ບໍລິສັດ ພູເບ້ຍ ມາຍນິງ ມຸ້ງໝັ້ນໃນການສະກັດກັ້ນໂຄວິດ-19

- rey - ບໍລິສັດ ພູເບ້ຍ ມາຍນິງ ມຸ້ງໝັ້ນໃນການສະກັດກັ້ນໂຄວິດ-19
- Untitled design - ບໍລິສັດ ພູເບ້ຍ ມາຍນິງ ມຸ້ງໝັ້ນໃນການສະກັດກັ້ນໂຄວິດ-19

ບໍລິສັດ ພູເບ້ຍ ມາຍນິງ ຂໍແຈ້ງໃຫ້ຊາບວ່າ ມີພະນັກງານຈາກໂຮງງານຂຸດຄົ້ນ-ປຸງແຕ່ງ ທອງ-ຄໍາ ພູຄໍາ ສອງຄົນ ໄດ້ຕິດເຊື້ອໂຄວິດ19. ພະນັກງານທັງສອງຄົນ ກໍາລັງໄດ້ຮັບການປິ່ນປົວ ແລະ ຕິດຕາມເອົາໃຈໃສ່ຢູ່ໂຮງໝໍໃນນະຄອນຫຼວງວຽງຈັນ.

ບໍລິສັດ ກຳລັງຕິດຕາມ ອາການຂອງພວກເຂົາ ແລະ ຕິດຕໍ່ພົວພັນເປັນປະຈໍາກັບຄອບຄົວຂອງພວກເຂົາ. ບໍລິສັດ ໄດ້ຕອບໂຕ້ຢ່າງໄວດ້ວຍມາດຕະການຕ່າງໆເພື່ອປ້ອງກັນແຮງງານຂອງບໍລິສັດ. ໃນນີ້ລວມມີການຢຸດຕິການດຳເນີນງານ ຊົ່ວຄາວ ຢູ່ທັງສອງເຂດບໍ່ແຮ່ຂອງບໍລິສັດ ແລະ ຈຸດຄ່ຽນຖ່າຍຂອງພະແນກຂົນສົ່ງ. ເຊິ່ງນີ້ແມ່ນສອດຄ່ອງກັບແຈ້ງການຂອງລັດຖະບານ ເພື່ອໃຫ້ບໍ່ແຮ່ທັງໝົດໃນປະເທດລາວຢຸດຕິດການດໍາເນີນງານຊົ່ວຄາວຈົນເຖິງວັນທີ 19 ເມສາ 2020 ເພື່ອຊ່ວຍສະກັດກັ້ນການ ລະບາດຂອງໂຄວິດ-19. ໂດຍຍຶດຕິດກັບຫຼັກການການປາດສະຈາກການບາດເຈັບ, ບໍລິສັດ ໄດ້ວາງມາດຕະການຕ່າງໆອອກເພື່ອປ້ອງກັນແຮງງານຂອງບໍລິສັດ, ຄົນທີ່ພວກເຂົາຮັກ, ທ້ອງຖິ່ນ ແລະ ຊຸມຊົນລາວໃນວົງກວ້າງ. ມາດຕະການດັ່ງກ່າວນີ້ ລວມມີ ການຈັດຕັ້ງປະຕິບັດຫຼັກການການເວັ້ນ ໄລຍະຫ່າງໃນສັງຄົມຢູ່ເຂດເຮັດວຽກຕ່າງໆຂອງບໍລິສັດ, ສື່ສານໃຫ້ຄວາມຮູ້ກັບແຮງງານຂອງບໍລິສັດ ກ່ຽວກັບຄວາມສຳຄັນຂອງການ ຮັກສາສຸຂະອະນາໄມສ່ວນບຸກຄົນທີ່ດີ ແລະ ການແຈກຢາຍໜ້າກາກອະນາໄມ ແລະ ນໍ້າຢາລ້າງມື. ນອກຈາກນັ້ນ ຍັງໄດ້ມີມາດຕະການ ການກວດອຸນນະພູມຮ່າງກາຍຂອງພະນັກງານປະຈໍາສະໜາມທຸກຄົນ ແລະ ການປະຕິບັດການແຍກປ່ຽວ. ບໍລິສັດ ກໍາລັງເຮັດວຽກຮ່ວມກັບລັດຖະບານລາວ ເພື່ອຮັບປະກັນການປະຕິບັດຕາມຄໍາແນະນໍາກ່ຽວກັບໂຄວິດ-19 ທຸກຢ່າງ. ໃນ ນີ້ລວມມີ ການລາຍງານ ແລະ ການແບ່ງປັນຂໍ້ມູນເປັນປະຈໍາເພື່ອຊອກຫາຜູ້ສໍາພັດໃກ້ຊິດ. ນອກຈາກນັ້ນ ບໍລິສັດ  ກໍກຳລັງເຮັດວຽກ ຢ່າງໃກ້ຊິດກັບທີມງານຈາກສູນວິເຄາະ ແລະ ລະບາດວິທະຍາ, ຕົວແທນຈາກອົງການອະນາໄມໂລກ ແລະ ພະນັກງານຈາກກົມ ສາທາລະນະສຸກແຂວງເຊິ່ງປະຈໍາຢູ່ໂຮງງານ ພູຄໍາ.

ປະທານຂອງບໍລິສັດ ພູເບ້ຍ ມາຍນິງ, ທ່ານ ຈັນເພັງ ບຸນນະຜົນ ໄດ້ກ່າວເຖິງປະຫວັດອັນຍາວນານໃນການສະໜັບສະໜູນລັດຖະບານ ແລະ ປະຊາຊົນຂອງ ສປປ ລາວ ແລະ ກໍ່ຍຶດໝັ້ນໃນການຊ່ວຍເຫຼືອສະກັດກັ້ນການລະບາດຂອງໂຄວິດ-19. “ຢູ່ບໍລິສັດ ພູເບ້ຍ ມາຍນິງ, ການເຄົາລົບລັດຖະບານ ແລະ ປະຊາຊົນຂອງ ສປປ ລາວ ແມ່ນເທົ່າທຽມກັບຄວາມມຸ້ງໝັ້ນຂອງພວກເຮົາ ທີ່ຈະເຮັດວຽກກັບພວກເຂົາ ເພື່ອຜ່ານຜ່າໄລຍະທີ່ວິກິດເຊັ່ນນີ້. ປັດໃຈທີ່ສໍາຄັນໃນຄວາມມຸ້ງໝັ້ນດັ່ງກ່າວນີ້ ແມ່ນຄວາມຕັ້ງໃຈຂອງ ພວກເຮົາໃນການເພີ້ມການເຂົ້າເຖິງສາທາລະນະສຸກທີ່ມີຄຸນນະພາບໃຫ້ປະຊາຊົນທີ່ມີຄວາມຈໍາເປັນ.

- Wave100S AD to Website 2020 0 - ບໍລິສັດ ພູເບ້ຍ ມາຍນິງ ມຸ້ງໝັ້ນໃນການສະກັດກັ້ນໂຄວິດ-19

ບໍລິສັດ ພູເບ້ຍ ມາຍນິງ ກໍາລັງເຮັດວຽກຮ່ວມກັບຄະນະສະເພາະກິດແຫ່ງຊາດລາວເພື່ອຕ້ານ ແລະ ຄວບຄຸມພະຍາດໂຄວິດ-19 ແກ້ໄຂ ບັນຫາດ້ານອຸປະກອນການແພດທີ່ຈໍາເປັນ ແລະ ການສະໜອງຕ່າງໆເພື່ອກວດຫາເຊື້ອໂຄວິດ-19 ແລະ ສະຖານທີ່ປິ່ນປົວ.” ທ່ານຈັນເພັງຍັງໄດ້ກ່າວຕື່ມອີກວ່າ “ບໍລິສັດ ມີຄວາມພ້ອມທີ່ຈະຊ່ວຍເຫຼືອລັດຖະບານ ແລະ ປະຊາຊົນແຫ່ງ ສປປ ລາວ ເພີ້ມຕື່ມ ແລະ ຈະສືບຕໍ່ໃຫ້ການສະໜັບສະໜູນຢ່າງຕໍ່ເນື່ອງ.”

- WhatsApp Image 2020 05 27 at 5 - ບໍລິສັດ ພູເບ້ຍ ມາຍນິງ ມຸ້ງໝັ້ນໃນການສະກັດກັ້ນໂຄວິດ-19
- WhatsApp Image 2020 05 27 at 5 - ບໍລິສັດ ພູເບ້ຍ ມາຍນິງ ມຸ້ງໝັ້ນໃນການສະກັດກັ້ນໂຄວິດ-19
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!