ປີໃຫມ່ໃນສະພາບໂຄວິດ-19

- 24 1 - ປີໃຫມ່ໃນສະພາບໂຄວິດ-19
- Untitled design - ປີໃຫມ່ໃນສະພາບໂຄວິດ-19

ການສະເຫລີມສະຫລອງປີໃຫມ່ລາວປີນີ້ຜ່ານມາສອງມື້ແລ້ວຄືວັນທີ 13-14 ເມສາອັນເປັນມື້ສັງຂານລ່ວງ ແລະ ມື້ເນົາ, ຕາມຮີດຄອງປະເພນີທີ່ຊາວລາວເຮົາເຄີຍປະຕິບັດກັນມາ, ກໍຈະເປັນມື້ມ່ວນຊື່ນລື້ນເລີງຈັດຕັ້ງກັນເຂົ້າອວຍພອນຄາລະວະຜູ້ຫລັກຜູ້ໃຫຍ່, ເຖົ້າແກ່ອາວຸໂສ,ຜູ້ເປັນພໍ່ເປັນແມ່ທີ່ເຄົາລົບນັບຖື, ພ້ອມນັ້ນກໍຈະໄດ້ພ້ອມພາກັນເຂົ້າວັດຫົດສົງຄູບາອາຈານ, ພະພຸດທະຮູບເພື່ອຂໍພອນໃນໂອກາດປີໃຫມ່ຂໍໃຫ້ມີໂຊກມີໄຊໄດ້ດັ່ງປາຖະຫນາ ແລະ ຄວາມສຸກສົມຫວັງທຸກປະການ, ຈາກນັ້ນກໍແມ່ນການຫົດນໍ້າຊຶ່ງກັນ ແລະ ກັນຂອງມວນຊົນຊາວຫນຸ່ມຍິງສາວ ດ້ວຍຄວາມມ່ວນຊື່ນລື້ນເລີງຫາຫຍັງປຽບໄດ້ຍາກ.

ແຕ່ແລ້ວປີໃຫມ່ປີນີ້, ພວກເຮົາພັດມາປະສົບພົບພໍ້ກັບໂຣກຮ້າຍໄພອັນຕະລາຍຂອງພະຍາດໂຄວິດ-19 ທີ່ພວມລະບາດ ແລະ ຂົ່ມຂູ່ຊີວິດຂອງມວນມະນຸດເຮົາບໍ່ຫນ້ອຍ, ຫລາຍຮ້ອຍຫລາຍພັນຄົນໄດ້ຈາກພວກເຮົາໄປຢ່າງບໍ່ມີວັນກັບມາອີກແລ້ວຍ້ອນໂຣກຮ້າຍດັ່ງກ່າວ ແລະ ຢູ່ບ້ານເມືອງເຮົາກໍໄດ້ຮັບຜົນກະທົບຢ່າງຫນັກຫນ່ວງເຊັ່ນກັນ, ທົ່ວສັງຄົມຕ້ອງໄດ້ກັກກັນຕົນເອງຢູ່ບ້ານຢູ່ເຮືອນ, ໂຈະການຈັດງານຊຸມນຸມ, ວັນບຸນປະເພນີຕ່າງໆ, ຕະຫລອດຮອດການສະຫລອງບຸນປິໃຫມ່ປະຈຳຊາດເຮົານີ້ກໍຕ້ອງໄດ້ຢຸດຕິ, ເພື່ອທຸກຄົນຕ້ອງເປັນເຈົ້າການສະກັດກັ້ນ ແລະ ປ້ອງກັນການແຜ່ລະບາດຂອງພະຍາດໂຄວິດດັ່ງກ່າວ, ເພື່ອບໍ່ໃຫ້ຂະຫຍາຍເປັນວົງ ກ້ວາງ ແລະ ຫລຸດຜ່ອນຄວາມເສຍຫາຍທາງຊີວິດ ແລະ ຊັບສິນຂອງຊາດ ແລະ ຂອງປະຊາຊົນເຮົາ.

-                    - ປີໃຫມ່ໃນສະພາບໂຄວິດ-19
ຂອບໃຈພາບໂດຍ: Phoonsab Thevongsa

ດັ່ງນັ້ນບັນຍາກາດການສະຫລອງສົງການນີ້ໄດ້ງຽບສະຫງົບລົງ, ຖະຫນົນສາຍຫລັກໃນນະຄອນຫລວງວຽງຈັນຫລາຍເສັ້ນທີ່ເຄີຍເຫັນມວນຊົນນັບຮ້ອຍນັບພັນແຫ່ແຫນກັນຫົດນໍ້າອວຍພອນຊຶ່ງກັນ ແລະ ກັນ ປະສານກັບສຽງເສບສຽງລຳອັນມ່ວນຊຶ່ນຄຶກຄື້ນນັ້ນ, ສຳລັບປີນີ້ໄດ້ຫ່າງຫາຍໄປເພື່ອຄວາມປອດໄພ, ຄ່ຽງຄູ່ກັນນັ້ນຍ່ານໆເຮົາຈະແນມເຫັນເຈົ້າ ຫນ້າທີ່ພວມຄອຍຄວບຄຸມ ແລະ ຮັກສາຄວາມເປັນລະບຽບຮຽບຮ້ອຍແລະ ຄວາມສະຫງົບຂອງຕົວເມືອງ, ຄອຍເບິ່ງແຍງດູແລຕັກເຕືອນໃຫ້ປະຊາຊົນ ແລະ ແຂກຄົນຕື່ນຕົວເປັນເຈົ້າການ ປ້ອງກັນຕົນເອງດ້ວຍການນຳໃຊ້ຜ້າອະນາໄມປິດປາກ, ສະກັດກັ້ນບໍ່ໃຫ້ມີການຊຸມແຊວ ຫລືການເຮັດກິດຈະກຳຕ່າງໆທີ່ມີຫລາຍຄົນຊຶ່ງອາດເປັນຈຸດສ່ຽງໃຫ້ມີການຕິດເຊື້ອພະຍາດດັ່ງກ່າວ ແລະ ກໍຫນ້າຊົມເຊີຍເຖິງວ່າໃນງານບຸນໃຫຍ່ປະຈຳຊາດປີນີ້ຈະມີຄວາມງຽບເຫງົາແຕ່ປະຊາຊົນ ແລະທົ່ວສັງຄົມຕ່າງກໍມີຄວາມອົດທົນແລະ ເປັນເຈົ້າການຮັບເອົາຄວາມງຽບເຫງົາດັ່ງກ່າວແລກກັບຄວາມຢູ່ເຢັນເປັນສຸກຂອງຕົນເອງ ແລະ ບ້ານເມືອງທີ່ປາສະຈາກພະຍາດຮ້າຍໂຄວິດນີ້.

- Wave100S AD to Website 2020 0 - ປີໃຫມ່ໃນສະພາບໂຄວິດ-19
- 1 4 - ປີໃຫມ່ໃນສະພາບໂຄວິດ-19
ຂອບໃຈພາບໂດຍ: Phoonsab Thevongsa

ກໍເປັນຫນ້າຊົມເຊີຍຄືວານນີ້ເປັນມື້ເອົາພະລົງສົງ, ແຕ່ຫລາຍວັດຕ້ອງແມ່ນຄູບາອາຈານໄດ້ເຮັດດ້ວຽຕົນເອງເພື່ອເປັນພິທີ, ໂດຍບໍ່ມີອອກຕົນຍາດໂຍມເຂົ້າຮ່ວມຄືຢູ່ວັດອົງຕື້ມະຫາວິຫານ, ພຣະສົງພາຍໃນວັດໄດ້ທຳພິທີ ອັງເຊີນພະພຸດທະຮູບ ລົງມາຫົດສົງ, ໂດຍມີເຈົ້າອະທິການວັດດັ່ງກ່າວ, ພ້ອມດ້ວຍພຣະສົງສາມະເນນພາຍໃນວັດ ຮ່ວມທຳພິທີ, ໂດຍປາສະຈາກ ປະຊາຊົນພາຍນອກ, ດັ່ງ ພຣະອາຈານພວງປະເສີດ ເຈົ້າອະທິການວັດດັ່ງກ່າວໃຫ້ຮູ້ວ່າ: ປະເພນີບຸນປີ ໃໝ່ລາວທີ່ໄດ້ສືບທອດກັນມາ, ໂດຍທຸກປີທາງວັດຈະມີການຈັດພິທີ ທາງສາສະໜາເຊັ່ນ: ພິທີໃຫ້ຫົດສົງພຣະພຸດທະຮູບ ພະເຈົ້າໃຫຍ່ອົງຕື້, ຕັກບາດຖວາຍສັງຂະທານ, ຕົບພະທາດຊາຍ ແລະ ອື່ນໆ, ແຕ່ ປີນີ້ ເນື່ອງຈາກມີການລະບາດຂອງໂຄວິດ-19 ຈຶ່ງເຮັດໃຫ້ທາງວັດບໍ່ສາມາດຈັດພິທີດັ່ງກ່າວໄດ້, ສະນັ້ນ ຈຶ່ງໃຫ້ພຣະສົງ ໄດ້ເຮັດພິທີສົງພຣະເຈົ້າໃຫຍ່ອົງຕື້ແທນທັງນີ້ກໍເພື່ອຄວາມປອດໄພຂອງຊາວເມືອງ. ສຳລັບ ບຸນປີໃໝ່ລາວປີນີ້ ແມ່ນໄດ້ເລີ່ມແຕ່ມື້ວັນທີ 13 ເມສາ ຊຶ່ງເອີ້ນວ່າ ເປັນມື້ສານຂານລ່ວງ, ວັນທີ 14 ແລະ 15 ເປັນມື້ ເນົາ,ສ່ວນວັນທີ 16 ເມສາ ເປັນມື້ສັງຂານຂື້ນ.

- WhatsApp Image 2020 05 27 at 5 - ປີໃຫມ່ໃນສະພາບໂຄວິດ-19
- WhatsApp Image 2020 05 27 at 5 - ປີໃຫມ່ໃນສະພາບໂຄວິດ-19
error: Alert: ເນື້ອຫາຂ່າວມີລິຂະສິດ !!