ເນື້ອທີ່ປ່າຫລາຍກວ່າ 42 ພັນເຮັກຕາ ຢູ່ແຂວງອຸດົມໄຊເສຍຫາຍຈາກໄຟໄໝ້

- 110 - ເນື້ອທີ່ປ່າຫລາຍກວ່າ 42 ພັນເຮັກຕາ ຢູ່ແຂວງອຸດົມໄຊເສຍຫາຍຈາກໄຟໄໝ້
- Untitled design - ເນື້ອທີ່ປ່າຫລາຍກວ່າ 42 ພັນເຮັກຕາ ຢູ່ແຂວງອຸດົມໄຊເສຍຫາຍຈາກໄຟໄໝ້

ພະແນກກະສິກໍາ-ປ່າໄມ້ແຂວງອຸດົມໄຊ ໃຫ້ຮູ້ວ່າ: ນັບແຕ່ຕົ້ນເດືອນເມສາ
ມານີ້, ໄດ້ເກີດສະພາບໄຟໄໝ້ປ່າສະຫງວນ, ປ່າປ້ອງກັນ, ປ່າຜະລິດ ແລະ ປ່າປະເພດອື່ນໆ ເປັນບໍລິເວນກວ້າງຢູ່ຫລາຍເມືອງໃນທົ່ວແຂວງຄື: ເມືອງ
ໄຊມີຜົນເສຍຫາຍກວ່າ 18 ພັນເຮັກຕາ, ເມືອງຫລາ 2.525 ເຮັກຕາ, ນາໝໍ້ 7.670 ເຮັກຕາ, ເມືອງງາ 9.707 ເຮັກຕາ, ເມືອງແບ່ງ 1.700 ກວ່າເຮັກຕາ, ເມືອງຮຸນ 224 ເຮັກຕາ ແລະ ເມືອງປາກແບ່ງ 2.998 ເຮັກຕາ ລວມມີເນື້ອທີ່ປ່າເສຍຫາຍທັງໝົດກວ່າ 42.832 ເຮັກຕາ ໂດຍສາເຫດຕົ້ນຕໍມາຈາກການຈູດໄຮ່, ຈູດສວນຂອງປະຊາຊົນ ໂດຍບໍ່ມີການປ້ອງກັນທີ່ດີ, ການຊອກຢູ່ຫາກິນຂອງປະຊາຊົນ, ເກີດຈາກການດັງໄຟແຕ່ງກິນ ເມື່ອສຳເລັດບໍ່ດັບມອດ ຫລື ມອດກໍບໍ່ລະອຽດ ແລະ ສ່ວນໜຶ່ງຍ້ອນຄວາມຮູ້ເທົ່າບໍ່ເຖິງການຂອງປະຊາຊົນ ກໍຄືການເຈດຕະນາຈູດປ່າເພື່ອລ່າເນື້ອ, ເພື່ອຄວາມເພີດເພີນ ຈຶ່ງພາໃຫ້ເກີດໄຟໄໝ້ລາມປ່າ. ນອກຈາກນີ້ ຍັງມີປັດໄຈດ້ານສະພາບອາກາດກະທົບຕື່ມອີກເຊັ່ນ: ເກີດໄພແຫ້ງແລ້ງ, ຝົນບໍ່ຕົກແກ່ຍາວ ຈຶ່ງເປັນເງື່ອນພາໃຫ້ເກີດໄຟໃໝ້ລາມປ່າໄດ້ງ່າຍ. ສໍາລັບມາດຕະການແກ້ໄຂແມ່ນເກີດໄຟໄໝ້ປ່າຢູ່ບ່ອນໃດ, ເຂດບ້ານ, ເມືອງໃດ ຕ້ອງແມ່ນບ່ອນນັ້ນມີຄວາມຮັບຜິດຊອບ ແລະ ເປັນເຈົ້າການປຸກລະດົມກັນໄປດັບມອດໃຫ້ທ່ວງທັນກັບເຫດການ. ສະນັ້ນ ຖ້າບ່ອນໃດເກີດມີໄຟໄໝ້ປ່າ ແມ່ນໃຫ້ຮີບຮ້ອນແກ້ໄຂໂດຍດ່ວນ ດ້ວຍວິທີການປຸກລະດົມກຳລັງແຮງດັບມອດຢ່າງທ່ວງທັນເພື່ອບໍ່ໃຫ້ເນື້ອທີ່ປ່າເສຍຫາຍເປັນບໍລິເວນກວ້າງ.

- Wave100S AD to Website 2020 0 - ເນື້ອທີ່ປ່າຫລາຍກວ່າ 42 ພັນເຮັກຕາ ຢູ່ແຂວງອຸດົມໄຊເສຍຫາຍຈາກໄຟໄໝ້
- WhatsApp Image 2020 05 27 at 5 - ເນື້ອທີ່ປ່າຫລາຍກວ່າ 42 ພັນເຮັກຕາ ຢູ່ແຂວງອຸດົມໄຊເສຍຫາຍຈາກໄຟໄໝ້
- WhatsApp Image 2020 05 27 at 5 - ເນື້ອທີ່ປ່າຫລາຍກວ່າ 42 ພັນເຮັກຕາ ຢູ່ແຂວງອຸດົມໄຊເສຍຫາຍຈາກໄຟໄໝ້
error: Alert: ເນື້ອຫາຂ່າວມີລິຂະສິດ !!