ປີຜ່ານມາຢູ່ນະຄອນຫລວງວຽງຈັນພົບຜູ້ລະເມີດລະບຽບຈະລາຈອນຫລາຍກວ່າ 20 ພັນກໍລະນີ

- advert banner 728 90 728x90 - ປີຜ່ານມາຢູ່ນະຄອນຫລວງວຽງຈັນພົບຜູ້ລະເມີດລະບຽບຈະລາຈອນຫລາຍກວ່າ 20 ພັນກໍລະນີ

ຮອງຫົວໜ້າຫ້ອງຕໍາຫລວດ ປກສ ນະຄອນຫລວງວຽງຈັນທ່ານພັນໂທ ສຸລິວັນ ລາດຊະວົງ ເປີດເຜີຍວ່າ: ປີ 2016 ຜ່ານມາ, ເຈົ້າໜ້າທີ່ຈະລາຈອນໃນ 9 ຕົວເມືອງນະຄອນຫລວງວຽງຈັນສາມາດພົບເຫັນນັກຂັບຂີ່ລະເມີດລະບຽບຈະລາຈອນ ເຊັ່ນ: ຂັບຂີ່ລົດໄວເກີນຂອບເຂດ, ເມົາແລ້ວຂັບລົດ, ລ່ວງໄຟອໍານາດ, ລ່ວງປ້າຍຫ້າມ, ບໍ່ມີເອກະສານຄົບຖ້ວນ ແລະ ອື່ນໆ ຫລາຍກວ່າ 20 ພັນກໍລະນີ, ໃນນີ້ໄດ້ດໍາເນີນ ການປັບໃໝຫລາຍກວ່າ 15 ພັນກໍລະນີ ແລະ 8 ພັນກວ່າກໍລະນີແມ່ນສຶກສາອົບຮົມກ່າວເຕືອນ. ສົ່ງຜົນໃຫ້ມີອຸປະຕິເຫດເກີດຂຶ້ນຫລາຍກວ່າ 1.500 ກໍລະນີ, ມີຜູ້ເສຍຊີວິດ 266 ຄົນ, ໃນນີ້ເມືອງໄຊທານີ, ຈັນທະບູລີ, ຫາດຊາຍຟອງ, ສີສັດຕະນາກ, ໄຊເສດຖາ, ສີໂຄດຕະບອງແມ່ນມີອຸປະຕິເຫດເກີດຂຶ້ນຫລາຍກວ່າໝູ່, ສ່ວນເມືອງສັງທອງ ແລະ ປາກງື່ມເກີດຂຶ້ນເມືອງລະ 30 ກວ່າກໍລະນີ. ຈາກຕົວເລກດັ່ງກ່າວສະແດງໃຫ້ເຫັນວ່າຍັງມີນັກຂັບຂີ່ລະເມີດລະບຽບເປັນຈໍານວນຫລາຍ ແລະ ເປັນສາເຫດຕົ້ນຕໍພາໃຫ້ເກີດອຸປະຕິເຫດບົນທ້ອງຖະໜົນ, ດັ່ງນັ້ນເພື່ອສະກັດກັ້ນສະພາບບໍ່ດີດັ່ງກ່າວໃຫ້ຫລຸດລົງແມ່ນຈະສຸມໃສ່ວຽກງານກວດກາຄວາມເປັນລະບຽບຮຽບຮ້ອຍຂອງຍານພາຫະນະຕາມຈຸດ 3 ແຍກ 4 ແຍກ ແລະ ສາຍທາງຕ່າງໆໃນຕົວເມືອງຢ່າງເຂັ້ມງວດ, ພ້ອມຈະໄດ້ເອົາໃຈໃສ່ແກ້ໄຂສະພາບການສັນຈອນແອອັດ, ການຈອດລົດຊະຊາຍ ແລະ ການລ່ວງລະເມີດລະບຽບຈະລາຈອນອື່ນໆໃຫ້ເຂັ້ມງວດກວ່າເກົ່າແນໃສ່ເຮັດໃຫ້ສະພາບອຸປະຕິເຫດຢູ່ປະເທດເຮົານັບມື້ຫລຸດຜ່ອນລົງ.

- Tiger Head 728x90 - ປີຜ່ານມາຢູ່ນະຄອນຫລວງວຽງຈັນພົບຜູ້ລະເມີດລະບຽບຈະລາຈອນຫລາຍກວ່າ 20 ພັນກໍລະນີ
- 1 1 - ປີຜ່ານມາຢູ່ນະຄອນຫລວງວຽງຈັນພົບຜູ້ລະເມີດລະບຽບຈະລາຈອນຫລາຍກວ່າ 20 ພັນກໍລະນີ
error: Content is protected !!