ໂລກປ່ຽນໄປແນວໃດ ຫລັງນາໆຊາດປິດເມືອງສູ້ໂຣກລະບາດ

- 116 - ໂລກປ່ຽນໄປແນວໃດ ຫລັງນາໆຊາດປິດເມືອງສູ້ໂຣກລະບາດ
- Untitled design - ໂລກປ່ຽນໄປແນວໃດ ຫລັງນາໆຊາດປິດເມືອງສູ້ໂຣກລະບາດ

     ການແຜ່ລະບາດຄັ້ງໃຫຍ່ຂອງໄວຣັສໂຄໂຣນາສາຍພັນໃໝ່ ສ້າງຄວາມເສຍຫາຍໄປທຸກພາກສ່ວນຂອງໂລກ ມີຜູ້ຕິດເຊື້ອແລ້ວ 1,6 ລ້ານກວ່າຄົນ. ມື້ນີ້ພວກເຮົານຳເອົາຂໍ້ມູນກ່ຽວກັບວິກິດຄັ້ງນີ້ມາສະແດງດ້ວຍແຜນພາບໃຫ້ເຂົ້າໃຈມາດຕະການຮັບມື ແລະ ຜົນກະທົບຂອງໂຣກລະບາດໄດ້ຢ່າງຈະແຈ້ງ.

     ການລັອກດາວທົ່ວໂລກ ນະໂຍບາຍໃນການຕໍ່ສູ້ກັບໄວຣັສໂຄໂຣນາຂອງແຕ່ລະປະເທດມີລາຍລະອຽດແຕກຕ່າງກັນໄປເຊັ່ນ: ໂກລົມບີອະນຸຍາດໃຫ້ປະຊາຊົນອອກຈາກເຮືອນໄດ້ຕາມເລກລົງທ້າຍບັດປະຈຳຕົວ, ແຊັກບີກຳນົດເວລາສຳລັບໃຫ້ປະຊາຊົນພາໝາອອກໄປຍ່າງຫລິ້ນ, ສ່ວນຢູ່ເບລາຣຸສ ປະທານາທິບໍດີເມີນເສີຍຕໍ່ຄຳແນະນຳຂອງຄະນະແພດ ແລ້ວບອກວ່າເຫລົ້າວອດກ້າ ແລະ ການໄປອົບຊາວນ່າຈະຊ່ວຍໃຫ້ທຸກຄົນປອດໄພ.

     ມາດຕະການທີ່ຫລາຍລັດຖະບານນຳມາໃຊ້ຄືກັນ ຄືການແນະນຳໃຫ້ປະຊາຊົນຮັກສາໄລຍະຫ່າງທາງສັງຄົມ ຫລື social distancing. ນອກຈາກນີ້ ຍັງຈຳກັດການເດີນທາງໃນປະເທດ ຫລື ເອີ້ນວ່າ: ລັອກດາວ ເພື່ອຢຸດການແຜ່ລະບາດຂອງໄວຣັສ.

     ແຜນພາບທາງເທິງສະແດງໃຫ້ເຫັນວ່າ: ຈີນເປັນປະເທດທຳອິດໃນໂລກທີ່ກວດພົບຜູ້ຕິດເຊື້ອໄວຣັສໂຄໂຣນາ ແລະ ເປັນປະເທດທຳອິດໃນໂລກທີ່ງັດມາດຕະການລັອກດາວມາບັງຄັບໃຊ້.

     ໄລຍະເດືອນມີນາເປັນຕົ້ນໄປ ໄວຣັສເລີ່ມແຜ່ກະຈາຍເປັນວົງກວ້າງສູ່ປະເທດໃນແຖບເອີຣົບ, ອາເມລິກາ ແລະ ອາຟຣິກາ ເຮັດໃຫ້ 100 ກວ່າປະເທດທົ່ວໂລກ ດຳເນີນການລັອກດາວທັງລະດັບທ້ອງຖິ່ນ ຫລື ທົ່ວປະເທດໂດຍໄວທັນທີ ຫລັງກວດພົບຜູ້ຕິດເຊື້ອໄວຣັສຄົນທຳອິດ.

     ການສັນຈອນບົນນ່ານຟ້າ ເມື່ອໄວຣັສໂຄໂຣນາເລີ່ມແຜ່ລະບາດໃນໄລຍະທຳອິດ ຫລາຍປະເທດງົດຮັບຖ້ຽວບິນທີ່ມາຈາກຈີນ ລວມທັງກັກຕົວຜູ້ທີ່ເດີນທາງມາຈາກພື້ນທີ່ສ່ຽງທັນທີຫລັງເຄື່ອງລົງຈອດ, ຕໍ່ມາເມື່ອອົງການອະນາໄມໂລກ (WHO) ປະກາດຍົກລະດັບໃຫ້ເຫດການນີ້ເປັນການລະບາດຄັ້ງໃຫຍ່ (pandemic) ໃນວັນທີ 11 ມີນາ ການຈຳກັດຖ້ຽວບິນກໍເຂັ້ມງວດຍິ່ງຂຶ້ນ.

     ອາເມລິກາປະກາດງົດຮັບຖ້ຽວບິນຈາກກຸ່ມປະເທດສະຫະພາບເອີຣົບ (EU) ໃນວັນທີ 15 ມີນາ, ມື້ຕໍ່ມາ EU ກໍເອົາມາດຕະການປິດຊາຍແດນມາໃຊ້ເຊັ່ນກັນ, ທ້າຍເດືອນມີນາ ການສັນຈອນທາງອາກາດຢູ່ສະໜາມບິນໃຫຍ່ທົ່ວໂລກກໍຫລຸດລົງຕາມແຜນພາບທາງລຸ່ມ.

- Wave100S AD to Website 2020 0 - ໂລກປ່ຽນໄປແນວໃດ ຫລັງນາໆຊາດປິດເມືອງສູ້ໂຣກລະບາດ

     ເມື່ອທຽບໃສ່ຈຳນວນຖ້ຽວບິນປັດຈຸບັນກັບໄລຍະເວລາດຽວກັນໃນປີຜ່ານມາ ພົບວ່າການເດີນທາງບົນນ່ານຟ້າຫລຸດລົງເຖິງ 63% ສະໜາມບິນຮິດໂທຂອງນະຄອນຫລວງລອນດອນ ປະເທດອັງກິດ ທີ່ເຄີຍຕ້ອນຮັບນັກເດີນທາງ 80 ລ້ານກວ່າຄົນຕໍ່ປີ ມີຈຳນວນຖ້ຽວບິນຫາຍໄປກວ່າ 1.000 ຖ້ຽວ ຈາກ 1.615 ໃນເດືອນມີນາປີຜ່ານມາ ເຫລືອ 525 ໃນທ້າຍເດືອນມີນາ.

     ສິ່ງແວດລ້ອມ ໜຶ່ງໃນຜົນກະທົບທາງບວກຂອງມາດຕະການລັອກດາວເພື່ອຮັບມືກັບໄວຣັສໂຄໂຣນາ ຄືມົນລະພິດທີ່ຫລຸດລົງໃນບາງພື້ນທີ່ທົ່ວໂລກ ໂດຍວິເຄາະຈາກປະລິມານໄນໂຕຣເຈນໄດອອກໄຊ (NO2) ເຊິ່ງເປັນແກັສພິດຊະນິດໜຶ່ງໃນອາກາດທີ່ມັກເກີດຈາກການເຜົາໄໝ້, ອຸດສາຫະກຳໃນໂຮງງານ ແລະ ການໃຊ້ລົດຍົນ.

     ຂໍ້ມູນຈາກຮູບພາບສະແດງໃຫ້ເຫັນລະດັບຄວາມເຂັ້ມຂຸ້ນຂອງແກັສດັ່ງກ່າວຢູ່ເມືອງອູ່ຮັ່ນ ປະເທດຈີນ ແລະ ນະຄອນຫລວງມິລານ ປະເທດອິຕາລີ ທີ່ບັງຄັບໃຊ້ມາດຕະການລັອກດາວເປັນໄລຍະເວລາດົນກວ່າບ່ອນອື່ນ ສັງເກດໄດ້ວ່າຄວາມເຂັ້ມຂຸ້ນຂອງໄນໂຕຣເຈນໄດອອກໄຊ (NO2) ເດືອນມັງກອນ ແລະ ມີນາໃນປີນີ້ ໜ້ອຍລົງກວ່າໄລຍະເວລາດຽວກັນຂອງປີຜ່ານມາ.

     ມົນລະພິດເຫລົ່ານີ້ເປັນອັນຕະລາຍຕໍ່ມະນຸດເຊັ່ນ: ສົ່ງຜົນເສຍຕໍ່ປະສິດທິພາບດ້ານການຄິດ ແລະ ສະຕິປັນຍາ. ອົງການອະນາໄມໂລກ ຊີ້ວ່າ: ແຕ່ລະປີມີຜູ້ເສຍຊີວິດກ່ອນໄວອັນຄວນປະມານ 7 ລ້ານຄົນຈາກອາກາດທີ່ເປັນພິດ. ນອກຈາກນີ້ 9 ໃນ 10 ຂອງປະຊາກອນໂລກຕ້ອງຫາຍໃຈເອົາມົນລະພິດເຂົ້າສູ່ຮ່າງກາຍ.

- WhatsApp Image 2020 05 27 at 5 - ໂລກປ່ຽນໄປແນວໃດ ຫລັງນາໆຊາດປິດເມືອງສູ້ໂຣກລະບາດ
- WhatsApp Image 2020 05 27 at 5 - ໂລກປ່ຽນໄປແນວໃດ ຫລັງນາໆຊາດປິດເມືອງສູ້ໂຣກລະບາດ
error: Alert: ເນື້ອຫາຂ່າວມີລິຂະສິດ !!