020 0 - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ

     ທັງນີ້ ເຄື່ອງດື່ມທີ່ດີທີ່ສຸດສຳລັບຮ່າງກາຍ ກໍແມ່ນນຳ້ດື່ມບໍລິສຸດ ໂດຍຄວນດື່ມຢ່າງໜ້ອຍ 6 – 8 ຈອກຕໍ່ມື້ ເພາະຈະຊ່ວຍຊຳລະລ້າງເສດອາຫານທີ່ຕົກຄ້າງຢູ່ໃນຜົ້ງປາກ ເຮັດໃຫ້ປາກບໍ່ແຫ້ງ, ຫລຸດບັນຫາກິ່ນປາກ ເປັນຜົນດີຕໍ່ສຸຂະພາບແຂ້ວ ແລະ ບໍ່ກໍ່ໃຫ້ເກີດແຂ້ວແມງ ເປັນຕົ້ນ.

- WhatsApp Image 2020 05 27 at 5 - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ
- WhatsApp Image 2020 05 27 at 5 - ເດັກນ້ອຍຕິດຫວານ ອັນຕະລາຍຈາກການຮັບນຳ້ຕານຫລາຍເກີນໄປ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!