ນະຄອນຫລວງ ເພີ່ມມາດຕະການປະຕິບັດຄຳສັ່ງຂອງນາຍົກລັດຖະມົນຕີໃຫ້ເຂັ້ມງວດ

- 55 2 - ນະຄອນຫລວງ ເພີ່ມມາດຕະການປະຕິບັດຄຳສັ່ງຂອງນາຍົກລັດຖະມົນຕີໃຫ້ເຂັ້ມງວດ
- Untitled design - ນະຄອນຫລວງ ເພີ່ມມາດຕະການປະຕິບັດຄຳສັ່ງຂອງນາຍົກລັດຖະມົນຕີໃຫ້ເຂັ້ມງວດ

ຜູ້ຮັກສາການ ຫົວໜ້າກອງບັນຊາການ ປກສ ນະຄອນຫຼວງວຽງຈັນໃຫ້ຮູ້ວ່າ: ເພື່ອປະຕິບັດຄຳສັ່ງ ເລກທີ 06 ຂອງນາຍົກລັດຖະມົນຕີເພື່ອເພີ່ມທະວີຄວາມເຂັ້ມງວດໃນການສະກັດກັ້ນ ແລະ ຄວບຄຸມການລະບາດຂອງພະຍາດໂຄວິດ-19ໃຫ້ມີປະສິດທິຜົນສູງ ແລະ ທິດຊີ້ນຳ ຂອງກະຊວງປ້ອງກັນຄວາມສະຫງົບ ແລະ ອົງການປົກຄອງນະຄອນຫຼວງວຽງຈັນ, ກຳລັງປ້ອງກັນຄວາມສະຫງົບ ນະຄອນຫຼວງວຽງຈັນ ຈິ່ງໄດ້ສຸມໃສ່ປະຕິບັດພະລາບົດບາດ, ສິດ ແລະ ຫນ້າທີ່ຂອງຕົນ 9 ໜ້າທີ່ວຽກໃຫຍ່ວຽກຄື:

  1. ກຽມຄວາມພ້ອມຕະຫຼອດ 24 ຊົ່ວໂມງ.
  2. ເອົາໃຈໃສຄຸ້ມຄອງການເຄື່ອນໄຫວຂອງພົນລະເມືອງ, ໂດຍການະສານສົມທົບແຫນ້າກັບອຳນາດການປົກຄອງ, ປກສ ບ້ານ, ແນະນຳໃຫ້ປະຊາຊົນມີສ່ວນຮ່ວມໃນການຈຳກັດຕົນເອງ ຢູ່ໃນບ້ານເຮືອນ ແລະ ສູນກັກກັນ ທີ່ໄດ້ກຳນົດໄວ້.
  3. ເພີ່ມທະວີຄຸ້ມຄອງດ່ານສາກົນ-ດ່ານປະເພນີ ຈຳນວນ 5 ດ່ານຂອງນະຄອນຫລວງຢ່າງເຂັ້ມງວດ; ເອົາໃຈໃສ່ສະກັດກັ້ນແຮງງານລາວ ທີ່ມີການລັກລອບເຂົ້າປະເທດ ລຽບຕາມຊາຍແດນ, ຖ້າພົບເຫັນແມ່ນນຳສົ່ງເຂົ້າສູນກັກກັນທີ່ໄດ້ກຳນົດໄວ້.
  4. ຈັດຕັ້ງກລັງປ້ອງກັນຕາມເສັ້ນທາງເຂົ້າ-ອອກ ນະຄອນຫຼວງວຽງຈັນໃນ 4 ຈຸດໃຫຍ່ ແລະ 11 ຈຸດນ້ອຍ ຕາມບັນດາເມືອງ ແລະ ລະຫວ່າງ ແຂວງຕໍ່ແຂວງ, ເມືອງຕໍ່ເມືອງ ແລະ ບ້ານຕໍ່ບ້ານ ຢ່າງເປັນປົກກະຕິ.
  5. ເອົາໃຈໃສ່ກຳແໜ້ນສະພາບ ແລະ ປະກົດການຫຍໍ້ທໍ້ຕ່າງໆ; ນັບທັງລົງສະກັດກັ້ນການກັກຕຸນສິນຄ້າ, ການໂຄສະນາບິດເບືອນຄວາມຈິງ ແລະອື່ນໆ.
  6. ຈັດຕັ້ງກຳລັງປ້ອງກັນຄວາມສະຫງົບ ອອກລາດຕະເວນ ຕາມເສັ້ນທາງໃຫຍ່-ນ້ອຍຕ່າງໆ ຕາມກຸ່ມບ້ານ, ໂດຍມອບໃຫ້ ກອງພັນເຄື່ອນທີ່, ຖ້າພົບເຫັນມີການເຕົ້າໂຮມ-ຊຸມແຊວ ແມ່ນເຂົ້າໄປແກ້ໄຂທັນທີ; ພ້ອມທັງຮຽກຮ້ອງໃຫ້ປະຊາຊົນ ພ້ອມເປັນຫູ-ເປັນຕາຊ່ວຍເຈົ້າໜ້າທີ່, ຖ້າພົບກໍລະນີສົງໃສໃຫ້ແຈ້ງເບີ້ ສຸກເສີນ 1191 ຫຼື ສົ່ງຂໍ້ຄວາມຜ່ານເຟສບຸກ ປກສ ນະຄອນຫຼວງວຽງຈັນ.
  7. ກະກຽມພາຫະນະຕອບສະໜອງການຂົນສົ່ງແຮງງານລາວ ໄປເຂົ້າສູນກັກກັນ ພ້ອມຈັດຕັ້ງທີມແພດລົງກວດກາສຸຂະພາບກຳລັງ, ນັກໂທດ, ຜູ່ຖືກຫາ ແລະ ຄຸ້ມຄອງການເບີກຈ່າຍ ອຸປະກອນປ້ອງກັນໃຫ້ແຕ່ລະພາກສ່ວນໃຫ້ທົ່ວເຖິງ.
  8. ຈັດຕັ້ງວຽກງານເສນາທິການສົ່ງ ແລະ ຮັບສ່ອງແສງລາຍງານໃຫ້ວ່ອງໄວ – ທັນເວລາ; ເພື່ອຊີ້ນຳບັນຊາການໃຫ້ໄປເຖິງຜູ້ປະຕິບັດງານໃຫ້ໄວທີ່ສຸດ.
  9. ເພີ່ມທະວີວຽກງານປະສານງານລະຫ່ວາງກຳລັງຕຳຫຼວດ ແລະ ທະຫານ, ໜ່ວຍສະເພາະກິດ ແລະ ຂະແໜງການທີ່ກ່ຽວຂ້ອງໃຫ້ດີ ເພື່ອສາມາດຄວບຄຸມສະພາບການຕ່າງໆທີ່ອາດຈະເກີດຂຶ້ນ, ເພື່ອແນໃສ່ເຮັດໃຫ້ການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີມີປະສິດທິພາບດີຂຶ້ນ.ຮັບປະກັນບໍ່ໃຫ້ມີການແຜ່ລະບາດຂອງພະຍາດໂຄວິດ- 19 ເປັນວົງກ້ວາງ, ເພື່ອຄວາມສົມບູນພູນສຸກຂອງປະຊາຊົນ.
- Wave100S AD to Website 2020 0 - ນະຄອນຫລວງ ເພີ່ມມາດຕະການປະຕິບັດຄຳສັ່ງຂອງນາຍົກລັດຖະມົນຕີໃຫ້ເຂັ້ມງວດ
- WhatsApp Image 2020 05 27 at 5 - ນະຄອນຫລວງ ເພີ່ມມາດຕະການປະຕິບັດຄຳສັ່ງຂອງນາຍົກລັດຖະມົນຕີໃຫ້ເຂັ້ມງວດ
- WhatsApp Image 2020 05 27 at 5 - ນະຄອນຫລວງ ເພີ່ມມາດຕະການປະຕິບັດຄຳສັ່ງຂອງນາຍົກລັດຖະມົນຕີໃຫ້ເຂັ້ມງວດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!