ລາວສ້າງລະບົບຄຸ້ມຄອງຂໍ້ມູນພົນລະເມືອງທັນສະໄໝ

- advert banner 728 90 728x90 - ລາວສ້າງລະບົບຄຸ້ມຄອງຂໍ້ມູນພົນລະເມືອງທັນສະໄໝ

ພິທີລົງນາມໂຄງການສ້າງລະບົບຄຸ້ມຄອງຂໍ້ມູນພົນລະເມືອງທີ່ທັນສະໄໝ Civil Information Managerment System (CIMS) ຢູ່ລາວລະຫວ່າງກະຊວງພາຍໃນ ແລະ ບໍລິສັດ ສະຕາລ ໂທລະຄົມ (ຢູນີເທວ UNITEL) ໄດ້ມີຂຶ້ນໃນທ້າຍອາທິດຜ່ານມານີ້ທີ່ກະຊວງດັ່ງກ່າວ, ໂດຍມີທ່ານຮອງລັດຖະມົນຕີກະຊວງພາຍໃນ ສີພຸກ ວົງພັກດີ, ທ່ານປະທານສະພາບໍລິຫານບໍລິສັດ ສະຕາລ ໂທລະຄົມ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

ທ່ານຫົວໜ້າກົມຄຸ້ມຄອງພົນລະເມືອງ ທອງຈັນ ສີວິໄລ ກ່າວວ່າ: ເພື່ອຜັນຂະຫຍາຍມະຕິ 10 ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 8 ລວມເຖິງການປະຕິບັດສົນທິສັນຍາສາກົນຕ່າງໆທີ່ ສປປລາວ ໄດ້ໃຫ້ສັດຕະຍາບັນ, ໂດຍສະເພາະພາຍຫລັງ ສປປ ລາວ ໄດ້ຮັບຮອງເອົາຖະແຫລງການກອງປະຊຸມລັດຖະມົນຕີອາຊີ-ປາຊີຟີກໃນປີ 2014 ທີ່ບາງກອກປະເທດໄທ, ຊຶ່ງໄດ້ກໍານົດວ່າ: ຮອດປີ 2024 ພົນລະເມືອງລາວທຸກຄົນ, ໂດຍສະເພາະເດັກເກີດໃໝ່ຕ້ອງໄດ້ຮັບການຈົດທະບຽນໃຫ້ໄດ້ 70% ຂອງເດັກນ້ອຍທັງໝົດ. ສະນັ້ນເພື່ອຮັບປະກັນໃຫ້ວຽກງານດັ່ງກ່າວບັນລຸຜົນ, ລັດຖະບານໄດ້ມອບໝາຍໃຫ້ກະຊວງພາຍໃນພັດທະນາໂຄງການສ້າງຖານຂໍ້ມູນຄຸ້ມຄອງພົນລະເມືອງດ້ວຍລະບົບທັນສະໄໝເພື່ອໃຫ້ສາມາດບັນທຶກເຫດການສໍາຄັນໃນການເຄື່ອນໄຫວຂອງສັງຄົມ, ຄົ້ນຫາບັນດາຂໍ້ມູນພື້ນຖານມີຄວາມສະດວກ, ຊັດເຈນ, ວ່ອງໄວ, ຊ່ວຍໃຫ້ຄົ້ນຫາປະຫວັດໄດ້ງ່າຍ ເຊັ່ນ: ການຈົດທະບຽນການເກີດ, ການເສຍຊີວິດ, ການແຕ່ງງານ, ຢ່າຮ້າງ, ການປ່ຽນຊື່ ຫລື ນາມສະກຸນ, ການຍ້າຍທີ່ຢູ່ອາໃສ ແລະ ອື່ນໆ ແລະ ມາຮອດປັດຈຸບັນໂຄງການດັ່ງກ່າວແມ່ນສໍາເລັດໜ້າວຽກໄລຍະທີ 1 ຄືການອອກແບບລະບົບ ແລະ ພວມສືບຕໍ່ຈັດຕັ້ງປະຕິບັດໃນໄລຍະ 2 ຄືການພັດທະນາລະບົບ ແລະ ທົດລອງນໍາໃຊ້ເບື້ອງຕົ້ນຢູ່ 3 ແຂວງຄື: ນະຄອນຫລວງວຽງຈັນ, ຫລວງພະບາງ ແລະ ຈໍາປາສັກ ລວມມີທັງໝົດ 31 ເມືອງ.

- 1 1 - ລາວສ້າງລະບົບຄຸ້ມຄອງຂໍ້ມູນພົນລະເມືອງທັນສະໄໝ
- Tiger Head 728x90 - ລາວສ້າງລະບົບຄຸ້ມຄອງຂໍ້ມູນພົນລະເມືອງທັນສະໄໝ

ທ່ານອໍານວຍການບໍລິສັດ ສະຕາລ ໂທລະຄົມ ກາວ ແອງ ເຊີນ (Cao Anh Son) ກ່າວວ່າ: ໂຄງການພັດທະນາດັ່ງກ່າວມີມູນຄ່າ 7 ແສນໂດລາສະຫະລັດ ຫລືປະມານ 5,6 ຕື້ກວ່າກີບ, ໂດຍໃນປີ 2017-2018 ແມ່ນຈະ ໃຫ້ສໍາເລັດການທົດລອງນໍາໃຊ້ລະບົບໃນ 3 ແຂວງ ແລະ ຈາກນັ້ນກໍຈະສືບຕໍ່ພັດທະນາໄປສູ່ແຂວງອື່ນໆໃນທົ່ວປະເທດ, ຊຶ່ງລະບົບດັ່ງກ່າວຈະຊ່ວຍໃນການເກັບສະຖິຕິກ່ຽວກັບເຫດການສໍາຄັນໃນຊີວິດຂອງຄົນ, ສັງລວມສະຖິຕິຈໍານວນພົນລະເມືອງ ເພື່ອເປັນຂໍ້ມູນຮັບໃຊ້ໃຫ້ແກ່ການວາງແຜນພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານອື່ນໆ,ປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດໃຫ້ນັບມື້ຂະຫຍາຍຕົວເຂັ້ມແຂງ.

error: Content is protected !!