ພາຍຫຼັງຖືກຄົນລັກເອົາຜ້າອັດປາກ 3 ອັນໄປ ກັບໄດ້ຮັບຄວາມໂຊກດີ

- 787 - ພາຍຫຼັງຖືກຄົນລັກເອົາຜ້າອັດປາກ 3 ອັນໄປ ກັບໄດ້ຮັບຄວາມໂຊກດີ
- Untitled design - ພາຍຫຼັງຖືກຄົນລັກເອົາຜ້າອັດປາກ 3 ອັນໄປ ກັບໄດ້ຮັບຄວາມໂຊກດີ

ໂດຍ: ລູກເມືອງພວນ

ໃນຂະນະທີ່ພະຍາດໂຄວິດກຳລັງລະບາດຢ່າງຮ້າຍແຮງຢູ່ໃນເວລານີ້, ປະເທດ ອັງກິດມີຜູ້ເສຍຊີວິດແລ້ວ 10.000 ຄົນ, ວັດຖຸອຸປະກອນ ແລະ ເຄື່ອງມືຮັບໃຊ້ການແພດທີ່ຈຳເປັນຈຳນວນໜຶ່ງເຊັ່ນ: ຊຸດປ້ອງກັນໄວຣັດ, ຜ້າອັດປາກ-ດັງໃຫ້ຖັນແຖວພະນັກງານແພດໝໍ ຂາດເຂີນຢ່າງຮ້າຍແຮງ ແລະ ໄດ້ກາຍເປັນຄວາມຕ້ອງການສູງກວ່າເວລາໃດໝົດໃນຂະນະນີ້. ການລັກເອົາອຸປະກອນການແພດເຫຼົ່ານັ້ນ ໄດ້ລະບາດຂຶ້ນຢູ່ທຸກແຫ່ງໃນປະເທດ ອັງກີດ, ໃນນັ້ນນັບທັງຢູ່ ໂຮງໝໍ Kings College ໃນນະຄອນຫຼວງ ລອນດອນອີກດ້ວຍ.

ທ້າວ Lerun Hussain, ອາຍຸ 34 ປີໄດ້ລັກເອົາຜ້າອັດປາກ-ດັງ 3 ອັນຂອງໂຮງໝໍ Kings College ໄປໃນວັນທີ 7 ເມສາຜ່ານມາ. ຫຼັງຈາກນັ້ນເຂົາກໍຖືກຈັບຕົວ ແລະ ຖືກຕັດສິນລົງໂທດຂັງຄຸກ 3 ເດືອນ.
ຖ້າຢູ່ໃນສະພາບປົກກະຕິ ການເສຍຜ້າອັດປາກ-ດັງ 3 ອັນໄປ ກໍຈະບໍ່ເປັນເລື່ອງໃຫ່ຍເລື່ອງໂຕຫຍັງ, ແຕ່ທັງນີ້ ໂຮງໝໍດັ່ງກ່າວກຳລັງຂາດເຂີນຜ້າອັດປາກ-ດັງຢ່າງຮ້າຍແຮງ ແລະ ກາຍເປັນໄພຂົ່ມຂູ່ຕໍ່ຄວາມປອດໄພຂອງຖັນແຖວພະນັກງານແພດໝໍຢູ່ໃນໂຮງໝໍດັ່ງກ່າວ.

- Wave100S AD to Website 2020 0 - ພາຍຫຼັງຖືກຄົນລັກເອົາຜ້າອັດປາກ 3 ອັນໄປ ກັບໄດ້ຮັບຄວາມໂຊກດີ

ພາຍຫຼັງເສຍຜ້າອັດປາກ-ດັງໄປ 3 ອັນ, ທາງໂຮງໝໍກັບໄດ້ຮັບແຮງບັນດານໃຈຈາກບຸກຄົນທີ່ຫຼັ່ງໄຫຼໃຫ້ການຊ່ວຍເຫຼືອໃຫ້ແກ່ໂຮງໝໍ ຈາກນັ້ນທາງໂຮງໝໍກໍໄດ້ສະແດງຄວາມຂອບໃຈຜ່ານອອນລາຍວ່າ: “ພວກເຮົາສຸດທີ່ຮູ້ບຸນຄຸນຕໍ່ຄຸນງາມຄວາມດີ ແລະ ມີນໍ້າໃຈອັນສູງສົ່ງຂອງບັນດາທ່ານທີ່ໄດ້ຕອບສະໜອງຜ້າອັດປາກ-ດັງໃຫ້ໂຮງໝໍຂອງພວກເຮົາ, ພາຍຫຼັງທີ່ທາງໂຮງໝໍພວກເຮົາໄດ້ເສຍຜ້າອັດປາກໄປ 3 ອັນ. ເວລານີ້ໄດ້ມີຜູ້ສະແດງເຈດຈຳນົງໃຫ້ການຊ່ວຍເຫຼືອຢ່າງຫຼວງຫຼາຍ. ດີໃຈທີ່ຖັນແຖວພະນັກງານແພດໝໍຂອງພວກເຮົາຈະມີຄວາມປອດໄພສູງຂຶ້ນ ”

- WhatsApp Image 2020 05 27 at 5 - ພາຍຫຼັງຖືກຄົນລັກເອົາຜ້າອັດປາກ 3 ອັນໄປ ກັບໄດ້ຮັບຄວາມໂຊກດີ
- WhatsApp Image 2020 05 27 at 5 - ພາຍຫຼັງຖືກຄົນລັກເອົາຜ້າອັດປາກ 3 ອັນໄປ ກັບໄດ້ຮັບຄວາມໂຊກດີ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!