ຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ

- 120 - ຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ
- AGL - ຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ

     ຈຳນວນຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ ໂດຍອາເມລິກາມີຜູ້ເສຍຊີວິດສູງສຸດໃນໂລກ 20.071 ຄົນ ແຊງໜ້າອິຕາລີ ແຫລ່ງແຜ່ເຊື້ອແຫ່ງທຳອິດຢູ່ເອີຣົບ.

     ມະຫາວິທະຍາໄລຈອນ ຮອບກິນ ເປີດເຜີຍວ່າ: ນັບຮອດວັນທີ 11 ເມສາ ຈຳນວນຜູ້ຕິດເຊື້ອໄວຣັສໂຄໂຣນາ ສາຍພັນໃໝ່ ຕົ້ນຕໍໂຣກໂຄວິດ-19 ທົ່ວໂລກເພີ່ມຂຶ້ນເປັນ 1.778.210 ຄົນ, ສ່ວນຈຳນວນຜູ້ເສຍຊີວິດທົ່ວໂລກເພີ່ມຂຶ້ນເປັນ 108.755 ຄົນ ແລະ ມີຜູ້ຕິດເຊື້ອທີ່ໄດ້ຮັບການປິ່ນປົວຈົນຫາຍເປັນປົກກະຕິຈຳນວນ 402.496 ຄົນ.

     ທັງນີ້ ອາເມລິກາ ມີຈຳນວນຜູ້ເສຍຊີວິດຈາກໂຄວິດ-19 ຫລາຍທີ່ສຸດໃນໂລກ ໂດຍມີຜູ້ເສຍຊີວິດເຖິງ 20.071 ຄົນ ຫລາຍກວ່າອິຕາລີທີ່ມີຢູ່ 19.468 ຄົນ, ສ່ວນຜູ້ຕິດເຊື້ອຢູ່ອາເມລິກາມີຈຳນວນ 522.000 ຄົນ.

     ສ່ວນແອັດສະປາຍ ຖືເປັນປະເທດຢູ່ເອີຣົບທີ່ມີຜູ້ຕິດເຊື້ອໂຄວິດ-19 ຫລາຍທີ່ສຸດຄື 163.027 ຄົນ ມີຜູ້ເສຍຊີວິດ 16.606 ຄົນ ແລະ ມີຜູ້ເສຍຊີວິດຄົນໃໝ່ 525 ຄົນ, ສ່ວນອິຕາລີມີຈຳນວນຜູ້ຕິດເຊື້ອ 152.271 ຄົນ, ຝຣັ່ງ ມີຜູ້ຕິດເຊື້ອ 129.654 ຄົນ ສ່ວນຜູ້ເສຍຊີວິດມີ 13.832 ຄົນ, ເຢຍລະມັນ ມີຜູ້ຕິດເຊື້ອ 125.452 ຄົນ ມີຜູ້ເສຍຊີວິດ 2.871 ຄົນ, ສະຫະຣາຊະອານາຈັກ ມີຜູ້ຕິດເຊື້ອ 78.991 ຄົນ ມີຜູ້ເສຍຊີວິດຈຳນວນ 9.875 ຄົນ, ສ່ວນອີຣານ ມີຜູ້ຕິດເຊື້ອ 70.029 ຄົນ ສ່ວນຜູ້ເສຍຊີວິດມີ 4.357 ຄົນ.

-    AD conten website - ຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ
- lattana banner - ຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ
- lattana banner 1 - ຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.778.210 ຄົນ
error: Alert: ເນື້ອຫາຂ່າວມີລິຂະສິດ !!