ເປີດຫ້ອງການຕາງໜ້າບໍລິສັດ ຈີອີ ຢູ່ລາວ

- IMG 1947 - ເປີດຫ້ອງການຕາງໜ້າບໍລິສັດ ຈີອີ ຢູ່ລາວ
- Untitled design - ເປີດຫ້ອງການຕາງໜ້າບໍລິສັດ ຈີອີ ຢູ່ລາວ

ບໍລິສັດ ເຈນເນໂຣນ ອີເລັກຕຣິກ Genaral Electric (GE) ແມ່ນບໍລິສັດອຸດສະຫະກໍາດີຈີຕອນຂະໜາດໃຫຍ່ແຖວໜ້າຂອງໂລກ, ຊຶ່ງມີສໍານັກງານໃຫຍ່ຢູ່ສະຫະລັດອາເມລິກາ, ໄດ້ເຂົ້າມາເປີດຫ້ອງການຕາງໜ້າຂອງຕົນຢູ່ ສປປ ລາວ, ໂດຍມີສໍານັກງານຢູ່ຊັ້ນ 9 ຂອງອາຄານສູນການຄ້າວຽງຈັນເຊັນເຕີ, ນະຄອນຫລວງວຽງຈັນ, ໂດຍພິທີເປີດຫ້ອງການດັ່ງກ່າວຢ່າງເປັນທາງການໄດ້ມີຂຶ້ນເມື່ອທ້າຍອາທິດຜ່ານມາທີ່ໂຮງແຮມຄລາວພລາຊາ, ນະຄອນຫລວງວຽງຈັນ, ໂດຍມີຮອງລັດຖະມົນຕີກະຊວງພະລັງງານ-ບໍ່ແຮ່ຂອງລາວ, ມີທ່ານເອກອັກຄະລັດຖະທູດສະຫະລັດອາເມລິກາປະຈໍາລາວເຂົ້າຮ່ວມນຳດ້ວຍ.

ຜູ້ບໍລິຫານສູງສຸດຂອງບໍລິສັດດັ່ງກ່າວທ່ານ ວູເຕີ ແວນ ເວີຮ (Wouter Van Wersch) ໃຫ້ຮູ້ວ່າ: ການເປີດຫ້ອງການດັ່ງກ່າວຢູ່ ສປປ ລາວນີ້, ຖືເປັນການຂະຫຍາຍການບໍລິການສູ່ພາກພື້ນອາຊຽນນໍາດ້ວຍ ແລະ ສປປ ລາວ ກໍເປັນໜຶ່ງໃນໂລກທີ່ມີເສດຖະກິດຂະຫຍາຍຕົວສູງສະເລ່ຍ 7% ຕໍ່ປີ, ເນື່ອງຈາກ ສປປ ລາວ ພວມມີການພັດທະນາພື້ນຖານໂຄງລ່າງທີ່ສໍາຄັນຫລາຍດ້ານ, ໂດຍສະເພາະແມ່ນດ້ານພະລັງງານໄຟຟ້າທີ່ຕັ້ງເປົ້າໝາຍໄວ້ໃນການເປັນຜູ້ຜະລິດ ແລະ ສົ່ງອອກໄຟຟ້າລາຍໃຫຍ່ໃນອາຊຽນໃນອານາຄົດ ແລະ ພວກເຮົາເຊື່ອໝັ້ນວ່າຈະສາມາດຊ່ວຍໃຫ້ປະເທດລາວບັນລຸເປົ້າໝາຍດັ່ງກ່າວໄດ້ຢ່າງແນ່ນອນ, ດ້ວຍການສະໜອງການບໍລິການແບບຄົບວົງຈອນໃນດ້ານການຜະລິດໄຟຟ້າ, ລະບົບດີຈີຕອນ, ດ້ານເທັກໂນໂລຊີ, ການເງິນ-ການລົງທຶນ, ການພັດທະນາຊັບພະຍາກອນມະນຸດທີ່ມີຄຸນນະພາບ ແລະ ອື່ນໆ, ຊຶ່ງໃນໄລຍະຜ່ານມາບໍລິສັດໄດ້ສະໜອງອຸປະກອນ, ກົນຈັກ ແລະ ເຄື່ອງມືດ້ານເຕັກໂນໂລຊີໃຫ້ເຂື່ອນໄຟຟ້າຫລາຍແຫ່ງຢູ່ລາວຄື: ດອນສະຫົງ, ເທີນຫີນບູນ, ຫ້ວຍໂຫະ, ນາບົງ, ໄຊຍະບູລີ, ນໍ້າງື່ມ 2, 3, ຫົງສາລີກໄນ, ປາກມອງ, ເຂື່ອນເຊນໍ້ານ້ອຍ ແລະ ອື່ນໆ.

ທ່ານ ວູເຕີ ກ່າວວ່າ: ໃນໂອກາດເດີນທາງມາຢ້ຽມຢາມ ສປປ ລາວເປັນຄັ້ງປະຫວັດສາດຂອງອະດີດປະທານາທິບໍດີສະຫະລັດອາເມລິກາ ທ່ານ ບາຣັກ ໂອບາມາ ເມື່ອເດືອນກັນຍາ 2016 ຜ່ານມາ, ຊຶ່ງໃນໂອກາດດັ່ງກ່າວບໍລິສັດຂອງຕົນ ແລະ ລັດວິສາຫະກິດໄຟຟ້າລາວໄດ້ມີການເຊັນສັນຍາຮ່ວມມືເພື່ອພັດທະນາຂະແໜງໄຟຟ້າໃນລາວ, ຊຶ່ງປະກອບມີການສະໜັບສະໜູນອຸປະກອນຈາກໂຮງງານ GE ສໍາລັບໃຊ້ໃນຫ້ອງທົດລອງ ແລະ ການຝຶກອົບຮົມບຸກຄະລາກອນຂອງລາວ ແລະ ໃນໄລຍະ 8 ເດືອນຜ່ານມາມີພະນັກງານໄຟຟ້າລາວ, ນັກສຶກສາຈາກມະຫາວິທະຍາໄລແຫ່ງຊາດ ແລະ ຊັບພະວິຊາຫລາຍກວ່າ 150 ຄົນໄດ້ຮັບຝຶກອົບຮົມໃນດ້ານເທັກໂນໂລຊີພະລັງນໍ້າ, ດ້ານການເງິນ, ຄວາມປອດໄພ, ການປະຕິບັດງານ, ການບໍາລຸງຮັກສາ ແລະ ອື່ນໆ.

- Wave100S AD to Website 2020 0 - ເປີດຫ້ອງການຕາງໜ້າບໍລິສັດ ຈີອີ ຢູ່ລາວ

ທ່ານ ວູເຕີ ກ່າວວ່າ: GE ເປັນບໍລິສັດແຖວໜ້າໃນຂະແໜງການບິນຂອງໂລກ, ໂດຍສະເພາະສະໜອງການຂົນສົ່ງທາງອາກາດດ້ານການຄ້າ, ການທະຫານ, ທຸລະກິດ ແລະ ການບິນທົ່ວໄປ, ສະໜອງອຸປະກອນກ່ຽວກັບໃບພັດເຄື່ອງບິນອາຍພົນ, ເຄື່ອງຈັກ ແລະ ອຸປະກອນໄຟຟ້າກ່ຽວກັບການບິນທົ່ວໂລກ. ນອກຈາກນີ້ຍັງສະໜອງເທັກໂນໂລຊີວິທະຍາສາດທີ່ທັນສະໄໝໃຫ້ແກ່ວົງການແພດໃນໂລກອີກດ້ວຍ.

- WhatsApp Image 2020 05 27 at 5 - ເປີດຫ້ອງການຕາງໜ້າບໍລິສັດ ຈີອີ ຢູ່ລາວ
- WhatsApp Image 2020 05 27 at 5 - ເປີດຫ້ອງການຕາງໜ້າບໍລິສັດ ຈີອີ ຢູ່ລາວ
error: Alert: ເນື້ອຫາຂ່າວມີລິຂະສິດ !!