ໂຄວິດ – 19 ຕິດຕໍ່ຜ່ານທາງດວງຕາໄດ້ຫລືບໍ່ ?

- 34 3 - ໂຄວິດ – 19 ຕິດຕໍ່ຜ່ານທາງດວງຕາໄດ້ຫລືບໍ່ ?
- Untitled design - ໂຄວິດ – 19 ຕິດຕໍ່ຜ່ານທາງດວງຕາໄດ້ຫລືບໍ່ ?

     ປັດຈຸບັນກຳລັງມີການລະບາດຂອງພະຍາດຕິດເຊື້ອໄວຣັສໂຄໂຣນາ ຫລື ໂຄວິດ -19 ໄປທຸກທະວີບທົ່ວໂລກ ຈຶ່ງຂໍໃຫ້ປະຊາຊົນ ແລະ ຜູ້ທີ່ຈະຕ້ອງເດີນທາງໄປໃສມາໃສຕິດຕາມສະຖານະການຢ່າງໃກ້ຊິດ ຈາກແຫ່ລງຂ່າວທີ່ເຊື່ອຖືໄດ້ເທົ່ານັ້ນ ດັ່ງປະເທດລາວເຮົາກຳລັງພະເຊີນກັບໄພຮຸກຮານທາງສາທາລະນະສຸກຄັ້ງໃຫຍ່ໃນຂະນະນີ້ ຈາກການລະບາດຂອງເຊື້ອໄວຣັສໂຄວິດ – 19 ຈາກສະຖານະການທີ່ເປັນຢູ່ພາກລັດໄດ້ລະດົມຄວາມຮ່ວມມືທຸກພາກສ່ວນໃນການກວດກາ, ເຝົ້າລະວັງ, ປ້ອງກັນ ແລະ ຄວບຄຸມພະຍາດຢ່າງເຂັ້ມງວດ ຈຶ່ງຂໍແນະນຳໃຫ້ປະຊາຊົນໃຫ້ຄວາມຮ່ວມມືປະຕິບັດຕາມຄຳແນະນຳຕ່າງໆ ເພື່ອຄວາມປອດໄພຂອງທັງຕົນເອງ ແລະ ຜູ້ອື່ນ.

     ພະຍາດທີ່ເກີດຈາກໄວຣັສໂຄໂຣນາສາຍພັນໃໝ່ ຫລື (COVID-19) ທີ່ກຳລັງແຜ່ລະບາດຢູ່ໃນຂະນະນີ້ ມີອາການຄືກັບເປັນໄຂ້ຫວັດໃຫຍ່, ມີການສຶກສາວິໄຈໃນປະເທດຈີນ ພົບວ່າຜູ້ປ່ວຍທີ່ຕິດເຊື້ອ (COVID-19) ຈະມີອາການຕາແດງຮ່ວມນຳ ປະມານ 0,8% ເທົ່ານັ້ນ. ນອກຈາກນີ້, ຍັງມີລາຍງານການກວດພົບເຊື້ອໄວຣັສນີ້ໃນນຳ້ຕາ, ຂີ້ຕາ ແລະ ນຳ້ເມືອກຈາກເນື້ອເຍື່ອຕານຳອີກ ເຊິ່ງປັດຈຸບັນເຊື້ອໄວຣັສນີ້ສາມາດແຜ່ກະຈາຍຈາກຄົນສູ່ຄົນໄດ້ໂດຍໄດ້ຮັບນຳ້ເມືອກຕ່າງໆ ເຊັ່ນ : ນຳ້ມູກ, ນຳ້ລາຍ ທີ່ມີເຊື້ອພະຍາດຜ່ານທາງລະບົບການຫາຍໃຈຈາກສະຖານະການທີ່ກຳລັງເກີດຂຶ້ນນີ້ ມີຄຳຖາມທີ່ປະຊາຊົນໃຫ້ຄວາມສົນໃຈວ່າ “ໄວຣັສຊະນິດນີ້ຈະຕິດຕໍ່ຜ່ານທາງດວງຕາໄດ້ຫລືບໍ່ ?” ເຊິ່ງຄຳຕອບຈາກແພດຜູ້ຊ່ຽວຊານກໍຄື : ເນື່ອງຈາກດວງຕາມີທາງຕິດຕໍ່ກັບຜົ້ງດັງ ໂດຍມີການລະບາຍນຳ້ຕາ ແລະ ສານເມືອກຈາກເນື້ອເຍື່ອຕາຜ່ານທໍ່ລະບາຍນຳ້ຕາເຂົ້າສູ່ຜົ້ງດັງ ດັ່ງນັ້ນ ຖ້າໄດ້ຮັບເຊື້ອເຂົ້າສູ່ດວງຕາໃນປະລິມານທີ່ຫລາຍພໍ ເຊັ່ນ : ຖືກໄອ ຫລື ຈາມໃສ່ໜ້າໂດຍກົງ ແລະ ມີນຳ້ເມືອກທີ່ມີເຊື້ອໄວຣັສຊະນິດນີ້ເຂົ້າສູ່ດວງຕາ ກໍອາດຈະມີຄວາມເປັນໄປໄດ້ທີ່ສານເມືອກເຫລົ່ານີ້ຈະຖືກລະບາຍເຂົ້າສູ່ຜົ້ງດັງ, ແຕ່ໂດຍທົ່ວໄປແລ້ວ ໄວຣັສທີ່ກໍ່ໃຫ້ເກີດພະຍາດ (COVID-19) ບໍ່ສາມາດລອຍຢູ່ໃນອາການໄດ້ດ້ວຍໂຕມັນເອງ, ແຕ່ຈະຢູ່ໃນນຳ້ມູກ ຫລື ນຳ້ລາຍຂອງຄົນປ່ວຍທີ່ຖືກໄອ ຫລື ຈາມອອກມາ. ດັ່ງນັ້ນ ຖ້າເຮົາຢູ່ໃນສິ່ງແວດລ້ອມປົກກະຕິໂດຍທົ່ວໄປ ໂອກາດທີ່ຈະມີໄວຣັສລອຍເຂົ້າມາສູ່ດວງຕາ ແລະ ລະບາຍເຂົ້າສູ່ຜົ້ງດັງນັ້ນເປັນໄດ້ໄປບໍ່ສູງ ແລະ ປັດຈຸບັນ ຍັງບໍ່ມີລາຍງານການຕິດເຊື້ອຜ່ານທາງດວງຕາ. ສ່ວນການຕິດເຊື້ອຈາກການໄດ້ຮັບເຊື້ອຈາກນຳ້ຕາ ຫລື ສານເມືອກຈາກດວງຕາຂອງຄົນປ່ວຍນັ້ນ ເນື່ອງຈາກມີລາຍງານການພົບເຊື້ອ (COVID-19) ໃນນຳ້ຕາ ແລະ ສານເມືອກຈາກເນື້ອເຍື່ອຕາ ດັ່ງນັ້ນ ຖ້າມີການສຳຜັດຂອງສານເມືອກດັ່ງກ່າວຈາກຕາຜູ້ຕິດເຊື້ອ ແລະ ນຳເຂົ້າສູ່ລະບົບທາງເດີນຫາຍໃຈ ກໍອາດມີໂອກາດທີ່ຈະຕິດເຊື້ອໄດ້ ຖ້າໃນສານເມືອກດັ່ງກ່າວມີເຊື້ອໄສຣັສຊະນິດນີ້ຢູ່.

     ເຊິ່ງມີຂໍ້ມູນໃນວັນທີ 30 ມັງກອນ 2020 ຜ່ານມາ ອົງການອະນາໄມໂລກໄດ້ປະກາດວ່າການລະບາດຂອງພະຍາດ (COVID-19) ເປັນພາວະສຸກເສີນດ້ານສາທາລະນະສຸກລະຫ່ວາງປະເທດ. ແນະນຳໃຫ້ປະຊາຊົນຫລີກເວັ້ນການເດີນທາງ, ງົດເວັ້ນການອອກຈາກເຮືອນ, ບໍ່ໍເດີນທາງໄປເຂດພະຍາດຕິດຕໍ່ອັນຕະລາຍ ຫາກບໍ່ມີຄວາມຈຳເປັນ. ກໍລະນີທີ່ຈຳເປັນຕ້ອງເດີນທາງໄປພື້ນທີ່ໆມີການລະບາດ ຄວນປະຕິບັດຕາມຄຳແນະນຳວິທີປ້ອງກັນຕົນເອງຈາກເຊື້ອ (COVID-19) ຢ່າງເຄັ່ງຄັດ, ໂດຍຫລີກເວັ້ນການຢູ່ໃນສະຖານທີ່ແອອັດ ຫລື ມີມົນລະພິດ ແລະ ບໍ່ຢູ່ໃກ້ຊິດຜູ້ໄອ, ຈາມ, ເລືອກກິນອາຫານທີ່ສະອາດ, ປຸງແຕ່ງສຸກ ທັງຊີ້ນສັດ, ໄຂ່, ຜັກສົດ ແລະ ໝາກໄມ້, ໝັ່ນລ້າງມືໃຫ້ສະອາດຢູ່ສະເໝີດ້ວຍນຳ້ ແລະ ສະບູດົນໆຢ່າງໜ້ອຍ 20 ວິນາທີ ຫລື ລ້າງດ້ວຍເຈວອານກໍຮໍ ລ້າງລູບມືຈົນກ່ວາຈະແຫ້ງ, ບໍ່ເອົາມືໄປສຳຜັດກັບຕາ, ດັງ, ປາກ ໂດຍບໍ່ຈຳເປັນ, ບໍ່ໃຊ້ສິ່ງຂອງຮ່ວມກັບຄົນອື່ນ ເຊັ່ນ : ຜ້າເຊັດໜ້າ, ຈອກນຳ້, ຜ້າເຊັດໂຕ ເນື່ອງຈາກເຊື້ອໄວຣັສກໍ່ພະຍາດທາງລະບົບການຫາຍໃຈສາມາດເຂົ້າສູ່ຮ່າງກາຍໄດ້ທາງການສຳຜັດສານເມືອກຂອງຜູ້ຕິດເຊື້ອ, ກິນອາຫານໃຫ້ຄົບ 5 ໝວດ, ອອກກຳລັງກາຍເປັນປະຈຳ, ຮັກສາຮ່າງກາຍໃຫ້ອົບອຸ່ນຢູ່ສະເໝີ ແລະ ນອນຫລັບພັກຜ່ອນຢ່າງພຽງພໍ.

- Wave100S AD to Website 2020 0 - ໂຄວິດ – 19 ຕິດຕໍ່ຜ່ານທາງດວງຕາໄດ້ຫລືບໍ່ ?
- WhatsApp Image 2020 05 27 at 5 - ໂຄວິດ – 19 ຕິດຕໍ່ຜ່ານທາງດວງຕາໄດ້ຫລືບໍ່ ?
- WhatsApp Image 2020 05 27 at 5 - ໂຄວິດ – 19 ຕິດຕໍ່ຜ່ານທາງດວງຕາໄດ້ຫລືບໍ່ ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!