IMF ເຕືອນໜັກສຸດໃນຮອບເກືອບ 100 ປີ

- 124 1 - IMF ເຕືອນໜັກສຸດໃນຮອບເກືອບ 100 ປີ
- Untitled design - IMF ເຕືອນໜັກສຸດໃນຮອບເກືອບ 100 ປີ

      IMF ເຕືອນພິດໂຄວິດຮ້າຍແຮງສຸດ ເຮັດໃຫ້ເສດຖະກິດໂລກພັງ ແລະ ຫລຸດຖອຍໜັກສຸດໃນຮອບເກືອບ 100 ປີ ນັບແຕ່ສົງຄາມໂລກ ພຽງ 3 ອາທິດ ຄົນອາເມລິກາຕົກງານແລ້ວ 17 ລ້ານຄົນ.

      ສື່ຕ່າງປະເທດ ລາຍງານວ່າ: ທ່ານ ນາງ ຄຣິສເຕຍນາ ກໍເກຍວາ ກຳມະການຜູ້ຈັດການໃຫຍ່ກອງທຶນການເງິນສາກົນ (IMF) ໄດ້ອອກມາເຕືອນ ເຖິງຄວາມກັງວົນເຖິງວິກິດເຊື້ອໄວຣັສໂຄໂຣນາສາຍພັນໃໝ່ລະບາດໃຫຍ່ທົ່ວໂລກວ່າຄັ້ງນີ້ບໍ່ຄືກັບທຸກວິກິດທີ່ຜ່ານມາ ເພາະຈະສົ່ງຜົນກະທົບຕໍ່ເສດຖະກິດໂລກ ຈົນເຂົ້າສູ່ສະພາບຫລຸດຖອຍຮ້າຍແຮງທີ່ສຸດ ນັບແຕ່ເຄີຍເກີດວິກິດເສດຖະກິດຕົກຕໍ່າຄັ້ງໃຫຍ່ (Great Depression) ທີ່ເລີ່ມເກີດຢູ່ທະວີບອາເມລິກາເໜືອ ແລະ ເອີຣົບ ໃນປີ 1929 ຫລັງສົງຄາມໂລກຄັ້ງທີໜຶ່ງ ຫລື ເມື່ອ 91 ປີຜ່ານມາ ແລະ ຍັງຂະຫຍາຍວົງກວ້າງໄປຫາບັນດາປະເທດທົ່ວໂລກ.

      ຜູ້ອຳນວຍການໃຫຍ່ IMF ຍັງກ່າວເຖິງວິກິດທີ່ເກີດຈາກເຊື້ອໄວຣັສໂຄໂຣນາໂຄວິດ-19 ວ່າໄດ້ກໍ່ໃຫ້ເກີດການຢຸດສະງັກທາງສັງຄົມ ແລະ ເສດຖະກິດໃນບັນດາປະເທດທົ່ວໂລກ ໃນລະດັບທີ່ບໍ່ເຄີຍເຫັນມາກ່ອນເທົ່າທີ່ຈື່ໄດ້. ນອກຈາກຄົນຈຳນວນຫລາຍຕ້ອງຕິດເຊື້ອສູນເສຍຊີວິດ ແລະ ມາດຕະການລັອກດາວທີ່ຈຳເປັນຕໍ່ການຕໍ່ສູ້ກັບການລະບາດຂອງເຊື້ອໄວຣັສໂຄວິດໄດ້ສົ່ງຜົນກະທົບຕໍ່ຄົນທົ່ວໂລກເປັນພັນໆລ້ານຄົນ. ພ້ອມຮຽກຮ້ອງໃຫ້ປະເທດສະມາຊິກ IMF 189 ປະເທດທີ່ຈະມາຮ່ວມປະຊຸມສຸດຍອດໃນອາທິດນີ້ ຄວນດຳເນີນມາດຕະການເພື່ອຟື້ນຟູເສດຖະກິດຂອງປະເທດຕົນຢ່າງວ່ອງໄວ ແລະ ໃຫ້ກັບມາແຂງແຮງອີກ.

- Wave100S AD to Website 2020 0 - IMF ເຕືອນໜັກສຸດໃນຮອບເກືອບ 100 ປີ
- WhatsApp Image 2020 05 27 at 5 - IMF ເຕືອນໜັກສຸດໃນຮອບເກືອບ 100 ປີ
- WhatsApp Image 2020 05 27 at 5 - IMF ເຕືອນໜັກສຸດໃນຮອບເກືອບ 100 ປີ
error: Alert: ເນື້ອຫາຂ່າວມີລິຂະສິດ !!